ترکیه او سوریه کې د روانې اوونۍ د دوشنبې پر ورځ د شوې زلزله له امله د مړو شویو کسانو شمېر له ۱۷۰۰۰ پورته شوی دی. د رسنیو د راپورونو له مخې، دواړو هېوادونو کې په ټولیزه توګه د زلزلې له کبله ۱۷۱۷۶ کسان مړه شوي او زرګونه نور ټپیان دي.
د افغانستان بانک پر خپله ټوېټرپاڼه لیکلي چې افغانستان سره د بشردوستانه مرستو په لړ کې پرون چهارشنبه د سلواغې ۱۹مه د ۴۰ میلیونه ډالرو یوه بله کڅوړه کابل ته رسېدلې ده.
د ۴۰ میلیونه امریکايي دغه کڅوړه له نږدې یوه میاشتني ځنډ وروسته کابل ته رالېږدول شوې ده. د نغدي مرستو وروستۍ کڅوړه د مرغومې په ۲۴مه راستول شوې وه.
کابل کې د رواني ستونزو د درملنې روغتون مسوولان وايي، په تېرو شپږو میاشتو کې یاد روغتون ته د درملنې په موخه د ښځو په شمېر کې زیاتوالی راغلی دی.
د یاد روغتون سرطبیب قدرت الله صدیقي سلام وطندار ته ویلي چې د تېرو شپږو میاشتو پر مهال ۷۰۷۲ ښځې چې له رواني ستونزو سره مخ وې، یاد روغتون ته د درمنلې په موخه ورغلي دي.
د دایکندي او بامیان د ټولګټو ریاستونو مسوولان وايي چې د دغو ولایتونو ټولې مواصلاتي لارې د واورې د ورښت او توپان له کبله تړل شوي دي.
د دایکندي د ټولګټو ریاست سرپرست لعلمحمد یوسفي سلاموطندار ته ویلي چې مرکز ته د ټولو ولسوالیو لارو سربېره په «قوناق» کوتل د دایکندي-بامیان لویه لاره هم له بېګاه راهیسې د ټرافیکو پر مخ تړل شوې ده.
د جوزجان او بلخ پر لویه لاره د یوې ترافیکي پېښې له کبله څلور کسانو خپل ژوند له لاسه ورکړی او درې نور ټپیان شوي دي.
د جوزجان د فیضاباد ولسوالي د امنیې قومندان کفایتالله متوکل وايي چې پېښه پرون ماښام د سلواغې ۱۹مه د جوزجان-بلخ پر لویه لاره د یوې سراچه ډوله او هینو موټر ترمنځ رامنځته شوې ده.
د پولهساتو ځواکونو لوی ریاست په یوه خبرپاڼه کې لیکلي چې د کابل هوايي ډګر ته د ترکیې له لوري د الوتکو د را لېږلو خبر دروغ دی.
دغه ریاست له کابل ښاریانو غوښتي چې پر اوازو باور ونه کړي او د کابل هوايي ډګر مخې ته دې نه ورځي. په همدې حال کې د کابل د امنیې قومانداني ویاند خالد ځدران هم ترکیې ته د افغانانو لېږد اوازه بللې ده.
په ترکیه او سوریه کې د روانې اوونۍ د دوشنبې ورځې زلزلې له کبله د مړو شویو کسانو شمېر ۱۱۲۲۴ ته لوړ شوی دی. په دواړو هېوادونو کې لا هم د کنډوالو او خاورو لاندې د ايسارو کسانو د ژغورنې عملیات روان دي.
د فاریاب محلي مسوولان وايي چې د دغه ولایت مرکز میمنې ښار اړوند د «امام ابو حنیفه» جومات مخې ته شوې چاودنه مرګژوبله نهلري.
د فاریاب د اطلاعاتو او فرهنګ رییس شمسالله محمدي سلاموطندار ته ویلي چې پېښه نن غرمه مهال د میمنې ښار د درېیمې حوزې اړوند امام ابو حنیفه جومات دروازې مخې ته رامنځته شوې ده.
د بامیان او پروان محلي مسوولان وايي چې دغو ولایتونو کې دوه کسان د ناپېژنده وسلهوالو له لوري وژل شوي دي.
د پروان د امنیې قومنداني د جنايي جرمونو د څېړنې امر فیضالرحمن حامد نن چهارشنبه د سلواغې ۱۹مه سلاموطندار ته ویلي چې بېګاه شاوخوا ۸:۳۰ بجې د چاریکارو ښار اړوند «پُل بابا حاجي» سیمه کې ناپېژنده کسانو یو ځوان وژلی دی.
د فاریاب محلي مسوولان تاییدوي چې د دغه ولایت په خواجهسبزپوش ولسوالي کې یوې ښځې ځانوژنه کړې ده.
د فاریاب د اطلاعاتو او فرهنګ رییس شمسالله محمدي وايي چې دغه پېښه پرون سهشنبه د سلواغې ۱۸مه د خواجهسبزپوش ولسوالي «دهنو» کلي کې رامنځته شوې ده.
د پلازمېنې یوشمېر اوسېدونکي د کابل په بېلابېلو سیمو کې د کثافاتو له ډېروالي د اندېښنې په څرګندولو سره وايي چې کثافات ډېر شوي او ښار یې بدرنګه کړی دی. دوی په ښار کې د کثافات ډانيو له کمښت څخه شکایت کوي.
د وروستيو رسمي شمېرو له مخې په ترکيه او سوريه کې پرله پسې او مرګونو زلزلو تر اوسه لږ تر لږه ۵۰۰۰ کسان مړه او زرګونه نور ټپيان کړي دي. د ترکیې په بېلابېلو ښارونو کې اوس هم د ژغورنې عملیات دوام لري.
د بې پولې ډاکترانو سازمان وايي چې د افغانستان د لرو پرتو سیمو خلک دولتي روغتونونو ته لاسرسی نه لري او د يادو سيمو اوسېدونکي د بېوزلۍ او اقتصادي ستونزو له امله نه شي کولای خصوصي روغتونونو کې مراجعه وکړي.
د افغانستان د هوا پېژندنې ریاست نن (سهشنبه، د سلواغې ۱۸مه) په یوې خبرپاڼه کې د هېواد په ۲۷ ولایتونو کې د واورې او باران د ورښت اټکل کړی دی.
د جوزجان د قوشتپې ولسوالي اوسېدونکي مخابراتي خدمتونو ته د نهلاسرسي څخه شکایت کوي او وايي، د ټلیفوني اړیکو ټینګولو لپاره اړ دي چې نیم ساعت مزل وکړي او غرونو ته وخېژي.
د ماشومانو لپاره د ملګروملتونو ځانګړې اداره «یونېسف» وايي چې افغانستان د تېرو ۱۵ کلونو له تر ټولو سخت ژمی تجربه کوي.
یونېسف د دغې ادارې د اجراییه مرستیال عمر عبدي له قوله پرون دوشنبه د سلواغې ۱۷مه پر خپله ټوېټرپاڼه لیکلي چې روان ژمي کې د افغانانو بشري اړتیاوې ډېرې دي.
