د افغانستان کرېکټ بورډ د شلاوریز نړیوال جام لپاره افغان لوبډله اعلان کړه. دغې ادارې پر خپلې فېسبوکپاڼې لیکلي چې د کرېکټ بورډ د غوراوي کمېټې د یاد جام لپاره ۱۵ کسیزه لوبډله غوره کړې او ورسره یې څلورو نورو احتیاطي لوبغاړو ته هم پهکې ځای ورکړی دی.
په غوره شویو لوبغاړو کې محمدنبي د لوبډلمشر، نجیبالله ځدراڼ د مرستیال لوبډلمشر، رحمانالله ګُربز د ویکټ ساتونکي او حضرتالله ځاځی، ابراهیم ځدراڼ، عثمان غني، دروېش رسولي، عظمتالله عمرزی، راشد خان، قیساحمد، مجیبالرحمان، فضلالحق فاروقي، فریداحمد ملک، نوینالحق او سلیم ساپی د لوبغاړو په توګه شامل دي.
د کرېکټ بورډ په خبره، د غوراوي کمېټې شرفالدین اشرف، رحمتشاه، ګلبدین نایب او افسر ځاځی هم د احتیاطي لوبغاړو په توګه ټاکلي دي.
ټاکل شوې د کرېکټ شلاوریز نړیوال جام د اکټوبر په ۱۶مه د اسټرالیا په کوربهتوب پیل او د نومبر میاشتې تر دیارلسمې پورې دوام وکړي.
