دا چاودنه نن ماسپښین شاوخوا یوهنیمه بجه د کندوز ښار د خاناباد بندر په سیداباد جامع جومات کې د لمانځه پر مهال شوې ده.
د پېښې عیني شاهدانو ویلي چې په چاودنه کې نږدې ۱۰۰ کسان وژل شوي او له ۲۰۰ ډېر نور ټپیان دي. د شاهدانو په وینا، ټپیان د کندوز ولایتي روغتون ته لېږدول شوي دي. ویل کېږي چې د سیداباد جامع جومات د شیعهګانو دی.
پر هېواد د طالبانو له واکمنېدو شاوخوا دوه میاشتې وروسته اوس هم وختناوخت هوايي ډزې کېږي چې له کبله یې خلک اندېښمنېږي او د یوې بلې جګړې د پیلېدو په فکر کې غرقېږي. د بادغیس د مرکز قلعهنو ښار اوسېدونکي په دغه ښار کې د طالبانو له لوري د شپې له خوا د هوايي ډزو په اړه وايي چې دغو ډزو له یوې خوا شخصي دښمنۍ زیاتې کړي او بلهخوا یې نه یوازې د خلکو ژوند له ګواښ سره مخ کړی، بلکې هغوی یې وېرولي او ماشومان یې لا پر رواني ناروغۍ اخته کړي دي.
د افغانستان اسلامي امارت نن د یوې خبرپاڼې په خپرولو سره ویلي چې نړیوال هېوادونه او سازمانونه دې له افغانستان سره خپلې مرستې د سیاسي فشار په توګه نه کاروي.
د قطر د بهرنیو چارو وزارت ویاندې له امریکايي فارن پالیسي مجلې سره په مرکه کې ویلي چې قطر له خپلو نړیوالو شریکانو غوښتي، څو د طالبانو په مشرۍ د حکومت په رسمیت پېژندنه کې تلوار ونه کړي. لولوه رشید الخاطر ټینګار کړی چې له طالبانو سره تعامل باید دوام پيدا کړي، خو دا تعامل د دوی د حکومت د تائید په معنا نه دی.
د ننګرهار په اتو ولسوالیو حصارک، شېرزاد، خوګیاڼو، پچيراګام، هسکهمېنه، کوټ، اچین او سپینغر ولسوالیو کې پر شاوخوا ۱۱۶۹۰هکټاره ځمکه د جلغوزیو طبعي ځنګلونه اباد دي چې سږ کال یې په حاصالاتو کې ۲۵ سلنه زیاتوالی راغلی دی.
په هېواد کې د وروستیو تحولاتو له امله که څه هم افغانان له ګڼو ستونزو سره لاس او ګرېوان دي، خو له شته امنیت څخه خوښي څرګندوي او له خپلو کورنیو سره لرو پرتو سیمو ته د چکر لپاره ځي.
په فاریاب کې د اقینې بندر یوشمېر سوداګر په دغه بندر کې د «ټيسيارسي/TCRC» په نوم د یوه بهرني شرکت له غیرقانوني اخاذۍ څخه شکایت کوي او وایي چې دغه مافیايي شرکت د تېلو او ګازو د کیفیت اروزنې په پلمه، د سوداګرو له هر یو ټُن مال څخه ۸ ډالر غیرقانوني اخاذي اخلي.
سهار وختي دوه بجې له کوره خوځېږي او د مازدیګر څلور بجې د بوټو له وري سره بېرته راګرځي. ګلاحمد الماس پر هېواد د طالبانو له واکمنېدو مخکې خبریالي کوله چې په وینا یې، له بېلابېلو رسنیو سره یې د محلي خبریال په توګه کار کړی او اوس یې دنده له لاسه وتلې ده. ګلاحمد الماس د هغو لسګونو خبریالانو له ډلې یو هغه دی چې د خبریالۍ کار یې له لاسه ورکړی او اوس د غور په قطس سیمه کې د ژمي لپاره بوټي راټولوي.
د ډینګي ناروغي یوه ویروسي ناروغي ده چې د غوماشي په وسیله له یوه کس څخه بل ته لېږدول کېږي. د دې ناروغي مثبتې پېښې اوس د ډيورنډ کرښې سره د ننګرهار په دور بابا، لعلپورې او مومندرې ولسوالیو کې ثبت شوې دي.
د عامې روغتیا مسوولان هم مني چې دا ناروغي په یادو ولسوالیو کې خپره شوې او تر اوسه یې ۲۶ مثبتې پېښې ثبت شوې دي.
د افغانستان غالۍ د نړۍ په ډېرو هېوادونو کې د پلور ښه بازار لري، خو اوس یې بهر ته صادرات بند شوي دي. د غالیو د صادراتو ټولنې د اټکل مدیر عبدالودود خان وايي، د اسلامي امارت په راتلو سره د غالیو صادرات په ټپه ولاړ دي او په کور دننه یې هم په پلور کې کموالی راغلی.
نن په کابل کې د پوهنتون یوه استاد په هېواد کې د روان وضعیت له امله له خپلې کورنۍ سره یو ځای په داسې حال کې د ښار واټونو ته راووت چې د اعتراض په توګه یې کفن اغوستی وو.
د روغتیا نړیوال سازمان ویلي چې د اګېسټ میاشتې له پیل راهیسې په ټول افغانستان کې د کورونا ویروس کتل او د دغه ویروس د واکسین ورکول کم شوي دي. دغه سازمان په یوه ټویټ کې لیکلي، په افغانستان کې د کورونا ۱،۶ میلیونه ډوزه واکسین زېرمه شوی او که ژرترژره ونه کارول شي، نېټه به یې تېره شي.
د افغانستان لپاره د اروپايي ټولنې مخکینی ځانګړی استازی رولانډ کوبیا په خپل ټویټرپاڼه لیکلي چې اروپايي ټولنې ۲۵ ټُنه د درملو مرسته افغانستان ته لېږلې ده. د افغانستان لپاره د اروپايي ټولنې مخکیني استازي ویلي، د اړمنو کسانو لپاره د اروپايي ټولنې د مرستو دغه جوپه پرون افغانستان ته رسېدلې. نوموړي دغه مرسته « د خلکو ژوند ژغورلو درمل» یاد کړي .
د برښنا شرکت د نشراتو سرپرست احمدمسعود نېکزاد د وارداتي برښنا د پورونو زیاتېدو خبر ورکوي.
نېکزاد وايي، د برښنا شرکت د ایران، ازبکستان، تاجکستان او ترکمنستان شاوخوا ۶۲ میلیونه ډالره پوروړی دی، په داسې حال کې چې دغه شرکت یوازې ۵۰ میلیونه ډالره بودیجه لري.
د پکتيا مرکز ګردېز ښار چې د سوېل ختيځ زون مرکز دی، د کرېکټ لوبغاړي يې معياري لوبغالی او د سرپټې اکاډمۍ غوښتنه کوي. دوی دا خبرې نن ګردېز کې د کرېکټ تمريناتي اکاډمي په پرانيستغونډه کې وکړې.
د اسلامي امارت د کورنیو چارو وزارت د رسنیو برخې مسوول سعید خوستي نن په کابل کې د یوې خبري غونډې پر مهال وویل، سر له نن څخه به د پاسپورټ ریاست خپل فعالیت پیل کړي.
