د کابل امنيې قومندانۍ تاييدوي چې بغلانی مدني فعال عابد جاهد تېره ورځ ماښام د کابل ښار په اوولسمه ناحيه کې د ناپېژاندو وسلهوالو له لوري ووژل شو.
د يادې قومندانۍ وياند فردوس فرامرز وايي، عابد جاهد د يادې ناحيې «بوستان کابل» سيمه کې وژل شوی او زياتوي چې په دې اړه څېړنې پيل شوې دي.
عابد جاهد افغانستان کې د سني مذهبو هزارهګانو د سراسري شورا د رهبرۍ غړی او د بغلان ولایت د نهرین ولسوالۍ مدني فعال و.
دا په داسې حال کې ده چې ۹ ورځې وړاندې کاپيسا ولايت کې د ښځو د حقونو فعاله فرشته کوهستانۍ هم له خپل ورور سره ووژل شوه.
د يادو دواړو پېښو مسووليت تر اوسه چا پر غاړه نه دی اخيستی.
