د درملو او روغتیايي محصولاتو ټولنې مسوولان افغانستان ته په پراخه کچه د بېکیفیته درملو د قاچاق او واردولو څخه د اندېښنې په څرګندولو سره وايي، هر کال هېواد ته د خلکو له اړتیا زیات درمل او روغتیايي محصولات هېواد ته قاچاقېږي.
د ملګروملتونو د بشري مرستو د همغږي ادارې اوچا څه موده وړاندې ویلي و چې روان میلادي کال افغانستان کې اړمنو سره د مرستو لپاره ۴ میلیارډ او ۶۰۰ میلیونه ډالرو ته اړتیا لري.
یاد سازمان تازه د اندېښنې په څرګندولو سره ویلي، افغانستان کې بېوزلو کورنیو سره د مرستې لپاره یې د غوښتل شویو مرستو له ډلې یوازې ۵سلنه ترلاسه کړي دي.
کاپیسا د پلازمېنې کابل په شمالختیځ کې پروت هغه ولایت دی چې د شاتو مچیو د پالنې او پاتنې لپاره مناسبه هوا لري. د یاد ولایت د نجراب ولسوالي بیا د شاتو په تولید کې ځانګړی نوم لري او دا مهال ۱۰۰کسان دغه ولسوالي کې د شاتو مچیو پر ساتنه او پالنه بوخت دي.
د بلخ امنیتي مسوولان وايي چې دغه ولایت کې یې د داعش ډلې شپږ غړي وژلي دي. د بلخ د امنیې قومنداني ویاند محمداصف وزیري وايي، ځانګړو ځواکونو بېګاه شپه د دغه ولایت د نهرشاهي ولسوالي «انجنير مهدي» سيمه کې د داعش وسلهوالو پر یوه پټنځای عملیات کړي چې په پايله کې يې شپږ داعشیان وژل شوي دي.
د نیمروز په مرکز زرنج ښار کې ځايي سرچینې وايي چې د شپې شاوخوا یوولس بجې په دغه ښار کې د سپکو او درنو وسلو ډزې پیل شوي او لا هم روانې دي.
د اطلاعاتو او کلتور وزارت د رسنیو پر نشراتو د څار رییس عبدالحق حماد وايي، راتلونکې اوونۍ به د خبریالانو د ثبت بهیر پیل کړي. د نوموړي په وینا، دغه کار د خبریالانو د پېژندنې او پر وړاندې یې د شته ستونزو د حل په موخه کوي.
د طبیعي پېښو پر وړاندې د مبارزې وزارت وايي، د روان کال د وري له نهمې تر ۱۳مې پورې په بېلابېلو ولایتونو کې د سېلابونو له امله درې کسان مړه او ۱۰ نور ټپیان شوي دي.
یوشمېر هېوادوال په روغتونونو کې د متخصصو ډاکټرانو نشتون له کبله د شکایت ترڅنګ وايي، ځینې ډاکټران چې د دوی ناروغي نهشي تشخیصولی، نورو روغتونونو ته یې لېږي.
د کابل یوشمېر اوسېدونکي د خوراکي توکو د بیې له لوړېدو څخه شکایت کوي او له کابل ښاروالي غواړي چې د خوراکي توکو پر هټیو څار او کنټرول ولري.
دوی سلاموطندار ته وویل چې هټۍوال په خپلسري توګه په لوړ قیمت توکي پلوري چې ګڼشمېر کورنۍ یې د پېرلو توان نهلري.
که څه هم د نوي مالي کال له پیله نږدې دوه اوونۍ تېرېږي، خو تراوسه د اسلامي امارت له لوري د ۱۴۰۲ مالي کال د بودیجې سند د تصویب په اړه جزیات نه دي ورکړل شوي.
خو د مالیې وزارت مسوولانو په تازهګۍ سره ویلي چې د روان مالي کال د بودیجې له تصویب پرته به د دولتي کارکوونکو میاشتنی معاش ورکړي.
د پروان امنیتي مسوولان وايي چې دغه ولایت کې ناپېژنده وسلهوالو یو کس د چاقو په وسیله وژلی دی.
د پکتیکا محلي مسوولان وايي چې دغه ولایت کې د وروستیو اورښتونو له کبله له غره څخه پر یوه کور د ډبرې ښووېدو له کبله یو ماشوم مړ او یوه ښځه ټپي شوې ده.
د پکتیکا د طبیعي پېښو پر وړاندې د مبارزې رییس منصور حماس وايي چې پېښه د یاد ولایت د برمل ولسوالي اړوند سیمه کې رامنځته شوې ده.
د بشري حقونو د لغوه شوي کمېسیون له لوري د مدني او فرهنګي فعالانو د خوشې کېدو له غوښتنې وروسته د ا.ا د ویاند مرستیال وايي، څوک چې ملي امنیت ګډوډوي، پوښتنې به ترې کېږي. د افغانستان د بشري حقونو لغوه شوي کمېسیون په یوه خبرپاڼه کې له ا.ا څخه د دغو مدني فعالانو د ژرترژره خوشې کېدو غوښتنه کړې ده.
د کانونو او پټرولیم وزارت مسوولانو نن یکشنبه د وري ۱۳مه کابل کې د یوې خبري ناستې پر مهال وویل چې دغه وزارت تېر یوه کال کې ۱۷میلیارده، ۴۸۷میلیونه، ۴۳۹زره او ۵۰ افغانۍ عواید ټول کړي دي.
د میدانوردګ یوشمېر اوسېدونکي وایي، د تېرو جګړو له امله د مرکز میدانښار په ګډون سیداباد، چک، بهسود، نرخ او جلرېز ولسوالیو کې سلګونه کورونه نړېدلي دي.
د تخار د کوکچې سیند غاړو ته د پرتو ولسوالیو اوسېدونکي وايي، د لارو خرابوالي له امله هرکال لسګونه ناروغان روغتون ته د رسېدو لاره کې ژوند بایلي.
