بدخشان کې له زاړه سړي سره د يوې ۹کلنې نجلۍ د واده مخه ونيول شوه
د بدخشان د زېباک ولسوالۍ حقوقي مدير امامداد نیازی وايي، د هغې ۹کلنې نجلۍ د واده مخه يې ونيوله چې له يوه زوړ سړي سره يې واده کېده.
نيازي وويل، دغه سړی له خپلې ښځې بېل شوی و.
د بدخشان د زېباک ولسوالۍ حقوقي مدير امامداد نیازی وايي، د هغې ۹کلنې نجلۍ د واده مخه يې ونيوله چې له يوه زوړ سړي سره يې واده کېده.
نيازي وويل، دغه سړی له خپلې ښځې بېل شوی و.
د ناټو سرمنشي ینس سټولټنبرگ وايي، هم د پوځي ماموریت د دوام او هم له افغانستانه د وتو لپاره باید بیه ورکړي.
سټولټنبرګ د دوشنبې په ورځ د ناټو د بهرنیو چارو وزیرانو په يوه غونډه کې ویلي، د امریکا منتخب ولسمشر جوبایډن سره یې په ټيليفوني اړيکه کې سیمه کې پر روان وضعیت او افغانستان څخه د سرتېرو پر ایستو خبرې کړي.
د عامې روغتيا وزارت د نن ورځې په راپور کې ويل شوي چې په تېرو ۲۴ ساعتونو کې د کرونا ويروس له کبله ۱۶ کسان وژل شوي او ۲۸۳ نور کسان پر ياد ويروس تازه اخته شوي دي.
په دې راپور کې همداراز راغلي چې په ياده موده کې ۵۷ کسان بېرته روغ شوي هم دي.
افغان حکومت د ایران د اټومي انرژۍ د مشر او د دغه هېواد د دفاع وزارت پر مرستیال محسن فخريزاده وروستی برید غندلی دی.
د افغانستان له بهرنیو چارو وزارته نن دوشنبه په خپره شوې خبرپاڼه کې راغلي چې «د افغانستان د بهرنيو چارو وزارت د محسن فخريزاده پر وژنه خواشینی دی او له کبله یې د خپلې همدردۍ مراتب د ایران له خلکو او د فخريزاده له کورنۍ سره شریکوي.»
ملي دفاع وزارت غزني کې د پوځ پر یوه نظامي مرکز له خونړي برید یوه ورځ وروسته ویلي، د دغه برید طراح «حمزه نورستاني» تېره شپه ۷ نورو وسلهوالو سره د ګیرو ولسوالۍ «عليشېرخېل» سیمه کې وژل شوی دی.
بادغيس کې امنيتي مسوولان وايي، ياد ولايت کې د ۲۰۷ ظفر قول اردو د درېيمې لوا د ارکان رييس وژل شوی دی.
بادغیس کې د پوځ د درېیمې لوا قومندان حسیبالله مسعود د ياد خبر په تاييد سره وايي، د دغه ولایت د پوځ د درېیمې لوا د ارکان رييس عبدالبصیر نورستاني تېره شپه بالامرغاب ولسوالۍ کې د امنیتي ځواکونو پر کمپ د طالبانو له خوا د هاوان مرمۍ لګېدو پېښه کې وژل شوی.
د اسلامي همکاریو سازمان د دغه سازمان د بهرنیو چارو وزیرانو د دوهورځنۍ غونډې په پای کې له طالبانو وغوښتل چې تاوتریخوالی کم او ژرترژره اوربند ته غاړه کېږدي.
د زابل امنیتي چارواکي وايي چې د دغه ولایت د ولایتي شورا پر رییس موټربم برید شوی چې له کبله یې ۲ کسان وژل شوي او د ولایتي شورا د رییس په ګډون ۱۳ نور ټپیان دي.
نن سهار د غزني ولایت د عامه ساتنې پر کنډک موټربم برید شوی دی. د غزني د ولایتي شورا رییس نصیراحمد فقیري د دغه خبر د تایید ترڅنګ وايي، یاد برید نن سهار د غزني ښار په درېیمه امنیتي حوزه کې شوی دی. د نوموړي په وینا، له چاودنې څو دقیقې وروسته په سیمه کې د ډزو غږونه هم اورېدل شوي دي.
د تخار په مرکز تالقان ښار کې یوه سرچینه چې نه غواړي نوم یې یاد شي، سلاموطندار ته ویلي، یوه کس چې څلور مېرمنې یې لرلې، خپله کشره مېرمن چې امیندواره هم وه، وژلې ده.
د ولسمشر لومړی مرستیال امرالله صالح وايي، د کابل پولیسو هغه ډاکټر نیولی چې څو ځله یې پر یوه لس کلن ماشوم چې ناروغ و، جنسي تېری کړی و.
په هرات کې د کوزني هریرود د سندیزې فرعي حوزې رییس انجینر حسن فضلي وايي، د سلما بند د دېوال ځینې برخې له ۵۰ تر ۶۰ سانتي مترو پورې ناستې دي.
اسټرالیا د دغه هېواد ۱۳ ځانګړي ځواکونه چې په افغانستان کې د جنګي جنایت او ملکیانو د وژلو له تورنو کسانو سره پرې د همکارۍ شک دی، له دندو ګوښه کوي.
د پاکستان د بهرنیو چارو وزیر شاهمحمود قریشي په افغانستان کې د تاوتریخوالي لوړه کچه غندلې او د تاوتریخوالي کموالي او اوربند غوښتنه یې کړې ده.
د کورنیو چارو وزارت ویاند طارق ارین وايي چې د خورشید ټلوېزیون مخکینی رییس محمدرفېع صدیقي ګازو نیولی او مړ شوی دی.
په کندهار کې یوه امنیتي سرچینه چې نه غواړي نوم او غږ يې خپور شي، سلاموطندار ته ویلي چې نن سهار د دغه ولایت پر یوولسمې امنیتي حوزې موټربم برید شوی دی.