د روزګان ولايت محلي مسوولان وايي، د دهراوود ولسوالۍ له مرکز نه امنيتي ځواکونو «تکتيکي شاتګ» کړی دی.
د روزګان د والي ویاند احمد شاه ساحل ویلي چې تېره شپه وسلهوالو طالبانو پر بازار او امنیې قومندانۍ او ولسوالۍ او نورو نظامي مرکزونو ډلهییز بریدونه کړي او امنيتي ځواکونو د ملکي کسانو د مرګژوبلې مخنيوي لپاره «تکتيکي شاتګ» کړی دی.
ساحل ويلي چې طالبانو يوازې د ولسوالۍ بازار کنټرول کې نيولی او تر اوسه پورې ولسوالۍ، د ولسوالۍ امنيې قومندانۍ او د ولسوالۍ ملي امنيت مديريت ته نهدي دننه شوي.
نوموړي ويلي، کمانډو ځواکونه د عملياتو په حال کې دي چې د دهراوود ولسوالۍ له بازاره طالبان وشړي.
د معلوماتو له مخې د تېرې شپې په بريد کې طالبانو ته درنه مرګژوبله اوښتې ده؛ خو د کره شمېرو په اړه معلومات نشته.
په دغو نښتو کې درې امنيتي ځواکونه هم ټپيان شوي دي.
طالبانو تر اوسه پورې په دې اړه څه نه دي ويلي.
