د ملي پخلاینې عالي شورا ویاند فريدون خوځون چې په قطر کې د دویم پړاو خبرو کې د ګډون په موخه دغه هېواد ته تللی سلاموطندار سره خبرو کې وویل، د افغانستان دولت د سولې مرکچي پلاوی به نن د طالبانو له مرکچي پلاوي سره بسټنیزې خبرې پيل کړي.
د خوځون په وینا، د افغان دولت مرکچي پلاوي نن خپل منځي ناسته درلوده او له طالبانو سره خبرو ته چمتو دي.
ولسمشر محمد اشرف غني له سيانان ټلویزون سره یوه تازه مرکه کې ويلي، افغانستان کې له ۲۰۱۵ کال راهیسې تراوسه څه باندې ۴۰ زره نظامي او ملکي وګړي وژل شوي. ولسمشر ویلي، همدغه موده کې ۹۸ امریکايي سرتېري هم وژل شوي دي.
جمهور رييس داسې مهال له ۲۰۱۵ کال راهیسې افغانستان کې د څه باندې ۴۰ زره افغانانو د وژل…
د دایکندي محلي مسوولان وايي چې په دغه ولایت کې د پولیسو یو افسر چې پر طالبانو یې د امنیتي ځواکونو وسلې او مهمات پلورل، نیول شوی دی.
د تخار امنیتي مسوولان او ولسي سرچینې مني چې د دغه ولایت د درقد ولسوالي د یوه ټولي قوماندان له خپلو څلورو سرتېرو سره وژل شوی دی.
د بغلان او دايکندي امنيتي مسوولان تاييدوي چې د سړک غاړې ماین چاودنو کې ۴ کسان وژل شوي او ۶ نور ټپيان دي.
د بغلان د امنيې قومندانۍ وياند احمد جاوېد بشارت ویلي، چاودنه د جمعې په ماښام د پلخمري ښار یوه ګڼه ګوڼه سیمه کې د پولیسو په رنجر موټر شوې.
په کندوز کې یوه امنیتي سرچینه وايي، طالبانو د دغه ولایت په امامصاحب ولسوالي کې د پولهساتو ځواکونو پر پوستې برید کړی چې له کبله یې ۵ سرتېري وژل شوي او ۴ نور ټپیان دي.
د هرات د امنیې قوماندانۍ ویاند عبدالاحد وليزاد مني چې د دغه ولایت پر غوریان ولسوالي د طالبانو په برید کې د یادې ولسوالي امنیه قوماندان نقیبالله سلطانزی له خپلو درېوو سرتېرو سره وژل شوی دی.
ولسمشر محمداشرف غني نن سهار د یوه لوړپوړي دولتي پلاوي په مشري ننګرهار ولایت ته سفر وکړ.
ولسمشر د دغه سفر پر مهال په یوه لویه ولسي غونډه کې د ګډون تر څنګ، د ننګرهار له چارواکو او د ټولنې له بېلابېلو اړخونو سره لیده کاته وکړل او د هغوی ستونزې یې واورېدلې.
د فاریاب په ګرزیوان ولسوالي کې محلي سرچینې وايي چې د طالبانو یوه قوماندان د دغې ولسوالي د محلي اردو د سرتېرو ۸ ماشومان یرغمل کړي دي.
د کندوز محلي مسوولان مني چې په دغه ولایت کې د ملي اردو پر یوې پوستې د طالبانو په برید کې دوه پولیس او ۱۲ پوځیان وژل شوي دي.
د کندوز د ولایتي شورا غړی امرالدین ولي سلاموطندار ته ویلي چې طالب جنګیالیو بېګاه شاوخوا ۱۰ بجې د کندوز ښار ختیځ ته د چرخاب سیمې په «سر حوض» برخه کې پر یوې پوستې برید کړی دی.
د بدخشان محلي مسوولان تاییدوي چې د دغه ولایت د یاوان ولسوالي د پوهنې امر له طالبانو سره یوځای شوی دی.
د بدخشان د ولایتي شورا غړي جاوېد راغي سلاموطندار ته ویلي چې د یاوان ولسوالي د پوهنې امر وليالله الهي وسله اخیستې او له طالب ډلې سره یوځای شوی دی.
د افغان سولې لپاره د امریکا د بهرنيو چارو وزارت ځانګړي استازي زلمي خلیلزاد یو شمېر سیاستوالو او حکومتي مشرانو سره لیدنه کې جهادي قومندان عبدالرب رسول سیاف ته ویلي چې ولسمشر او ځینې نورو سیاستوالو سره د واک لېږد په اړه خبرې وکړي.
ځینو راپورنو کې ویل شوي چې زلمي خلیلزاد تېره ورځ جهادي مشر عبدالرب رسول سیاف سره د لېدو پرمهال له هغه سره د امریکا او طالبانو ترمنځ د سولې د هوکړې پر ځینو پټو مسایلو خبرې کړې دي.
افغانستان کې د ملګروملتونو سیاسي استازولۍ یا یوناما په یوه اعلامیه کې دوحې ته د مذاکرهکوونکي پلاوي ستنېدو څخه هرکلی کړی او ویلي يې دي، په چټکه توګه د دوه افغان ټیمونو ترمنځ د خبرو پیل ته په تمه دي.
له يوناما په خپره شوې خبرپاڼه کې راغلي چې دغه خبرې د جګړې د پای او سولې ته د رسېدو لپاره ډېرې مهمې دي.
په غزني کې محلي او امنیتي سرچینې وايي، طالبانو د خپل نفوذي کس په وسیله بېګاه د دغه ولایت د مرکز اړوند په «توحیداباد» سیمه کې د ملي اردو د یوې پوستې ۷ سرتېري وژلي دي.
د ولسي جرګې غړو د ناامنیو او هدفي وژنو زیاتېدو په غبرګون کې نن د کورنیو چارو وزیر، د ملي امنیت عمومي رییس او د دفاع وزیر جرګې ته ورغوښتي وو، خو د دفاع وزیر دغې غونډې ته نه و ورغلی. د کورنیو چارو وزیر مسعود اندرابي چې نن د ولسي استازو پوښتنو ته د ځواب ویلو لپار ولسي جرګې ته ورغلی و وویل، طالبان د راتلونکي کال جګړې لپاره پر بشپړ چمتووالي لګیا دي.
طالبانو په یوه خبرپاڼه کې ویلي چې امریکايي ځواکونو له څو ورځو راهیسې په ننګرهار او هلمند کې د دې ډلې پر وسلهوالو پرلهپسې هوايي بریدونه کړي او په کندهار کې هم د امریکايي ځواکونو په هوايي ملاتړ عملیات پیل شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
