ولسمشر محمد اشرف غني نن د پوهنې زنګ په کړنګولو سره نوی تعلیمي کال پرانیسته. ولسمشر غني د ۱۴۰۰م تعلیمي کال د پیلېدو په مناسبت غونډه کې وویل، روان تعلیمي کال به شاوخوا یو میلیون نوي زدهکوونکي ښوونیز نظام ته جذب شي او د ۱۱زره او ۷۳ د ښوونکيو د جذب نوي بستونه به اعلان شي.
جمهور رييس غني زیاته کړه، وروسته له ډېرو کلونو به لومړي ځل لپاره هېواد کې دننه په ښه کیفیت سره کتابونه چاپ شي…
د ناټو سرمنشي ینس سټولټنبرگ د ياد سازمان د وزيرانو انلاين غونډه کې وويل، هيله لري چې طالبان خپل هېڅ پسرلني عمليات پيل نهکړي او د سولې د شوې هوکړې له مخې تاوتريخوالی کم کړي.
سټولټنبرگ زياتوي، ياد سازمان تمه لري چې طالبان په ښکاره توګه ثابته…
د اسلامي جمعيت ګوند د رهبرۍ شورا غړي محمد اسماعیل خان د عطا محمد نور په مشرۍ د ياد ګوند د بېل شوي حزب له لوري د کنګرې له جوړولو سره مخالف وښود.
اسماعيل خان له جمعيته د بېلې شوې څانګې له لوري جوړېدونکې کنګره غيرمعياري، تقلبي او شخصي ګڼي او د ياد ګوند له ټولو غړو یې وغوښتل چې د دغه ګوند د يو شمېر غړيو وروستۍ کړنې تحریم کړي.
د لوګر والي عبدالقیوم رحیمي نن دوشنبه پل علم کې خبریالانو ته وویل چې څرخ ولسوالۍ د دوی په کنټرول کې ده او د ولسي وګړو او د ولایت نظامي شورا د پرېکړې له مخې يې د څرخ ولسوالۍ مقام له یوه ځایه خپل اصلي ځای «ډبر» ته لېږدولی دی.
د وسلهوالو طالبانو ویاند ذبیح الله مجاهد ويلي و چې د څرخ ولسوالۍ ودانۍ یې نیولې او افغان ځواکونو ته یې درنه مرګژوبله اړولې ده.
د ولسمشر لومړی مرستيال امرالله صالح وايي، د ميدان وردکو په بهسود ولسوالۍ کې د چورلکې غورځېدو پېښه کې د ۵ امنیتي ځواکونو او د پیلوټ په ګډون د ۴ کارکوونکيو وژل يو ښکاره جنايت دی او د دغه جنايت عاملانو ته بايد سزا ورکړل شي.
صالح وايي، په هغه شپه بهسود ولسوالۍ کې د هېڅ چا پروړاندې عملیات نه وو پلان شوي چې د نامسووله وسلهوال د عليپور د ملېشو له لوري چورلکه وويشتل…
د بهرنیو چارو وزارت وايي، محمد حنيف اتمر نن د افغان سولې لپاره د سیمهییزې او نړیوالې اجماع پياوړي کولو په موخه هند ته لاړ.
له ياد وزارته په خپره شوې خبرپاڼه کې راغلي، دغه سفر کې به د افغان سولې په اړه او همداراز د دوه اړخیزو اړیکو او له ترهګرۍ سره د ګډې مبارزې د همکاریو د پراختیا په موخه هم خبرې وشي.
بلخ کې سږ کال د جنډې پورته کولو مراسم د زرګونو کورنیو او بهرنیو مېلمنو په ګډون سره په امن کې تېر شول. که څه هم هر کال به په دغو مراسمو کې د حکومت مرکزي ادارې لوړپوړو چارواکو ګډون کاوه، خو سږ کال د ناڅرګندو لاملونو له کبله نه وو ورغلي.
د بدخشان د مرکز فیضاباد ښار یوشمېر نجونې وایي، په دغه ولایت کې د دوی لپاره د سپورټ اسانتیاوې نشته او له سپورټ نه بېبرخې دي. د دوی په وینا، دولت باید د ښځینهوو لپاره د سپورټ ځانګړي کلپونه جوړ کړي، څو د خپلې سلامتیا لپاره سپورټ وکړي.
