د پاکستان حکومت دغه هېواد کې افغان کډوالو ته د ۲۰۲۲ کال د ډسمبر تر ۳۱ نېټې وخت ټاکلی و چې خپل اسناد تمدید کړي، یا له دغه هېواد څخه ووځي. اوس چې د پاکستان حکومت له خوا ټاکل شوې موده پای ته رسېدلې، ورسره دغه هېواد کې د پولیسو له لوري د افغان کډوالو نيونه هم زياته شوې ده.
د افغانستان د دفاع وزارت د پاکستان د کورنیو چارو وزیر هغو څرګندونو ته تند غبرګون ښودلی چې ويلي يې و، د اړتيا پر مهال به افغانستان کې د ټي ټي پي پر پټنځايونو بريدونه کوي.
د پاکستان د کورنیو چارو وزیر رانا ثنالله له «اکسپرېس ټي وي» سره د یوې مرکې پر مهال ویلي چې د نړیوالو قوانینو پر بنسټ پاکستان حق لري، افغانستان کې د ټيټيپي (پاکستاني طا لبانو) پټنځایونه په نښه کړي. خو اسلامي امارت بیا په وار وار ویلي،
افغانستان کې وسلهوالې ډلې نشتون نهلري او چا ته به ګواښ پېښ نهشي.
د تخار مرکز تالقان ښار کې یوشمېر کتاب پلورونکي د کتاب او قرطاسیې د پېر او پلور بازار نشتون څخه اندېښنه ښيي او وايي، که روان وضعیت دوام وکړي، اړ دي چې د ژوند د دوام لپاره بل کار ته مخه کړي.
د کابل یوشمېر اوسېدونکي وايي چې دې ورووستیو کې د نفتي توکو بیې یو ځل بیا لوړې شوې دي. دوی له سلاموطندار سره خبرو کې د اسلامي امارت له مسوولانو غوښتنه وکړه چې د نفتي توکو د بیو کنټرول برخه جدي اقدامات وکړي. کابل ښار موټر چلوونکي همداراز وايي چې یوازې د یوې ورځې په جریان کې د ډېزل تېل دوه افغانۍ لوړ شوي دي. د دوی په وینا چې د ګازو بیه هم پورته تللې ده.
پکتیا کې د نقاشي او میناتوري برخې هنرمندان وایي چې دې برخې ته د پخوا په پرتله پام کم شوی دی.
که څه هم تمه کېده چې په ۲۰۲۲ کال کې به د اسلامي امارت پر بیاواکمنېدو سره هېواد کې ترهګریزې پېښې د پام وړ کمې شي، خو دغه کال کې سلګونه کسانو په بېلابېلو پېښو کې خپل ژوند له لاسه ورکړ او ټپیان شول. د داعش ډلې خراسان څانګه په ۲۰۲۲ کال کې د هېواد په ډېری سیمو کې د شویو خونړیو بریدونو تر شاه وه.
سرچینې وايي چې نن سهار په کابل ښار کې چاودنه شوې ده. د کورنیو چارو وزارت ویاند عبدالنافع ټکور وايي، چاودنه د کابل پوځي هوايي ډګر قرول کې شوې ده. ټکور همداراز ویلي چې چاودنه مرګژوبله لري، خو د اوښتې مرګژوبلې په اړه یې څه نه دي ویلي. د کورنیو چارو وزارت زیاته کړې چې د چاودنې په اړه د دوی څېړنې روانې دي او جزییات به یې له رسنیو سره وروسته شریک کړي.
د افغانستان د ازادو رسنیو ملاتړي بنسټ (نی) شنبه د مرغومي لسمه په یوې خبرپاڼه کې ویلي چې د ۲۰۲۲ کال پر مهال افغانستان کې د خبریالانو پر وړاندې تاوتریخوالي کې ۱۷سلنه کمښت راغلی دی.
په خبرپاڼه کې ویل شوي چې د تېرو شلو کلونو په څېر په ۲۰۲۲ کال کې هم د خبریالانو د ورکېدو پېښې ثبت شوي دي.
که څه هم ۲۰۲۲ کال کې د سیمې او نړۍ په کچه له سیاسي ناورینه د افغانستان د وتلو لپاره پراخې هڅې وشوې، خو په کور دننه د سیاسي ناورین او بهر کې د مشروعیت ناورین لا هم پر ځای پاتې دی.
دې وضعیت د افغانستان ایسار پاتې کېدل دغه هېواد په سیمه او نړۍ کې په یوه منزوي هېواد بدل کړی دی.
د سوېلي افریقا په جوهانسبورګ کې د ګازو ټانکر د چاودنې له امله د مړو شویو شمېر ۳۴ کسانو ته لوړ شوی دی.
دغه پېښه د پلازمېنې جوهانسبورګ اړوند ختیځ کې د بوکسبورک ښار کې پرون شنبه د ډسمبر ۲۴مه رامنځته شوې ده.
د افغانستان پخواني ولسمشر حامد کرزي د پاکستان حکومت له لوري د دغه هېواد په زندانونو کې د افغان کډوالو زنداني کول او چلن ناوړه او د ارزښتونو خلاف بللی دی.
کرزي له پاکستان غوښتنه کړې چې د یوه متمدنه ګاونډي او د بشر حقونو او نړیوالو اصولو پر بنسټ له افغان کډوالو سره نېک چلن وکړي.
د جوزجان-بلخ پر لویه لاره د ټرافیکي پېښې له کبله پنځه کسان مړه او څلور نور ټپیان شوي دي.
د جوزجان د ټرافیکو مدیریت مسوولان وايي چې پرون جمعه مازدیګر د جوزجان مرکز شبرغان ښار «چیغچي» سیمه کې د یوه ۴۰۴ ډوله مسافر وړونکي او سراچې موټرو د ټکر له امله پنځه کسانو خپل ژوند بایللی او څلور ټپیان دي.
اسلاماباد کې د افغانستان سفارت ویلي چې پاکستان کې د افغان کډوالو زنداني کول او شکنجه ډېر دردونکې ده ا د دواړو هېوادونو د اړیکو لپاره به ښې پایلې ونه لري.
د هند کرېکټ ملي لوبډلې لوبغاړی ریشپ پانټ ډیلي کې د یوې ټرافیکي پېښې پر مهال سخت ټپي شوی او دا مهال روغتون کې بستر دی.
افغانستان کې غیردولتي کورنیو او بهرنیو موسسو کې پر ښځینه کارکوونکو بندیز ته د غبرګونونو په لړ کې ملګروملتونو ویلي، موسسو کې د ښځو د کار موضوع د بحث وړ نه ده او اسلامي امارت باید له خپلې دغې پرېکړې په شا شي. افغانستان کې د ښځو حقونو فعالان د هغوی د حقونو له تامین څخه د ملاتړ په برخه کې د نړیوالو پر کړنلارې نیوکه کوي.
