د غزني محلي مسوولان وايي چې د دغه ولایت د مقر اوسېدونکي په خپل لګښت یو ښوونځی جوړوي.
د دوی په وینا، ټاکل شوې دغه ښوونځی د مقر ولسوالي په عزتکلا کې په څلورنیم میلیونه افغانیو د خلکو له لوري جوړ شي.
کندهار کې یو ښوونځی چې ۳۱۷ زره امریکايي ډالره لګښت پرې راغلی نن د کندهار ښار د نهمې ناحیې اړوند په میانکوه سیمو کې ګټې اخیستنې ته وسپارل شو.
د کندهار د اقتصاد رییس عبدالسلام بریالي چې په دغو مراسمو کې یې ګډون کړی و، وویل چې پر یاد ښوونځي ۳۱۷ زره امریکايي ډالره لګښت راغلی او په نهو میاشتو کې د ۱۲۰ کسانو له لوري جوړ شوی دی.
د سرپل محلي مسوولان د دغه ولایت په سانچارک ولسوالي کې د نجونو لپاره د یوه ښوونځي د جوړېدو خبر ورکوي او وايي، دغه ښوونځی په یو لک امریکايي ډالرو جوړ شوی دی.
د دایکندي د اشترلي ولسوالي د جنګان کلان سیمې اوسېدونکو د یوه ښوونځي د بنسټ ډبره چې دوهنیم میلیونه افغانۍ لګښت پرې راځي او لګښت یې هم خلک ورکوي، ايښې ده. د دایکندي د پوهنې رییس عنایتالله سهار په دې اړه خوښي ښودلې او ویلي یې دي چې په جوړېدو سره به یې ۶۳۵ زدهکوونکو ته اسانتیاوې برابرې شي.
د ملګرو ملتونو د خوړو نړیوال پروګرام د افغانستان څانګې تازه ویلي چې ډېری افغان ماشومان د بېوزلۍ او اقتصادي ناورین له امله په وږي نس ښوونځي ته ځي. مجتبی ۱۶ کاله عمر لري او د کابل ښار په یوه دولتي ښوونځي کې د شپږم ټولګي زدهکوونکی دی. هغه چې له خپلو دوو ورونو سره یوځای ښوونځي ته ځي وايي، پلار یې وزګاره دی او له اقتصادي اړخه یې د ژوند مزه نشته.
دولس کلن سهرا چې ټوله ورځ د فاریاب په مرکز میمنې ښار کې د خلکو د بوټانو په رنګولو تېروي وايي، اقتصادي ستونزو اړ کړی چې له دې لارې خپلې کورنۍ ته یوه مړۍ ډوډۍ پیدا کړي.
هغه چې د ښوونځي د پنځم ټولګي زدهکوونکی و وايي، هیله یې لرله چې یوه ورځ ډاکټر شي، خو بېوزلۍ له زدهکړو بېبرخې کړی او اوس یې د ډاکټر کېدو هیله پر خوب بدله شوې ده.
د میدانوردګ د پوهنې ریاست چارواکي وایي چې د دغه ولایت سیداباد ولسوالي د اوسېدونکو په شخصي لګښت د «شنیز شهیدانو منځني ښوونځي» ته ودانۍ جوړېږي.
د غزني د پوهنې ریاست مسوولان وايي چې د غزني ښار اړوند سیمه کې بېګاه ناوخته ناپېژنده کسانو د نجونو یو ښوونځی سوځولی دی.
د هېواد په ختیځو او سوېل ختیځو ولایتونو کې نجونې زدهکوونکې وایي، د نجونو له زدهکړو پرته ټولنه هېڅ ډول پرمختګ نهشي کولای او اسلامي امارت دې د دوی دا شرعي حق په زوره نه ترې اخلي.
دا نجونې زدهکوونکې وایي، د ښوونځيو او پوهنتونو له تړل کېدو وروسته نه یوازې خپل راتلونکي ناڅرګند برخلیک ته اندېښمنې دي، بلکې له اروايي ستونزو سره یې هم مخ کړې دي.
د پکتیکا ولایت د پوهنې ریاست مسوولان وایي چې تېره شپه د دغه ولایت په ارګون ولسوالي کې د ښوونځي لپاره جوړه شوې ودانۍ سوځېدلې ده.
د پوهنې وزارت نن د هېواد په سړو سیمو کې د دولسم ټولګیو له نجونو زدهکوونکو د فراغت کلنۍ ازموینه واخیسته.
د ښوونځیو د یوشمېر نجونو زدهکوونکو په وینا، دغه کلنۍ ازموینه نن چهارشنبه د لیندۍ ۱۶مه د ټولو درسي مضمونونو په ګډون په یوه ورځ ترې اخیستل شوې ده.
کله چې د تخار په مرکز تالقان ښار کې ګرځې، تر هر څه د مخه به د خلکو له ناچارۍ او ناخوښیو سره مخ کېږي. دلته به داسې نجونې او ښځې ووینې چې بنډل بنډل ډوډۍ یې مخې ته ايښي او دې ته په تمه دي چې څوک ورشي او ترې ویې پېري. په دې ډله کې، داسې نجونې هم شته چې د درسي ټولګي پر ځای، د ناچارۍ له کبله دلته ناستې دي او سهار تر بېګاه د څو پیسو موندلو لپاره زیار ګالي.
د غزني د جغتو ولسوالي اوسېدونکو د دغه ولسوالي په «پایینسر ترګان» سیمه کې په خپل شخصي لګښت یو ښوونځی جوړ کړی چې اته درسي ټولګي لري.
د یاد ښوونځي له بنسټګرو او قومي مشر محمدزمان ذکي سلاموطندار ته ویلي چې دغه ښوونځی په څلور میلیونه افغانۍ جوړ شوی چې ټول لګښت یې د سیمې د اوسېدونکو له لوري ورکړل شوی دی.
د پروان محلي مسوولان وايي چې د مرکز چاریکار ښار اړوند ۱۱مه حوزه کې د ۴۰۰زره امریکايي ډالرو په ارزښت د یوه ښوونځي د رغېدو ډبره کېښودل شوه. د پروان د والي ویاند عبیدالله امینزاده سلاموطندار ته وايي، د دغه ښوونځي د رغولو چارې د کډوالو په چارو کې د ملګروملتونو د عالي کمېشنرۍ له لوري پرون پیل شوې.
هلمند کې یوه ملي سوداګر محمدعیسی عمري د دې ولایت ۷۰۰ بېسرپرست او یتیمو ماشومان لپاره یو ښوونځی جوړ کړی دی.
محمدعیسي عمري وايي چې په دغه جوړ شوي ښوونځي کې ټول ۷۰۰ ماشومان زدهکړې کوي او ۳۰۰ ماشومانو ته د لیلیې تابیا هم نیول شوې ده.
د سرپُل د کوهستانات ولسوالي یوشمېر اوسېدونکي وايي چې د دغه ولسوالي په «اختیار» سیمه کې د محلي مسوولانو د نه پاملرنې له کبله یو دولتي ښوونځی د څارویو پر څړځای بدل شوی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
