د بغلان یوشمېر صرافانو نن د دغه ولایت په مرکز پلخمري ښار کې د ناامنیو او وسلهوالو غلاوو د ډېروالي پر وړاندې لاریون وکړ.
دغه لاریون له هغه وروسته کېږي چې ناپېژنده وسلهوالو غلو پرون هغه مهال یو صراف ټپي او نږدې څلورنیم میلیونه افغانۍ یې ترې یووړې چې غوښتل یې بانک ته یې یوسي.
د احصایې او معلوماتو ملي ادارې تازه له پښتنو پرته د قومونو یو نوملړ چې خلک کولای شي د برښنايي پېژندپاڼې د اخیستلو پر مهال یې غوره کړي، خپور کړی دی.
د ملي کنګرې ګوند رییس عبداللطیف پدرام نن د احصایې او معلوماتو ملي ادارې د دغه اقدام پر وړاندې یوې جوړې شوې خبري غونډې ته وویل چې د ولسمشري ماڼۍ کړۍ هڅه کوي چې د تاجک، هزاره او اوزبک قومونو په وېشلو سره پښتانه ډېر وښيي.
د افغانستان د ملي کنګرې ګوند رییس لطیف پدرام نن په کابل کې یوې خبري غونډې ته وویل، ښايي د مسکو په جوړېدونکې غونډه کې به د سولې انتقالي حکومت او د دغه حکومت د رییس پر ټاکلو بحث وشي.
پکتیا کې مېرمنې که څه هم شکايت کوي چې لا هم د اسلام او قانون له لوري ورکړل شوي حقونه په بشپړه توګه نه دي ورکړل شوي او په ترلاسه کولو کې یې له ستونزو سره مخامخ دي، خو زیاتوي چې په ځينو برخو کې مثبت بدلونونه هم راغلي دي.
دغو مېرمنو دا خبرې په ګردېز کې د بشري حقونو په يوه جوړه شوې غونډه کې کړې دي.
په بغلان کې باوري امنیتي سرچینو سلاموطندار ته ویلي چې طالبانو د بغلان ښار د دویمې امنیتي حوزې اړوند په «جلازيي» سیمه کې د بغلان پوهنتون د کرنې پوهنځي د استادانو او زدهکړیالانو پر موټر برید کړی دی.
د سرچینو په وینا، په دغه برید کې موټرچلوونکی وژل شوی او ۴ استادان ټپیان شوي دي. خو د بغلان ولایتي روغتون ډاکټران وايي چې د موټرچلوونکي او یوه زدهکړیال جسدونه ور وړل شوي دي.
د اوبو چارو د تنظیم ملي ادارې د اوبو سرچینو عمومي ریاست سرپرست فایز رحمان عزیزي د کمال خان بند د حیاتي ارزښت ارزونې په غونډه کې وویل، د دغې ادارې تازه ارزونې ښيي چي ټاکل شوې افغانستان په راتلونکو کلونو کې د منځنۍ او سختې وچکالۍ له دورو سره مخامخ شي.
ټاکل شوې دوه ورځې وروسته د مارچ په ۱۸مه نېټه په مسکو کې د افغان سولې په تړاو د افغان دولت، سیاستوالو او طالب استازو پر ګډون سربېره، د یوشمېر نورو هېوادونو د استازو په ګډون، یوه ستره غونډه جوړه کړي.
خو د چارو یوشمېر شنونکي باور لري چې روسیه د افغانستان په اړه د دې سترې غونډې کوربهتوب ته ځکه مټې را بډوهلي چې د سیمې پر هېوادونو خپل اغېز وساتي او د افغانستان په قضیه کې هم ښکېل پاتې شي.
د بندخونو چارو د تنظیم ادارې د دفتر رییس او د رسنیو برخې مسوول فرهاد بایاني که څه هم سلاموطندار ته د ولسمشر فرمانونو د پلي کېدو په برخه کې د اړیکو پالل او فساد نه ردوي، خو وايي چې په دې اداره کې یې د مفسدو لاسونه لنډ کړي دي.
د نوموړي په وینا، د دې ادارې د کشفي او استخباراتي برخو په پیاوړتیا سره یې په ۱۳۹۹ کال کې نږدې ۱۰ کسان د بندیانو د بښنې او د بند کمښت په برخه کې د ولسمشر فرمانونو د پلور په تور نیولي دي.
