د سرپل بلخاب ولسوالي کې یوه ځايي سرچینه چې نه غواړي نوم یې خپور شي، سلاموطندار ته ویلي چې اسلامي امارت د مهدي مجاهد ځواکونو سره د مقابلې لپاره په دغه ولسوالي کې هوايي بریدونو کړې دي.
سرچینې زیاته کړې چې د نښتو پر دویمه ورځ د مهدي مجاهد پر کور او دغې ولسوالي کې پر څو نورو موقعیتونو هوايي بریدونه شوي چې د اوښتو تلفاتو په اړه یې تراوسه معلومات نشته.
د سلاموطندار پښتو فېسبوکپاڼه وڅارئ
سرچینه زیاتوي، د مهدي مجاهد پر کور تېره ورځ داسې مهال هوايي برید شوی چې هغه په کور کې نه وو. د سرپُل محلي او امنیتي مسوولانو په دې اړه څه نه دي ویلي.
د سرچینو د اطلاعاتو پربنسټ، د اسلامي امارت د سرې قطعې په ګډون استشهادي ځواکونه دغه ولایت کې مېشت کړي دي.
د یادونې ده چې د دواړو خواوو ترمنځ د نښتو پر لومړۍ ورځ د اسلامي امارت ۱۲ او د مهدي مجاهد پنځه کسان وژل شوي وو.
