د لغمان د مرکز مهترلام ښار اوسېدونکې وجیه هغه نجلۍ ده چې د عمر ۲۲م پسرلی یې زرغون شوی، خو سترګې یې کار نه کوي او تراوسه یې هېڅ نهدي لیدلي. د هغې دوه ورونه او دوه خویندې هم ړندې دي، خو یوازې دا د مهترلام ښار د نابینایانو په لېسه کې زدهکړې کوي.
۴۵کلنه رونا چې د تقاعد پر پیسو به یې، د کور کرایه او د خپلو اولادونو اړتیاوې برابرولې، اوس اړ ده چې د نورو په کورونو کې د جامو وېنځو له لارې د ژوند اړتیاوې پوره کړي.
رونا د خپلې کورنۍ سرپرسته ده او خاوند مړ شوی دی. دې شاوخوا لس کاله په ښوونځیو کې د ښوونکې په توګه دنده کړې او پنځه کاله وړاندې تقاعد شوې.
د ننګرهار د جلالاباد ښار یوشمېر اوسېدونکي وایي چې ښار کې د ګڼېګوڼې له امله ډېری وخت خپلو کارونو ته پر وخت نهشي رسېدلی او له حکومت غواړي چې د ښار پراخېدو ته پاملرنه وکړي. د دوی په وینا، ښاروالي او اړوند ادارې دې د ښار او سړکونو پراخولو ته ځانګړې پاملرنه وکړي او واټونه، سړکونه او د پلي تګ لارې دې په معیاري توګه ورغول شي.
اقلیمي بدلونونو، سختو بارانونو او د هېواد په بېلابېلو سیمو کې ویجاړوونکو سېلابونو په تېرو دوو کلونو کې زرګونه کورنۍ زیانمنې کړي او د ډېرو کورنیو عادي ژوند یې له ننګونو سره مخامخ کړی دی.
د روان لمریز کال د لومړیو دوو میاشتو پر مهال په غزني کې لسګونه کورنۍ د طبیعي پېښو له امله زیانمنې شوې دي.
غزني کې ټرافيکي څراغونه له دوو کلونو راهيسې د تخنيکي ستونزو له امله فعال نهدي. د غزني یوشمېر اوسېدونکي د دغو څراغونو د تنظیم او فعالولو په برخه کې پر مسوولو ادارو نیوکه کوي چې د دغو څراغونو په نه فعالېدو سره په ښار کې ګڼهګوڼه، ټرافیکي پېښې او د موټرچلوونکو له لوري له ټرافیکي اصولو د سرغړونې لامل شوي دي.
عاقله چې له رنګه زېړه او د ناروغۍ نښې نښانې پهکې له ورایه ښکاري، د افغانستان سرپرست حکومت سترې محکمه کې د خپلې قضیې د حل پر لټون راوتلې.
له درده ننوتې او له اوښکو وچې سترګې یې پر ما ولګېدې، پر هغې مې سلام کړ، هغې په وېره او غلی راته علیک کړ. له روغ بړ وروسته په دې پوه شوه چې زه خبریاله یم.
د لوګر مرکز پلعلم او یوشمېر ولسوالیو ورزشکارانو سلاموطندار ته وايي چې اوس له مرکز پلعلم پرته په هېڅ ولسوالي کې ځوانانو لپاره معیاري لوبغالی شتون نهلري او ورزشکاران له پراخو ستونزو سره مخ دي.
د کندهار میوند ولسوالي اوسېدونکي او هټۍوال په دغه ولسوالي کې د هرات-کابل غځول شوي سړک برخې د جوړېدو غوښتنه کوي.
دوی سلاموطندار ته وايي چې د یاد سړک د پراخېدو او جوړېدو لپاره دې ولسوالي کې د خلکو هټۍ هم نړول شوې وې، خو په وینا یې، سړک تراوسه نهدی رغول شوی.
