د کندهار محلي مسوولان وايي چې دغه ولایت کې بېګاه شپه یوه پلار خپل ناروغ زوی حلال کړی دی.
د کندهار د والي وياند حاجي زيد سلاموطندار ته ویلي، پېښه د دغه ولايت په ډنډ ولسوالي کې رامنځته شوې ده. نوموړي زیاته کړې چې دغه کس پر رواني ناروغي اخته خپل زوی حلال کړی او وژلی یې دي.
بلخوا یوې سرچینې بیا ویلي چې دغه کس له دې امله خپل زوی وژلی چې د نوموړي له دویم واده سر یې مخالفت کاوه.
یاد کس د امنیتي ځواکونو له لوري نیول شوی دی.
دا په داسې مهال دی چې له دې وړاندې هم دغه ولایت کې یوه کس خپل درې تنکي زامن وژلي وو.