د بدخشان یوه اوسېدونکې فرېبا وايي، په یاد ولایت کې د نارینهوو لپاره د سپورټ کلپونه او لوبغالي شته، خو د نجونو لپاره په دې برخه کې هېڅ پام نه دی شوی او د دغه ولایت د سپورټ ادارې هم کوم کار نه دی کړی.
د کورنیو چارو وزارت وايي چې طالبانو د ۱۳۹۹ کال په اوږدو کې نږدې ۲ زره ملکیان وژلي او ۴ زره او ۱۷۴ نور یې ټپیان کړي دي.
د کورنیو چارو وزارت ویاند طارق ارین پر خپل ټویټر لیکلي چې یاد شمېر ملکیان د طالبانو په ۹۲ ځانمرګو بریدونو، ۲ زره او ۱۷۴ ماین چاودنو او له ۵۰۰ په ډېرو هدفي ترورونو کې وژل شوي او ټپیان دي.
سرله دې چې هېواد کې د نوروز نمانځنه یو تاریخي دود دی او د نوي کال په رارسېدو سره خلک د کال لومړۍ ورځ په جشن سره نمانځي؛ خو ناامنیو په دې ډول تاریخي جشنونو سیوری غوړولی او هغه یې بېرنګه کړي دي.
د ټول هېواد په ځانګړې توګه پلازمېنه کې امنیتي وضعیت خرابه شوی او هېوادوال یې اندېښمن کړي دي.
د ملي امنیت عمومي رییس احمد ضیا سراج نن په يوه خبري ناسته کې د خبرو پر مهال د طالبانو له لوري د بريدونو د نوې کړنلارې خبر ورکړ. نوموړي وويل، طالبانو دا ګام وروسته له هغه اخيستی چې په دې وروستيو کې يې ګڼ شمېر کسان چې د هدفي وژنو عاملان و، ونيول شول.
د وردګو ولايت په بهسودو ولسوالۍ کې د وژل شوي سرتېري شېرالله ګردېزي د جنازې مراسم د پکتيا په مرکز کې تر سره شول. شېرالله چې د مرکز ګردېز اوسېدونکی و چې درې ورځې وړاندې په وردګو ولايت کې د عليپور د نامسوولو ملېشو له لوري يې الوتکه وويشتل شوه او نوموړی پهکې ووژل شو.
ولسمشر محمد اشرف غني وايي، د میدان وردګو ولایت په بهسودو ولسوالۍ کې د وروستۍ پېښې د قربانیانو غچ به له عاملانو اخلي. دغه څرګندونې درې ورځې وروسته له هغه وشوې چې یوه پوځي الوتکه د میدان وردګو ولایت په بهسودو ولسوالۍ کې رانسکوره شوه.
له ارګه په خپره شوې خبرپاڼه کې راغلي، ولسمشر غني نن شنبه د یادې پېښې د قربانیانو له وارثینو…
طالبانو تر خپلو کنټرول لاندې سيمو کې هغو قراردادي روغتيايي بنسټونو ته خبرداری ورکړی، که چېرې خپل مسووليتونه په سمه توګه ترسره نهکړي، فعاليتونه به يې وځنډوي.
وسلهوالو طالبانو په يوه خپره شوې اعلاميه کې ويلي، سره له دې چې يو شمېر قراردادي روغتيايي بنسټونه له اړوندو بنسټونو پوره بوديجه ترلاسه کړې؛ خو له کاره يې اوږې سپکې کړي او د مسووليتونو په ترسره کولو کې يې ناغېړي کړې.
یوه امنیتي سرچینه چې نه غواړي نوم یې خپور شي سلاموطندار ته وايي، شاوخوا ۱۱ سوه امنیتي ځواکونه، چې د پولیسو ځانګړې قطعه، کومانډو، د پوځ سرتیري او پولیس په کې دي، بامیانو کې د ولسي مقاومت قومندان عبدالغني عليپور ځپلو لپاره د چمتوالي په حال کې دي.
د ملي مصالحې عالي شورا مشر عبدالله عبدالله کورنیو چارو وزارت څخه د مسعود انداربي ګوښه کېدو سره مخالفت کړی او دغه پریکړه یې عجولانه بللې.
د ملي مصالحې عالي شورا د شنبې په ورځ (حوت یا کب میاشتې په ۳۰مه) یوه اعلامیه کې ویلي، مسعود اندرابي له مشورې او موجه دلایلو پرته او د سیاسي هوکړې خلاف له دندې ګوښه شوی.
