د ننګرهار محلي مسوولانو په دې ولايت کې د فساد په تور د ننګرهار د ګمرک د رييس حشمتالله وليزي او د ۵ نورو کارکوونکيو د نيول کېدو خبر ورکوي.
د ياد ولايت والي ضیاالحق امرخېل رسنيو ته ويلي، د فساد په تور نيول شوي کسان د لا ډېرو څېړنو…
د ننګرهار چارواکي وايي، نن سهار شاوخوا پنځه بجې د ننګرهار ولایت د خوږیاڼو ولسوالي اړوند په چمتلې سیمه کې د پولیسو پر یوې پوستې موټربم برید شوی چې تر اوسه ترې د یوه سرتېري د وژل کېدو او دوو نورو د ټپي کېدو خبر ورکړل شوی دی.
د ننګرهار ولایت د رسنیو دفتر د دغه خبر پخلی کړی او لیکلي یې دي چې ياد موټربم د یوه سراچه موټر په وسیله چې چاودېدونکي توکي پهکې و، شوی دی.
د ننګرهار چارواکي وايي چې نن له غرمې وروسته نږدې یوه بجه د دغه ولایت په کامې ولسوالي کې ټرافیکې پېښه شوې چې له کبله یې درې کسان مړه او درې نور ژوبل شوي دي.
د ننګرهار د والي ویاند عطاالله خوږیاڼي سلاموطندار ته وویل چې یاده پېښه د کامې ولسوالي په اخوند کلا سیمه کې د یوې هېنو او رېکشا د ټکر له امله شوې ده.
د ننګرهار چارواکي وايي، نن سهار شاوخوا پنځه بجې د دغه ولایت په شېرزادو ولسوالۍ کې د عامه نظم پر یوې قرارګاه موټربم چاودنه شوې. يوه حکومتي سرچينه چې نه غواړي نوم يې خپور شي سلاموطندار ته وايي، په دې چاودنه کې ۱۴ امنيتي ځواکونه وژل شوي او ۴ نور ټپيان دي.
ولسمشر محمداشرف غني نن سهار د یوه لوړپوړي دولتي پلاوي په مشري ننګرهار ولایت ته سفر وکړ.
ولسمشر د دغه سفر پر مهال په یوه لویه ولسي غونډه کې د ګډون تر څنګ، د ننګرهار له چارواکو او د ټولنې له بېلابېلو اړخونو سره لیده کاته وکړل او د هغوی ستونزې یې واورېدلې.
د ننګرهار ولايت د رسنيو دفتر تاييدوي چې جلالاباد ښار کې د سړک غاړې ماين چاودنې يو کس وواژه او دوه نور يې ټپيان کړل.
د ياد ولايت د رسنيو د دفتر د معلوماتو له مخې دغه چاودنه د ښار اولې ناحيې «باغزنانه» سيمې ته نږې هغه مهال شوې ده چې د امنيتي ځواکونو د عامه ساتنې رنجر موټر د سړک غاړې پر ماين برابر شو.
د کابل ښار پنځمه امنیتي حوزه نن سهار د یوه موټربم برید شاهده وه.د کابل ښار پنځه امنیتي حوزه نن سهار د یوه موټربم برید شاهده وه. د کورنیو چارو وزارت وايي، دا موټربم چاودنه په ولسي جرګه کې د کابل ولایت د استازي خانمحمد وردګ پر موتریز کاروان شوې چې له کبله یې نهه ملکي وګړي وژل شوي او د نوموړي په ګډون، له شلو ډېر ټپیان دي.
د ننګرهار د کانال ریاست مسوولان وايي، اټکل دی چې سږ کال به د دغه ولایت د کانال د مالټو باغونه شاوخوا ۱۹۰۰ ټنه مالټې حاصلات وکړي.
د یادې ادارې ویاند همایون غریبمل سلاموطندار ته وویل، تېر کال دغو باغونو شاوخوا ۱۵ سوه ټنه مالټې کړې وې.
غریبمل وايي، سږ کال یې د کانال پر ۴۳ هکټاره ځمکه د مالټو شاوخوا ۱۵زره نوي نیالګي کېنولي چې په راتلونکيو څو کلونو کې به په حاصل راشي.
ډاکټر تیتڅو ناکامورا چې افغانانو کاکامراد باله، هغه جاپانيالاصله افغان و چې افغانستان کې یې د اوبو مدیریت برخه کې بې سارې پروژې پلې او شاړې ځمکې یې ابادې کړې. هغه چې د جاپانۍ PMS خیریه موسیسې مشر و، کال وړاندې جلالاباد ښار کې ووژل شو.
د هغه تر وژل کېدو وروسته د ننګرهار چارواکيو وویل، د ډاکټر مورا کامي په نوم یو بل کس د PMS موسسې مشرۍ ته ټاکل شوی؛ خو هغه لا تر اوسه افغانستان ته سفر نه دی کړی.
د ننګرهار ولايت رسنیز دفتر وايي، ياد ولايت لپاره يې د داعش تش په نوم والي هدایتالله وژلی دی.
په ياد ولايت کې د ملي امنیت ځانګړو ځواکونو تېره شپه د دوو بېلا بېلو عملیاتو پر مهال د چپرهار ولسوالۍ په للمه سیمه کې د ننګرهار لپاره د داعش ډلې تش په نوم نومول شوی والي او د ځانمرګو واسکټونو او ماینونو جوړونکی هدایت الله د مقاومت پر مهال وژلی دی.
د ننګرهار د کانال ریاست مطبوعاتي مسوول سید همایون غریبمل سلاموطندار ته وویل، د اټکل له مخې سږ کال د زیتونو فارمونه تر ۵سوه ټنه حاصل ورکوي چې له لسو ټنو به یې اچار او د ۴۹۰ ټنو تر پروسس وروسته به یې تېل تولید کړي.
غريبمل وايي، د زیتونو د اچارو او تېلو تولید هم د ننګرهار زیتونو فابریکه کې کېږي. د ننګرهار د کانال ریاست اړوند پر ۳۱۰۰ هکټاره ځمکه د زیتونو باغونه جوړ وو چې د دغو باغونو ډېرې ونې د کورنیو جګړو پر مهال له منځه وړل شوي او اوس یې یوازې ۱۷۲۰ هکټاره باغونه زیتون ورکوي.
د ننګرهار ولايت پچير اګام ولسوالۍ ګيره خېلو سيمه کې تېره شپه شاوخوا درې بجې د کيميا ګل په نوم يوه کس په کور کې د خونې چت پرېوتلی او په کې ۴کسه مړه او درې ټپیان شوي دي.
د ننګرهار ځايي چارواکي وايي، د پاکستان کونسلګرۍ کې ویزو پسې ورغلې ۱۱ مېرمنې د ډېرې ګڼېګوڼې له کبله مړې شوي او ۱۲ کسان ټپيان شوي دي.
د ننګرهار د ملکي روغتون ویاند ګلزاده سنګر وايي، دغه شمېر مړي او ټپيان د چهارشنبې په سهار جلالاباد حوزوي روغتون ته وړل شوي دي.
د ننګرهار د والي ویاند عطاالله خوږیاڼی سلاموطندار ته وايي، تېره شپه د ملي امنیت ځانګړو ځواکونو «۰۲قطعې» د جلال اباد ښار اوومه ناحیه کې د اخندزاده ګانو کلي کې ځانګړي عملیات ترسره کړي چې پايله کې يې د داعش ډلې د ځانمرګو بريدونو مسوول نیولی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
