د کرېکټ اسیا کپ په روانو سیالیو کې نن هند او سریلانکا سره مخامخ شول چې د سریلانکا د کرېکټ لوبډلې د هند لوبډلې ته په شپږو ویکټو ماتې ورکړه.
سریلانکا د دې لوبې په ګټلو سره د اسیا کپ پایلوبې ته ووتله، خو هند بیا له پایلوبې پاتې شو.
افغانستان سبا چهارشنبه له پاکستان او پنجشنبه هم له هند سره سیالي کوي او پایلوبې ته د وتلو لپاره باید له دواړو هېوادونو لوبې وګټي.
افغانستان تر دې مخکې سریلانکا او بنګلهدېش ته ماتې ورکړې، خو سریلانکا بیا بېرته ترې یوه لوبه ګټلې ده.
د کرېکټ اسیا کپ سیالۍ په متحده عربي اماراتو کې روانې دي.
