د هلمند محلي مسوولان وايي چې تېره اوونۍ د دغه ولایت په مرکز او ولسوالیو کې د ۱۳ جلا جلا ټرافیکي پېښو له کبله ۱۶ کسانو ته مرګ ژوبله اوښتې ده.
د هلمند د اطلاعاتو او فرهنګ ریاست د اطلاعاتو امر محمدقاسم ریاض وایي، تېره اوونۍ د مرکز لښکرګاه تر څنګ، په ګرشک، نادعلي، کجکي، ناوه، سنګین، نهرسراج او واشېر ولسوالیو کي د دیارلسو ټراافیکي پېښو له کبله څلورو کسانو خپل ژوند له لاسه ورکړی او دولس نور ټپیان شوي دي.
د هغه په خبره، په وژل شویو کسانو کې درې ماشومان دي.
د یادونې ده چې په دې وروستیو کې نه یوازې هلمند، بلکې د هېواد په بېلابېلو ولایتونو کې ټرافیکې پېښې زیاتې شوي چې له کبله یې خلکو ته مرګژوبله هم اوړي.
