په برازیل کې په نړیواله کچه د لوږې مخنیوي په موخه د جي۲۰ هېوادونو د مشرانو دوهورځنۍ غونډه جوړه شوه. د جي۲۰ ډلې مشران وايي، په نړۍ کې باید حکومتي بنسټونه اصلاح شي او د نړۍ پر میلیارډرانو باید محدودیتونه ولګول شي. د جي۲۰ غونډې په پای کې له لوږې سره د مبارزې لپاره یو نړیوال اېتلاف هم جوړ شو.
ایراني رسنیو خبر ورکړی چې د دغه هېواد د نشهيي توکو پر وړاندې د مبارزې عمومي منشي سکندر مومني له افغانستان څخه ایران ته د نشهيي توکو د قاچاق زیاتوالي په اړه اندېښنه ښودلې ده.
د ایراني رسنیو د راپورونو پر بنسټ، نوموړي ټینګار کړی چې په تېرو لسو میاشتو کې له افغانستان څخه د نشهیي توکو په قاچاق کې کموالی راغلی، خو برعکس له افغانستان څخه ایران ته د صنعتي نشهيي توکو په قاچاق کې ۲۰ سلنه زیاتوالی راغلی دی.
په افغانستان کې د ملګرو ملتونو ځانګړې استازولۍ یا یوناما په افغانستان کې د اقلیمي بدلون سره د مبارزې په برخه کې د مالي مرستو د ځنډېدو په اړه اندېښنه ښودلې ده. د دې تر څنګ، د چاپېریال ساتنې ملي ادارې هم په هېواد کې د چاپېریال ساتنې اړوند پروژو د ځنډېدو ناوړه پایلو په اړه خبرداری ورکوي.
پاکستان کې د ترهګریزو بریدونو او افغانستان سره پر ډیورنډ کرښې کې د ترینګلتیا ډېروالي سره هممهاله د دغه هېواد یو لوړپوړی پلاوی د اسلامي امارت چارواکو سره د خبرو لپاره کابل ته راغلی دی. خو د اسلامي امارت ویاند ویلي، دغه لیدنه یوازې پر کرښه د ستونزو او امنیتي اندېښنو په اړه پر خبرو راټوله وه.
د حزب اسلامي مشر ګلبدین حکمتیار وايي چې نن دوه دوو وسلهوالو بریدګرو غوښتل چې ده ته ځان ورسوي، خو موخې ته له رسېدو وړاندې ووژل شول.
هغه په یوه ویډیويي پیغام کې ویلي، بریدګر چې ځانمرګي واسکټونه یې هم اغوستي وو، په چادري کې پسې راغلي وو، خو د ده په وژلو ونه توانېدل. هغه وایي، دې پېښې کې دوه بریدګر او یو د ده کس وژل شوی او دوه کسان یې ټپیان شوي دي.
د ملګروملتونو د بشردوستانه مرستو د همغږۍ دفتر (اوچا) ویلي چې افغانستان کې څه باندې ۲۴ میلیونه افغانان سړې هوا سره د مبارزې لپاره بېړنیو مرستو ته اړتیا لري. په ورته مهال اوچا ویلي چې د توکو د بیو لوړوالي سره هممهاله د ۲۴ میلیونه افغانانو اړتیا ډېره شوې او دوی په بېړنۍ توګه ګرمو جامو، سرپناه او د ځانونو د ګرمېدو لپاره نغدو پیسو ته اړتیا لري.
د اسلامي امارت مسوولانو نن په کابل کې یوې ولسي غونډه کې وویل، اسلامي امارت په بشپړه توګه یو اسلامي او د افغانستان د ولسونو د خوښې نظام دی. د اسلامي امارت یو مسوول امین وقار په دغه ناسته کې وايي، که څوک د دغه نظام پر وړاندې مبارزه وکړي، د خدای او د هغه د رسول پر وړاندې د مبارزې په معنی دی.
له بده مرغه، په دې وروستیو کې د دغې موسسې څلورو عادي او قراردادي کارکوونکو د ټولو قانوني او رسنیزو معیارونو خلاف او له موسسې بهر د یو څو شرغوښتونکو کسانو په هڅونې د یوې توطیې په طرحه کولو، د موسسې په دننه کې د نامسووله او نااړوندو کسانو په ښکېلولو، د وېرې او وحشت په جوړولو او د ځینو کسانو د ذهنونو په ګډوډولو سره غوښتل چې د موسسې ریاست او مشري ترلاسه کړي. دغو شرغوښتونکو کسانو له موسسې څخه بهر له مغرضو او دسیسهجوړوونکو کسانو سره په معاملې، په فېسبوک کې د بېبنسټه او دروغجنو تورونو په خپرولو سره د موسسې مشرتابه ته د سپکاوي او د دفتر د وسایلو یرغمل نیولو ته مخه کړه.
