افغان حکومت د ایران د اټومي انرژۍ د مشر او د دغه هېواد د دفاع وزارت پر مرستیال محسن فخريزاده وروستی برید غندلی دی.
د افغانستان له بهرنیو چارو وزارته نن دوشنبه په خپره شوې خبرپاڼه کې راغلي چې «د افغانستان د بهرنيو چارو وزارت د محسن فخريزاده پر وژنه خواشینی دی او له کبله یې د خپلې همدردۍ مراتب د ایران له خلکو او د فخريزاده له کورنۍ سره شریکوي.»
فخريزاده د ایران د اټومي انرژۍ په برخه کې مهم فعال کس و چې د تېرې جمعې په ورځ په تهران کې په یوه وسلهوال برید کې ووژل شو.
د ايران د بهرنیو چارو وزارت د فخريزاده وژنه يو ترهګريز عمل بللی او وايي، په دې پېښه کې اسراييل رول لري.
د ايران مذهبي رهبر سیدعلي خامنهاي هم ويلي، د دې وژنې عاملانو ته بايد جزا ورکړل شي او امنيتي چارواکي بايد د فخريزاده د وژنې انتقام واخلي.