د کابل ښار په لوېدیځ کې د تېر ماښام چاودنه کې د وژل شوي ۲۶ کلن محمدعلي ریحاني مور معصومه وايي، زوی یې د اتهکسیزې کورنۍ سرپرست و چې څه موده وړاندې د خپلې کورنۍ د اړتیاوو پوره کولو لپاره اړ شو چې زدهکړې پرېږدي او کار ته مخه کړي، خو له دې خبر نه و چې چاودنه به پرې کېږي او دی به پهکې ژوند له لاسه ورکوي.
د ملګرو ملتونو امنیت شورا د جمعې په ورځ د یوه پرېکړهلیک په تصویبولو سره د دغه سازمان له سرمنشي څخه غوښتي چې له امنیت شورا سره په مشوره د ا.ا له چارواکو، په افغانستان کې د بشري حقونو له فعالانو او د سیمې هېوادونو له مشرانو سره د لیدنو او خبرواترو په موخه یو ځانګړی استازی وټاکي.
د تاجکستان، قرغزستان او پاکستان د برښنا وزیرانو د کاپ۲۸مې غونډې په څنډه کې له افغانستان څخه غوښتي چې د برښنا د لېږد په کاسا۱۰۰۰ پروژه کې فعاله ونډه واخلي. دوی په اعلامیه کې لیکلي: «موږ غواړو چې په افغانستان کې د کاسا۱۰۰۰ پروژې کار بیا پیل کړو؛ ځکه د افغانستان له ګډون پرته به دا پروژه خپل ارزښت له لاسه ورکړي.»
د ویانا غونډې ګډونوالو له ملګرو ملتونو غوښتي چې له ا.ا سره دې تر هغه تعامل نه کوي چې سیاسي بدلون ته یې لاره نه وي هواره کړې. د ا.ا مخالفو سیاستوالو او د بشري حقونو فعالانو د روانې اوونۍ له یکشنبې تر سهشنبې پورې د اتریش په وین ښار کې د یوې غونډې له جوړولو وروسته له ملګرو ملتونو غوښتي چې په افغانستان کې د سیاسي بدلون رامنځته کولو لپاره عملي ګامونه اوچت کړي.
ایراني رسنیو راپور ورکړی چې په وروستیو دوو میاشتو کې له دغه هېواده د افغان کډوالو د اېستلو لړۍ چټکه شوې ده. دغو رسنیو د ایراني چارواکو له خولې لیکلي چې یوازې تېره پنجشنبه ۱۶زره افغانان له ایرانه اېستل شوي دي.
داسې مهال چې په افغانستان کې اقلیمي بدلون د میلیونونو افغانانو پر ژوند منفي اغېزې کړي، د افغانستان لپاره د ملګرو ملتونو د ځانګړې استازولۍ یا یوناما مشرې روزا اوتونبایوا د کاپ۲۸ په نوم د نړۍ اقلیمي بدلون په اتهویشتمه غونډه کې ویلي چې ټول لوري باید د اقلیمي بدلون برخه کې له سیاست لرې او په رغوونکې توګه د افغانانو په ګټه کار وکړي.
د افغانستان د سوداګرۍ او پانګونې خونې مسوولانو نن په کابل کې د یوې خبري غونډې پر مهال د واخان دهلېز له لارې له چین سره د مخامخ سوداګریزو اړیکو د پراختیا او د دغه دهلېز له لارې د اروپا بازارونو ته د افغاني توکو د رسېدو غوښتنه وکړه.
د سوداګرۍ او پانګونې خونې لومړي مرستیال یونس مومند وايي، د واخان لارې پرانېستل به د هېواد د اقتصاد د ودې لامل شي.
د چاپېریال ساتنې ملي ادارې مسوولان له نړیوالې ټولنې غواړي چې د افغانستان په چاپېریال ساتنې برخه کې د ۳۲ نابشپړو پروژو بېرته پیل کړي.
د دې ادارې مسوولانو د لړم په دوهویشتمه، د دوشنبې ورځ په یوه خبري غونډه کې وویل چې بهرني بنسټونه باید بشري مسایلو ته سیاسي رنګ ور نه کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
