د کرېکټ نړیوال جام د نن ورځې له حیرانونکو لوبو وروسته پاکستان لوبډلې د روان کرېکټ شل اووره نړیوال جام نیمه پایلوبې ته لار پیدا کړه.
د پاکستان کرېکټ ملي لوبډلې نن د بنګلدېش له کرېکټ ملي لوبډلې سره د نیمه پایلوبې لپاره سیالي وکړه چې پاکستان دغه لوبه په پنځو وېکټو وکټله.
په دغه لوبه کې بنګلدېش پاکستان ته په ټاکل شویو شلو اورونو کې د اتو لوبغاړو په سوځېدو د ۱۲۸ منډو هدف ټاکلی و.
پاکستانۍ لوبډلې ورکړل شوی هدف د لوبې په ۱۹ اوور کې ترلاسه کړ او د درېیمې لوبډلې په توګه یې نیمه پایلوبې ته لاره پیدا کړه.
د نن ورځې په بله لوبه کې هند له زمبابوې لوبډلې سره سیالي کوي. د هند د کرېکټ ملي لوبډله دا مهال د خپل ګروپ د جدول په دویم ځای کې دی او د زمبابوې پر وړاندې له بریا سره به د ګروپ سر ته پورته شي.
سلاموطندار پر ټویټر هم وڅارئ
که زمبابوې دا لوبه وګټي، بیا هم نهشي کولای چې بل پړاو ته لاره پیدا کړي.