د افغانستان په اړه په هند کې د سیمهییز امنیت ناسته چې نن چهارشنبه په نوې ډهلي کې جوړه شوه، پکې د سیمې هېوادونو په افغانستان کې د ترهګریزو فعالیتونو له ډېروالي اندېښنه څرګنده کړه او زیاته یې کړه چې د سیمې هېوادونه باید له ترهګرۍ سره د مبارزې په برخه او د امنیتي ننګونو په اړه تمرکز وکړي.
د امریکا د پوځ لوی درستیز جنرال مارک میلي له افغانستانه د دغه هېواد د ځواکونو له وتلو وروسته د لومړنۍ خبري ناستې پر مهال په افغانستان کې د داعش ډلې حضور د هېواد لپاره ستر ګواښ بللی دی.
میلي ویلي، که څه هم تر اوسه روښانه نه ده چې ایا طالبان بدل شوي، که نه، خو امریکا ښايي د ترهګرۍ، په تېره د داعش ډلې پر وړاندې مبارزه کې له طالبانو سره همکاري وکړي.
د افغانستان د موسیقي انسټېټیوټ نن د افغان امنیتي او دفاعي ځواکونو د مبارزې ستاینې په موخه هغوی ته هغه دوه حماسي سندرې ډالۍ کړې چې تازه د دغه انسټېټیوټ له لوري جوړې شوې دي.
د افغانستان د موسیقي انسټېټیوڼ رییس احمدناصر سرمست وايي، افغانان له دغو دوو حماسي سندرو سره اشنا دي او تازه د قنبرعلي نوشاد په مشري د ارکسټر سمفوني ډلې له لوري بیا ویل شوې دي.
له هغه وروسته چې طالبانو د هرات یوشمېر ولسوالۍ ونیولې، پخواني جهادي مشر محمداسماعیل خان له خپلو سلګونو وسلهوالو سره یوځای نن د امنیتي او دفاعي ځواکونو په ملاتړ د طالبانو پر وړاندې مبارزې ته راووت.
د بلخ او جوزجان سلګونو اوسېدونکو د افغان ځواکونو ملاتړ وکړ
د بلخ سلګونو اوسېدونکو او محلي چارواکو په یوه غونډه کې د افغان امنیتي او دفاعي ځواکونو ملاتړ وکړ.
د بلخ والي محمدفرهاد عظیمي په دې غونډه کې د امنیتي او دفاعي ځواکونو ترڅنګ، د خلکو پر رول او درېدو ټینګار وکړ.
د جوزجان د پولیسو د پنځم سمت آمره نجیبه نور دلاوري چې د امنیتي وضعیت ارزولو لپاره د دغه ولایت د قوشتپې ولسوالي د سالنګ پوستې ته ورغلې وايي، له کومې وېرې پرته د طالبانو پر وړاندې سنګر نیسي او مخامخ جګړه به ورسره وکړي.
د جوزجان په مرکز شبرغان ښار کې لسګونو ښځو د طالبانو پر وړاندې مبارزې ته چمتووالی ښودلی دی. دوی وايي، د هېواد، په تېره د جوزجان د دفاع لپاره به له هېڅ راز هڅو مخ ونه ګرځوي. د دغو ښځو په وینا، د هېواد، خلکو او ملي ګټو دفاع یوازې د نارینهوو نه، بلکې د ښځو مسوولیت هم دی او ټول باید د طالبانو پر وړاندې ودرېږو.
د سولې لپاره دوامداره او پیاوړې هڅې او د ۲۰۲۰میلادي کال د جینوا د ناستې پایلې د افغانستان د سولې په برخه کې مثبت ګامونه بلل کېږي. خو له دې سره سره که چېرې د سولې بهیر بریالیتوب ته هم ورسېږي، افغانستان اقتصادي ثبات ته د رسېدو لپاره اوږده لار پر وړاندې لري. د فساد پر وړاندې مبارزه، د سمون او اصلاحاتو راوستو سربېره د ټولنې او دولت ترمنځ د اړیکو د پیاوړتیا لپاره د دولت د مهمو بنسټونو ظرفیت لوړول او تلپاتې سوله په افغانستان کې ډېره اړینه ګڼل کېږي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
