دوحه کې سرچينو رسنيو ته ويلي، د افغان دولت او طالبانو د مذاکراتي پلاويو ترمنځ پر اختلافي مواردو هوکړه شوې ده.
دا په داسې حال کې ده چې نن مخکې له غرمې د پاکستان لومړی وزير عمران خان هم کابل ته راغی او مذاکره کوونکي پلاوي پر کړنلارې هوکړې ته د رسېدو خبر ورکړ.
له دې وړاندې د دواړو لوريو ترمنځ خبرې اترې بن بست سره مخ شوې وې.
تېره ورځ ولسمشر محمد اشرف غني په يوه ټيليفوني اړيکه کې د قطر له امير شیخ تمیم بن احمد ال ثاني سره د سولې په اړه خبرې اترې وکړې.
شاوخوا درې مياشتې کېږي چې د افغان دولت او د طالبانو د پلاويو ترمنځ مخامخ خبرې پيل شوې دي؛ خو لا تر اوسه پورې د رسمي غونډو پر کړنلارې هوکړې ته نه وو رسېدلي.
د افغان دولت مذاکراتي پلاويو يو شمېر غړيو ويلي، دا هوکړه کلي ده او تر اوسه پورې پر جزيي مواردو هوکړه نه ده شوې.
