افغان ځواکونو د بغلان په مرکز پلخمري ښار کې له ۴۸ ساعته سختې جګړې وروسته پرون ماښام دغه ښار طالبانو ته پريښی او د پوځ په درېیمه لوا کې چې په کیلهګي کې ده، ځای پرځای شوي دي.
په ولسي جرګه کې د بغلان استازې نوریه حمیدي وايي، پلخمري ښار په سیاسي معامله کې طالبانو ته خوشې شوی دی. د هغې په وینا، د تجهیزاتو کموالی او د حکومت مرکزي ادارې نه پام لامل شو چې افغان ځواکونه شاتګ وکړي.
د سلاموطندار پښتو فېسبوکپاڼه وڅارئ
حمیدي وايي، طالبانو نن سهار ټول دولتي وسایل او تجهیزات چور کړي او کور په کور یې پلټنه پیل کړې او په خبره یې، د پلخمري ښار اوسېدونکي اوس په وحشت کې ژوند کوي.
په ولسي جرګه کې د بغلان یو بل استازی نسیم مدبر د حکومت مرکزي اداره په بېپروايي تورنوي او وايي، پلخمري ښار یې هم له کبله طالبانو ته په لاس ورغلی چې دوی به دا موضوع وڅېړي.
- د بدخشان مرکز فیضاباد ښار د طالبانو لاس ته لوېدلی
- صالح: بېځایه شوې کورنۍ به د کابل په جوماتونو کې ځای پرځای شي
- د جګړې تودې څپې؛ له څلورو ولایتونو ۱۷۰۰۰کورنۍ کابل ته بېځایه شوي
- وروستیو دوو اوونیو کې د جګړې له امله څه باندې ۵۰۰۰کورنۍ بېځایه شوي
په همدې حال کې د بغلان د ولایتي شورا غړی سمېعالدین ناظر وايي، د همغږۍ نه موجودیت لامل شوی چې امنیتي او دفاعي ځواکونه له ښار څخه شاتګ وکړي.
بلهخوا ځینو سرچینو سلاموطندار ته ویلي چې د افغان ځواکونو او طالبانو ترمنځ نښتو کې لس سرتېري او نږدې شل ملکیان ټپیان شوي دي.
د معلوماتو له مخې، افغان ځواکونو بېګاه له څه باندې سل ټانګونو سره د پوځ د درېیمې لوا مرکز پريښی او خنجان ولسوالي ته تللي دي. دغه راز د کیلهګي له بندخونې بیا څه باندې درې سوه بندیان خوشې شوي چې د ډېری هغو په اړه یې هېڅ معلومات نشته او د دغه ولایت دوشي ولسوالي هم طالبانو ته په لاس ورغلې ده.
طالبانو د بغلان محلي رسنیو ته په یوه لیکلي پیغام کې لیکلي چې د ښار په ټولو برخو کې یې امنیتي کمربندونه جوړ کړي او خلک دې له ارام ژوند وکړي. د دې ډلې ویاند ذبېحالله مجاهد په پلخمري ښار کې د کور په کور پلټنې موضوع نه مني او له کډه شویو کورنیو غواړي چې خپلو مېنو ته ستانه شي.
موږ هڅه وکړه چې په دې اړه د بغلان د محلي او امنیتي مسوولانو نظر هم واخلو، خو له هڅو سره سره ونه توانېدو.
