د نیوزیلنډ د کرېکټ ملي لوبډلې د هند پر وړاندې په لومړۍ یو ورځنۍ سیالي کې د لوبډلمشر کېن ویلیامسن او ټام لېټم د ۲۲۱ منډو د ملګرتیا پر مټ هند ته په اوو وېکټو ماته ورکړه.
په دغه لوبه کې ټام لېټم ناسوځېدلې ۱۴۵ او لوبډلمشر کېن ویلیامسن ناسوځېدلې ۹۴ منډې وکړې.
هند د نیوزیلنډ کرېکټ ملي لوبډلې ته دغه سیالي کې په ټاکل شویو ۵۰ اورونو کې د اوو لوبغاړو په سوځېدو د ۳۰۷ منډو هدف ورکړی و.
د هند لپاره په توپوهنه کې شریاس اییر ۸۰، لوبډلمشر شېکر ډاوان ۷۲ او شوبمن ګېل ۵۰ منډې جوړې کړې.
په ځواب کې د نیوزیلنډ د لوبې پیل ښه نه و، خو وروسته بیا لوبډلمشر کېن ویلیامسن او ټام لېټم ښکلې لوبه وکړه او ټاکل شوی هدف یې د درېوو لوبغاړو په سوځېدو د سیالۍ په ۴۸ اوور کې ترلاسه کړ.
د لوبې غوره لوبغاړي د نیوزیلنډ لوبډلې توپوهونکی ټام لېتم ونومول شو.
سلاموطندار پر ټوېټرپاڼه هم وڅارئ
د دواړو لوبډلو ترمنځ به دویمه یو ورځنۍ لوبه راتلونکې یکشنبه د نومبر ۲۷مه د نیوزیلنډ په هامېلټون کې ترسره شي.
