د امریکا ولسمشر جو بایډن وایي، په افغانستان کې لاهم د وضعیت بدلون او د طالبانو د ماتولو شونتیا شته او د دغه هېواد مشران باید یو موټی شي او افغان امنیتي ځواکونه باید د خپل ځان او ملت لپاره جګړه وکړي.

د امریکا ولسمشر دغه څرګندونې پرون په سپینه ماڼۍ کې د یوې خبري غونډې پر مهال وکړې او وویل چې افغانستان جدي دفاع وزیر لري او د طالبانو په پرتله د افغانستان د امنیتي ځواکونو شمېر ډېر دی. هغه د دفاع وزیر بسم‌الله محمدي یو «جدي جنګیالی» یاد کړی.

د سلام‌وطندار پښتو فېسبوک‌پاڼه وڅارئ

د بایډن په خبره، د افغانستان امنیتي ځواکونه چې په عصري پوځي تجهیزاتو سمبال دي، باید د ځان او خلکو لپاره مبارزه وکړي.

د امریکا ولسمشر ټينګار وکړ چې دغه هېواد د افغانستان امنیتي ځواکونو د تجهیز او روزنې په برخه کې پر خپلو ژمنو ولاړ دی او له افغان هوایي ځواکونو خپل ملاتړ ته دوام ورکوي.

بایډن د افغانستان په جګړه کې د امریکا اقتصادي لګښت ته په اشارې سره وویل چې له افغانستان څخه د امریکا د وتلو په پلان کې بدلون نه دی راغلی او اوس باید د افغانستان مشران سره راټول شي او د خپل ځان او افغانستان لپاره د طالبانو پر وړاندې وجنګېږي.

د امریکا ولسمشر زیاتوي چې له افغانستان څخه د امریکایي ځواکونو د وتلو په اړه پر کړې پرېکړې  پښېمانه نه دی.

جو بایډن دغه څرګندونې په داسې حال کې مطرحه کړي چې طالبانو تراوسه د نږدې ۱۰ ولایتونو مرکزونه نیولي دي. امریکا طالبانو ته خبرداری ورکړی چې د ولایتونو د مرکزونو نیول دغې ډلې ته نړیوال مشروعیت نه شي ورکولی او باید د خبرو مېز ته حاضر شي.



له دې سره سم ولسمشر محمداشرف غني نن د یوه پلاوي په مشري د شمالي ولایتونو د امنیتي وضعیت د ارزونې په موخه بلخ ولایت ته تللی دی.

ولسمشر په بلخ ولایت کې د جهادي او سیاسي مشرانو سره په لیدنه کې د امنیتي او دفاعي ځواکونو په چوکاټ کي د ولسي پاڅونوالو د تجهیز، پیاوړي کېدو او سمبالښت په اړه خبرې کړي دي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام