د پروان ولایت لپاره د طالبانو د والي مرستیال مولوي دوستمحمد حقاني پرون په دغه ولایت کې د رسنیو او له خبریالانو د ملاتړو بنسټونو له مسوولانو سره د لیدنې پر مهال وویل، د اسلامي امارت د ژبو فرهنګي څانګه طالبانو ته ځانګړی ارزښت لري او رسنۍ دې له اسلامي شریعت سره سمې خپلې خپرونې له سره پیل کړي.
د افغانستان د ازادو رسنیو د ملاتړ ټولنې یا نی اجرایوي رییس مجیب خلوتګر په هېواد کې د امنیتي وضعیت خرابېدو سره هممهاله د رسنیزو فعالیتونو کمېدو په اړه اندېښنه ښيي او وايي، روانې جګړې د رسنیو پر فعالیتونو سیوری غوړولی دی. د هغه په وینا، په هېواد کې د نښتو او طالبانو له لوري د بریدونو زیاتېدو له کبله ۵۱ رسنۍ تړل شوې دي.
د افغانستان د ازدو رسنیو د ملاتړ ټولنه یا نی وايي چې طالبانو د روزګان ولایت د دهراوود ولسوالي له نیولو وروسته د «دهراوود غږ» راډیو وسایل لوټ کړي او ودانۍ یې هم نړولې ده.
د رسنیو ملاتړي بنسټونه د هېواد روان وضعیت او پر رسنیو د بندیزونو په اړه د اندېښنې په څرګندولو سره وایي چې له تېرو شلو کلونو راهیسې د رسنیو مزل له ګواښونو سره مل دی او په دې موده کې رسنۍ لا هم د ګواښ پر پوله خپل مزل کوي.
لوی څارنوال ذبیح الله کلیم نن د « رسنیو فعالیتونو قانوني کولو او نشراتي کیفیت لوړولو مشورتي ناستې» ترعنوان لاندې په یوه ګډه خبري ناسته کې وویل چې د رسنیو له لوري د رسنیزو جرمونو د مخنیوي په موخه باید د اطلاع رسونې په برخه کې یو لړ محدودیتونه رامنځ ته او په دې برخه کې باید یوه ځانګړې تګلاره جوړه شي.
یوشمېر هلمندۍ مېرمنې وایي چې د دغه ولایت رسنیو د کورونا ویرووس په اړه د خلکو د عامه پوهاوي لپاره ځانګړې خپرونې خپرې کړي او له دې وبا څخه د خونديتوب په برخه کې یې ورته اړینې لارښوونې رسولي او خپل مسوولیت یې ادا کړی دی.
د سلاموطندار موندې ښیي چې د وروستي یوه کال په ترڅ کې د بېلابېلو امنیتي او اقتصادي ستونزو له کبله ۳۰ رسنو خپل فعالیتونه درلولي دي. دغه رسنۍ چې ۵ یې تصویري، ۹یې غږېزې او ۱۶یې چاپي دي په ۱۳ ولایتونو کې یې فعالیت کاوه.
ولسي جرګې د یوې خبرپاڼې په خپرولو سره د دې جرګې د غړي محمد عارف رحماني هغه ادعا چې د رسنیو پر وړاندې د ملي امنیت عمومي رییس احمد ضیا سراج د خبرداري په اړه یې کړې وه رد کړه.
د ولسي جرګې د خبرپاڼې پراساس چې د دې جرګې د عمومي رییس میر رحمان رحماني په فېسبوګپاڼه کې خپره شوې پکې ویل شوي چې په ولسي جرګې کې د ملي امنیت عمومي رییس د چهارشنبې ورځې په ناسته کې، د رسنیو د بیان پرازادۍ محدودیت او پر رسنیزو فعالیتونود بندیزونو په اړه هېڅ راز خبرې نه دي شوي.
د افغانستان د خبریالانو مرکز او د نړۍ له ګوټ ګوټ نه د رسنیو ۴۰ ملاتړو بنسټونو، د ملګرو ملتونو امنیت شورا ته په یوه لیک کې په افغانستان کې د خبریالانو هدفي وژنو پر ډېرېدو اندېښنه ښودلې او له دغه سازمان څخه یې غوښتي چې د مخنیوي په برخه کې یې لاس په کار شي.
نږدې یوه اوونۍ کېږي چې د تخار د مرکز تالقان ښار او د دغه ولایت د یوشمېر ناحیو د اوسېدونکو کورونه تیاره دي. د تخار د رسنیو مرکز په دې موده کې د برښنا نه موجودیت له کبله له نشراتو غورځېدلی او ډېری کورنۍ هم په تیاره کې ناستې دي.
په افغانستان کې د ملګرو ملتونو استازولۍ یا یوناما ویلي چې د سږ کال د وږي په ۲۲مه د افغان دولت او طالب ډلې ترمنځ د سولې خبرو له پیلېدو وروسته د بشري حقونو ۵ فعالان او د رسنیو ۶ کارکوونکي په هدفي بریدونو کې وژل شوي دي.
په کندوز کې یوشمېر سرچینې او د پېښې عیني شاهدان وايي، سلګونو لمونځکوونکو پرون د جمعې له لمانځه وروسته د فېروزکوه جومات د ملا امام په لارښوونه پر درېوو راډیوګانو برید وکړ. لمونځکوونکو پر زهره، کیهان او چراغ راډیوګانو برید کړی دی.
سلاموطندار وغوښتل د ملي مصالحې د عالي شورا د جوړښت او د سولې په مذاکراتو کې د یادې شورا د دندو او تر سره شویو فعالیتونو په اړه معلومات ترلاسه کړي؛ خو د مصالحې عالي شورا ویندویان او نور غړي د معلوماتو ورکړې ته حاضر نه شول.
په داسې حال کې چې په دې وروستیو کې په دوحه کې د افغانستان حکومت او طالبانو د مرکچې پلاويو د سولې د مذاکراتو پر کړنلارې هوکړه وکړه او ټاکل شوې چې د سولې رسمي خبرې پيل شي؛ خو د لته بیا د ملي مصالحې عالي شورا تشکیلات نه دي بشپړ شوي.
تر اوسه د افغانستان بانک د کارکوونکو پر لېږدوونکي موټر له چاودنې چې په هغه کې د دغه بانک کارکوونکی او د طلوع ټلوېزیون پخوانی ویاند له خپلو دوو همکارانو سره ووژل شو، دیارلس ورځې تېرېږي، خو په دې موده کې د نورو مسوولو بنسټونو ترڅنګ، د افغانستان بانک هم چوپتیا غوره کړې ده. دغې چوپتیا د یما کورنۍ او نورو خلکو ته جدي پوښتنې پیدا کړې دي.
د افغانستان د ازادو رسنیو ملاتړی بنسټ یا نی وايي، افغان حکومت د بیان او رسنیو د ازادۍ په اړه بد لیدلوری پیدا کړی. د نی د چارواکيو په خبره، په داسې حال کې چې طالبان او داعش د بیان د ازادۍ لوی دښمنان دي، که حکومت هم اطلاعاتو ته د لاسرسي او د خبریالانو د خوندیتوب په برخه کې ګامونه پورته نه کړي، حکومت هم د بیان ازادۍ دښمن ګڼل کېدای شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
