کابل پرېس کلب: ملګري ملتونه دې بلخ کې پر خبریالانو شوی برید وڅېړي

کابل پرېس‌ کلب په بلخ کې پر خبریالانو د ننني برید په اړه یوه خبرپاڼه کې لیکلي چې ملګري ملتونه دې دغه برید په هراړخیز ډول وڅېړي.
کابل پرېس کلب له اسلامي امارت څخه هم غوښتي چې نه یوازې د خبریالانو ساتنه وکړي، بلکې خپل ځواکونه د هغوی په حقونو وپوهوي، څو په ازاد ډول خپل رسنیز کار وکړي.

ملګري ملتونه سبا د افغانستان د وضعیت په اړه غونډه جوړوي

ټاکل شوې د ملګرو‌ملتونو امنیت شورا سبا د افغانستان د وضعیت په اړه ناسته وکړي. افغانستان کې د ملګرو ملتونو د استازولۍ یا یوناما ویلي چې سبا به د ملګرو‌ملتونو امنیت شورا کې د افغانستان وضعیت وڅېړل شي. د افغانستان لپاره د ملګرو‌ملتونو ځانګړې استازې ډیبورا لاینز به په دې ناسته کې د افغانستان د وضعیت په اړه رپوټ هم وړاندې کړي.

د ښځو حقونو درناوی دې له اسلامي امارت سره د تعامل شرط کېښودل شي

د اروپايي ټولنې د پارلمان رییسې روبرتا متزولا د اسلامي امارت له لوري د ښځو پر وړاندې جنسیتي توپیري چلند غندلی او له نړیوالې ټولنې یې غوښتي چې د ښځو حقونو ته درناوی دې له اسلامي امارت سره د تعامل لپاره د شرط په توګه کېښودل شي. هغې د نړیوالو بشردوستانه مرستو پربنسټ، له افغانانو سره مرستې د نړیوالتې ټولنې اخلاقي دنده بللې ده.

د اروپايي پارلمان دوه ورځنۍ غونډه؛ د افغان ښځو پر وضعیت خبرې کېږي

اروپایي ټولنې پارلمان د افغان ښځو او نجونو د ستونزو په اړه د بحث لپاره نن دوه ورځنۍ غونډه پیل کړه. د اروپايي پارلمان خبرپاڼه کې راغلي، دغه غونډه کې چې سبا هم دوام لري، یوشمېر افغان ښځې، د ملګروملتونو او ځینو نړیوالو سازمانونو استازي ګډون لري او د اسلامي امارت له واکمنېدو وروسته د افغان ښځو او نجونو وضعیت او ستونزو په اړه خبرې کېږي.

اسلامي امارت پوځي محکمه جوړه کړه

د افغانستان اسلامي امارت اعلان کړی چې د «شرعي نظام ټينګښت»، «د الهی احکامو پلي کول» او د «ټولنې اصلاح» لپاره یې د سرپرست حکومت په تشکیل کې پوځي محکمه جوړه کړې ده. د اسلامي امارت د ویاند مرستیال انعام‌الله سمنګاني نن په خپل ټویټرپاڼه لیکلي چې دغه پوځي محکمه د اسلامي امارت د رهبر هبت‌الله اخوند‌زاده د فرمان پراساس رامنځ ته شوې.

د خبریالانو خوندیتوب کمېټه: طالبان دې د سلام‌وطندار پر خبریال برید وڅېړي

اسیا کې له خبریالانو د خوندیتوب کمېټې په یوې خبرپاڼه کې د سلام‌وطندار راډیو پر خبریال او اډېټور محمد‌علي احمدي وسله‌وال برید افغانستان کې د اطلاع رسونې پر وړاندې ستر ګواښ بللی دی. اسیا کې د خبریالانو خوندیتوب کمېټې همغږی کوونکی سټیوان بټلر له طالبانو غوښتي چې د یاد برید د څرنګوالي په اړه خپلې څېړنې پیل کړي.

د جرمونو نړیواله محکمه او ملګري ملتونه د یما سیاووش د وژنې قضیه څېړي

د هاګ نړیواله محکمه او د ملګرو ملتونو د بشر حقونو او د بیان ازادۍ رپوټر د افغانستان بانک او د طلوع نیوز خصوصي ټلویزیون د پخواني کارکوونکي یما سیاووش د وژنې قضیه څېړي. یما سیاووش د افغانستان بانک پخوانی کارکوونکی و چې تیرکال د یوه نښلونکي ماین چاودنې له امله چې د نوموړي په موټر کې ځای پر ځای کړای شوی و، ووژل شو.

د هوا ګرمېدو له امله د پنجشېر د طبیعي یخچالونو د ویلي کېدو ګواښ

وروسته له هغې چې تېره اوونۍ د پنجشېر ولایت اړوند د حصه اول ولسوالي په «پیش‌غور» کلي کې پراخ سېلابونه راووتل، یوې سرچینې دغه سېلابونه د طبیعي یخچالونو له امله یاد کړل، اوس د اوبو د چارو تنظیم ملي ادارې د «پیش‌غور» کلي لوړو څوکو ته د څېړنې لپاره یو ټیم استولی دی.

یو پلاوی د انعکاس ټلوېزیون د ښځینه کارکوونکو د وژنې پېښې څېړي

ننګرهار کې د خبریالانو د ناسم وضعیت او د انعکاس ټلوېزیون د وروستۍ پېښې په اړه یوه پلاوي پلټنې پیل کړي. دغه پلاوی وايي، د رسنیو کارکوونکو د امنیت خوندیتوب لپاره به هڅې وکړي.
په پلاوي کې د ملي امنیت عمومي ریاست، د کورنیو چارو وزارت او د خبریالانو د فدراسیون استازي شامل دي.

د یما سیاوش پلار: دولت مې د زوی قضیې د څېړلو او د هغه د قاتل پېژندلو اراده نه لري

د ټلوېزیون یو پېژندل شوی ویاند او د افغانستان بانک سلاکار یما سیاوش د لړم میاشتې په ۱۷مه په کابل کې یوې چاودنې وواژه.
د نوموړي کورنۍ تر دې مخکې د ملګرو ملتونو له امنیت شورا نه غوښتي و چې د سیاوش د وژلو پېښه وڅېړي، خو د دغه سازمان له لوري ېې کوم ځواب ترلاسه نه کړ او نن یې د درېیم ځل لپاره له یادې شورا نه وغوښتل چې دا پېښه وڅېړي.

وکیلان: «پروموټ» پروژه دې وڅېړل شي

د ولسي جرګې یو‌شمېر غړیو د دې جرګې د نن ورځې په عمومي غونډه کې د پروموټ پروژې د څېړلو غوښتنه وکړه.
د ولسي جرګې غړي وايي، ژرترژره دې د دې پروژې د څېړلو په موخه یو ځانګړی کمېسیون جوړ شي، څو په یاده پروژه کې شوی فساد ټولو ته څرګند شي.