کابل پرېس کلب په بلخ کې پر خبریالانو د ننني برید په اړه یوه خبرپاڼه کې لیکلي چې ملګري ملتونه دې دغه برید په هراړخیز ډول وڅېړي.
کابل پرېس کلب له اسلامي امارت څخه هم غوښتي چې نه یوازې د خبریالانو ساتنه وکړي، بلکې خپل ځواکونه د هغوی په حقونو وپوهوي، څو په ازاد ډول خپل رسنیز کار وکړي.
ټاکل شوې د ملګروملتونو امنیت شورا سبا د افغانستان د وضعیت په اړه ناسته وکړي. افغانستان کې د ملګرو ملتونو د استازولۍ یا یوناما ویلي چې سبا به د ملګروملتونو امنیت شورا کې د افغانستان وضعیت وڅېړل شي. د افغانستان لپاره د ملګروملتونو ځانګړې استازې ډیبورا لاینز به په دې ناسته کې د افغانستان د وضعیت په اړه رپوټ هم وړاندې کړي.
د اروپايي ټولنې د پارلمان رییسې روبرتا متزولا د اسلامي امارت له لوري د ښځو پر وړاندې جنسیتي توپیري چلند غندلی او له نړیوالې ټولنې یې غوښتي چې د ښځو حقونو ته درناوی دې له اسلامي امارت سره د تعامل لپاره د شرط په توګه کېښودل شي. هغې د نړیوالو بشردوستانه مرستو پربنسټ، له افغانانو سره مرستې د نړیوالتې ټولنې اخلاقي دنده بللې ده.
اروپایي ټولنې پارلمان د افغان ښځو او نجونو د ستونزو په اړه د بحث لپاره نن دوه ورځنۍ غونډه پیل کړه. د اروپايي پارلمان خبرپاڼه کې راغلي، دغه غونډه کې چې سبا هم دوام لري، یوشمېر افغان ښځې، د ملګروملتونو او ځینو نړیوالو سازمانونو استازي ګډون لري او د اسلامي امارت له واکمنېدو وروسته د افغان ښځو او نجونو وضعیت او ستونزو په اړه خبرې کېږي.
د افغانستان اسلامي امارت اعلان کړی چې د «شرعي نظام ټينګښت»، «د الهی احکامو پلي کول» او د «ټولنې اصلاح» لپاره یې د سرپرست حکومت په تشکیل کې پوځي محکمه جوړه کړې ده. د اسلامي امارت د ویاند مرستیال انعامالله سمنګاني نن په خپل ټویټرپاڼه لیکلي چې دغه پوځي محکمه د اسلامي امارت د رهبر هبتالله اخوندزاده د فرمان پراساس رامنځ ته شوې.
د اسلامي امارت رییس الوزرا ملا محمدحسن اخوند د وزیرانو شورا په ناسته کې د استخباراتو عمومي ریاست مسوولانو ته لارښوونه کړې چې د ولسي جرګې د مخکیني غړي اللهګل مجاهد د «نیولو او شکنجې» قضیه دې وڅېړي.
اسیا کې له خبریالانو د خوندیتوب کمېټې په یوې خبرپاڼه کې د سلاموطندار راډیو پر خبریال او اډېټور محمدعلي احمدي وسلهوال برید افغانستان کې د اطلاع رسونې پر وړاندې ستر ګواښ بللی دی. اسیا کې د خبریالانو خوندیتوب کمېټې همغږی کوونکی سټیوان بټلر له طالبانو غوښتي چې د یاد برید د څرنګوالي په اړه خپلې څېړنې پیل کړي.
نن سهار د کابل ولایت د ۱۵مې امنیتي حوزې اړوند له خیرخانې سیمې څخه د کابل حامد کرزي نړیوال هوايي ډګر پر لوري شاوخوا پنځه راکېټونه توغول شوي دي.
د هاګ نړیواله محکمه او د ملګرو ملتونو د بشر حقونو او د بیان ازادۍ رپوټر د افغانستان بانک او د طلوع نیوز خصوصي ټلویزیون د پخواني کارکوونکي یما سیاووش د وژنې قضیه څېړي. یما سیاووش د افغانستان بانک پخوانی کارکوونکی و چې تیرکال د یوه نښلونکي ماین چاودنې له امله چې د نوموړي په موټر کې ځای پر ځای کړای شوی و، ووژل شو.
وروسته له هغې چې تېره اوونۍ د پنجشېر ولایت اړوند د حصه اول ولسوالي په «پیشغور» کلي کې پراخ سېلابونه راووتل، یوې سرچینې دغه سېلابونه د طبیعي یخچالونو له امله یاد کړل، اوس د اوبو د چارو تنظیم ملي ادارې د «پیشغور» کلي لوړو څوکو ته د څېړنې لپاره یو ټیم استولی دی.
ننګرهار کې د خبریالانو د ناسم وضعیت او د انعکاس ټلوېزیون د وروستۍ پېښې په اړه یوه پلاوي پلټنې پیل کړي. دغه پلاوی وايي، د رسنیو کارکوونکو د امنیت خوندیتوب لپاره به هڅې وکړي.
په پلاوي کې د ملي امنیت عمومي ریاست، د کورنیو چارو وزارت او د خبریالانو د فدراسیون استازي شامل دي.
د ټلوېزیون یو پېژندل شوی ویاند او د افغانستان بانک سلاکار یما سیاوش د لړم میاشتې په ۱۷مه په کابل کې یوې چاودنې وواژه.
د نوموړي کورنۍ تر دې مخکې د ملګرو ملتونو له امنیت شورا نه غوښتي و چې د سیاوش د وژلو پېښه وڅېړي، خو د دغه سازمان له لوري ېې کوم ځواب ترلاسه نه کړ او نن یې د درېیم ځل لپاره له یادې شورا نه وغوښتل چې دا پېښه وڅېړي.
د ولسي جرګې یوشمېر غړیو د دې جرګې د نن ورځې په عمومي غونډه کې د پروموټ پروژې د څېړلو غوښتنه وکړه.
د ولسي جرګې غړي وايي، ژرترژره دې د دې پروژې د څېړلو په موخه یو ځانګړی کمېسیون جوړ شي، څو په یاده پروژه کې شوی فساد ټولو ته څرګند شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
