د راپورونو له مخې، ټاکل شوې چې راتلونکې اوونۍ د امریکا کانګرېس د دغه هېواد دفاعي بودیجه تصویب کړي، خو د امریکا د استازیو جرګه به یوه داسې طرحه هم تایید کړي چې له مخې به یې، افغانستان سره د دغه هېواد د دفاع وزارت یا پنټاګون پر هر ډول مرستو بندیز ولګېږي.
یوشمېر هېوادوال او موټر چلوونکي په هېواد کې د تېلو بیو د لوړېدو له کبله شکایت کوي او وايي چې د نفتي توکو د بیو لوړېدو د دوی پر ورځني ژوند او کارو بار ناوړه اغېز کړی دی. نجیب الله چې شاوخوا ۲۰ کاله کېږي په کابل ښار کې د تېلو کاروبار پرمخ وړي، دامهال د تېلو بیې لوړېدو کچه بېمخینې او د اندېښنې وړ بولي.
روزګان کې هغه ښځې چې پخوا به يې د لاسي صنايعو د تولید او نورو بېلابېلو برخو کې فعالیت کاوه وايي، هېواد کې د سياسي بدلون، د اسلامي امارت نه پام، بېوزلي او د بازار نهشتون له امله یې کارونه په ټپه درېدلي او ګڼو ستونزو سره مخ دي.
له شاوخوا دوه اوونیو راپدېخوا د پکتیا مرکز ګردېز په ګډون په زرمت، احمدابا، سیدکرم او ځینې نورو ولسوالیو کې د سختو سېلابونو او ږلۍ له امله خلکو ته ګڼ ځاني او مالي زیانونه اوښتي دي.
غور کې امنیتي مسوولان وايي چې د دغه ولایت په مرغاب ولسوالي کې یوه ځوان ځندۍ کړی او ځان وژنه یې کړې ده.
د دغه ولایت د امنیې قومنداني مطبوعاتي دفتر په یوې خبرپاڼه کې ویلي چې دغه ځوان شاهولي نومېده او د مرغاب ولسوالي د «جنداک» کلي اوسېدونکی و.
په لغمان کې ولسي سرچينې وايي چې بېګاه شپه د دغه ولایت په قرغیو ولسوالي کې ناپېژنده وسلهوالو د يوې کورنۍ دوه غړي وژلي او دوه نور یې ټپیان کړي دي. په ورته مهال د لغمان محلي مسوولان هم تاییدوي چې دغه ولایت کې د یوه وسلهوال برید پرمهال د یوې ښځې په ګډون دوه کسان وژل شوي او یو بل ټپي دي.
په کندوز کې امنیتي مسوولان وايي چې د کندوز ښار د پنځمې امنیتي حوزې ځواکونو د څلورمې حوزې اړوند د «ملا غفور» سیمې اوسېدونکی پروېز د یوې کوژدن شوې نجلۍ د تښتونې په تور نیولی دی.
د پکتیا د بدني رونې ادارې مسوولان وايي چې دغه ولایت کې د « امن اختر» په نوم په ازادو سیالیو کې چې د پکتیا سربېره د ۱۸ نورو ولایتونو لوبغاړو هم پهکې ګډون کړی وو، پرون پای ته ورسېدې.
باختر خبري اژانس نن پر خپله ټوېټرپاڼه لیکلي چې پنجشېر ولایت ته د کورني سېلانیانو ورتګ ډېر شوی دی.
پاکستاني رسنیو راپور ورکړی چې په کابل کې د دغه هېواد څلور زدهکړیالان له لوی اختر راپدېخوا نادرکه شوي دي.
د پاکستان د شمالي وزیرستان پولیس وايي چې پرون په میرعلي کې د جمعیت علمای اسلام دوه سیاستوال او دیني عالمان په یوه وسلهوال برید کې وژل شوي دي.
په کندوز کې محلي او امنیتي سرچینې سلاموطندار ته وايي چې بېګاه شپه شاوخوا ۱۰ د ا.ا ځواکونو د دغه ولایت د امام صاحب ولسوالي په «قنجغه عربیه» سیمه کې د داعش پر پټنځای برید کړی دی.
د سرچینې په وینا، د دواړو لوریو ترمنځ نښته د سهار تر درېوو بجو روانه وه. سرچینې زیاته کړه چې په دغه نښته کې درنې او سپکې وسلې کارول شوي دي.
د کډوالۍ نړیوال سازمان یا «IOM» په ځپل یو تازه راپور کې ویلي چې افغانستان کې ۵۵سلنه کورنۍ د خپلو ورځنیو لګښتونو د پوره کولو لپاره د عاید سرچینې نه لري.
د نړیوال اقتصادي فورم د ۲۰۲۲ کال لپاره د جنسیتي نړیوال شاخص په اړه تازه رپوټ کې ویلي، د نارینهوو تر واک لاندې او محافظه کاره ټولنه کې د ښځو لپاره د مناسب فرصت نهشتون له امله افغانستان نړۍ کې د جنسیتي ناانډولۍ تر ټولو ټیټه کچه کې دی. ا.ا بیا ویلي، ښځې د ټولنې بېلابېلو برخو کې د پام وړ فعالیت لري.
د سره صليب نړیوالې کمېتې په خپل یوه تازه راپور کې ویلي چې په افغانستان کې د ا.ا د واکمنۍ راهیسې د لومړنيو اړينو توکو بيې دوه برابره شوي او ډېری افغانان يې د پېر توان نه لري. د دغه سازمان په راپور کې راغلي چې افغانستان کې د خوراکي توکو بیې په ځانګړې توګه د اوړو بیې ۶۸ سلنه لوړې شوې دي.
غزني کې بېوخته او سختو اورښتونو او ږلۍ د کروندګرو او باغلرونکو ترڅنګ د مېوو او کرنیزو محصولاتو یوشمېر سوداګر زیانمن کړي دي.
