افغانستان له سریلانکا وروسته بنګلهدېش ته هم په اوو ویکټو ماتې ورکړه. د افغانستان کرېکټ ملي لوبډلې د اسیا کپ سیالیو کې نن د بنګلهدېش له لوبډلې سره مخامخ شوه چې یادې لوبډلې په ۲۰ اورونو کې افغانستان ته د ۱۲۸ منډو هدف وټاکه.
د افغانستان کرېکټ ملي لوبډلې دغه هدف په نولسم اوور کې پوره او په دې سره یې په اوو ویکټو بنګلهدېش ته ماتې ورکړه.
افغانستان تر دې وړاندې خپله لومړۍ سیالي له سريلانکا سره کړې وه او د یاد هېواد د کرېکټ لوبډلې ته یې هم په لوړ توپیر ماتې ورکړې وه.
د یادونې ده چې په دې لوبه کې نجیبالله ځدران او ابراهیم ځدران د نورو توپوهونکو په پرتله ښه لوبه وکړه او په خپله ټینګه ملګرتیا یې نه یوازې د بنګلهدېش لوبډله تر فشار لاندې ونیوله، بلکې د دې لوبډلې تر ماتې یې خپله ملګرتیا وساتله.
د اسیا کپ سیالۍ په متحده عربي اماراتو کې روانې دي.