د پروان ولایتي شورا، مدني فعالانو او ځوانانو نن په یوه غونډه کې د احصایې او معلوماتو ملي ادارې له لوري د قومونو د نوملړ خپرولو پر وړاندې غبرګون وښود او هغه یې د خلکو د بېلوالي لامل وباله.
نږدې درې میاشتې کېږي چې د بغلان په مرکز پلخمري ښار کې د نساجي برښنا بند د دستګاه د اوبو زېرمه کولو کاسې په خرابېدو سره د دغه ولایت د برښنا د تولید دویم بند دوه توربینونه له کاره لوېدلې دي.
د بغلان د برښنا رییس عبدالاول پناه وايي، د دغو توربینونو په خرابېدو سره د دغه ولایت د برښنا دویمې دستګاه په تولید کې ۶ مېګاواټه کموالی راغلی دی.
د تخار ولایتي مسوولان وايي، له دوو کلونو ډېره موده کېږي چې طالبانو په دغه ولایت کې د شپې له خوا د مخابراتي شبکو پر فعالیت بندیز لګولی دی. د دوی په وینا، طالبانو مخابراتي شبکو ته خبرداری ورکړی، که هره ورځ د مازدیګر په پنځو بجو خپل فعالیت بند نه کړي، سزا به ورکړي.
د کابل والي محمدیعقوب حیدري د کورنیو چارو وزارت د نشهيي توکو پر وړاندې د مبارزې معینیت پر کمکارۍ د نیوکې ترڅنګ وايي، په یاده اداره کې فساد پر نشهيي توکو د خلکو اخته کېدو د ډېروالي لامل شوی دی.
د لږکيو قومونو د یووالي شورا غړيو نن په کابل کې په يوه خبرې ناسته کې وویل، په داسې حال کې چې لږکيو قومونو په افغانستان کې ډېره قرباني هم ورکړې ده خو له خپلو حقونو بېبرخې دي. دوی له ولسمشره وغوښتل چې د لږکيو قومونو په استازیتوب دې د سولې پروسه کې د دوی استازي شامل کړي او په حکومت کې دې هم ونډه ورکړي.
مدیحه امیري ۲۶ کاله عمر لري او د بلخ پوهنتون په انجینرۍ څانګه کې یې زدهکړې کړي وایي، دا چې په خپله تحصیلي برخه کې یې ورته د کار زمینه نه وه برابره، د ۳۰ زرو افغانیو په پانګې اچونې سره یې د خیاطۍ کار خونه جوړه کړې ده.
د یادې کارخونې د کار کوونکيو له لوري ټولې ګڼدل شوې جامې په نوي او ځانګړې بڼه تولید او بازار ته وړاندې کېږي. د مدیحې په دې کار خونه کې اوس ۲۰ ښځینه کار کوونکې په کار بوختې دي.
د بهرنیو چارو وزیر محمدحنیف اتمر نن د ترکیې د بهرنیو چارو وزیر مولود چاووش اوغلو سره په ټیلیفوني خبرو کې هیله څرګنده کړې چې د افغان سولې په اړه د استانبول غونډه به په افغانستان کې اوربند او یوې سیاسي حللارې ته لاره هواره کړي.
د بهرنیو چارو وزارت په یوه خبرپاڼه کې ویلي چې اتمر په دغو ټیلیفوني خبرو کې د افغان سولې په اړه د دې مهمې غونډې د کوربهتوب له کبله د ترکیې ستاینه کړې او هغه یې یوه مهمه ناسته بللې ده.
د معلوماتو او احصاییې ملي ادارې یوې اعلامیه کې ویلي، د سترې محکمې د پرېکړې له مخې برېښنايي پېژندپاڼو کې د نورو ډېرو قومونو نومونه هم ثبتېدلی شي چې دغه کار له غبرګونونو سره مخ شوی دی.
د ټولنيزو شبکو يو شمېر کاروونکي وايي، د قومونو په دې نوملړ کې تاجک، هزاره او اوزبک په ډېرو برخو وېشل شوي، په داسې حال کې چې پښتون په ډېرو برخو نه دی وېشل شوی او يوازې د «پښتون» په نوم راغلی دی.
