د کندهار ولایت د رسنیو دفتر په یوه خبرپاڼه کې لیکلي چې د ا.ا مشر هبتالله اخوندزاده نن (د غبرګولي ۲۸مه، د دوشنبې ورځ) د دغه ولایت په عیدګاه جومات کې د اختر لمانځه د امامت تر څنګ، خلکو ته وینا کړې ده. د خبرپاڼې له مخې، نوموړي د خپلې وینا پر مهال د ښځو پر حقونو د ټینګار تر څنګ، له خلکو غوښتي چې خپلو خویندو او میندو ته د هغوی شرعي حقونه ورکړي.
د راپورونو پر بنسټ، د اروپايي ټولنې د بهرني سیاست مسوول جوزېپ بورېل د ملګرو ملتونو د امنیت شورا په غونډه کې د افغانستان له سرپرست حکومت سره د اړیکو پراخوالي لپاره د ملګرو ملتونو د هڅو ملاتړ کړی دی.
د ا.ا ویاند ذ.بېحالله م.جاهد په مونیخ ناسته کې د دولسو هېوادونو د بهرنیو چارو وزیرانو د ګډې اعلامیې په غبرګون کې وايي، په دې غونډه کې د افغان ښځو د حقونو په اړه یادې شوې اندېښنې بېبنسټه دي او ټول افغانان خپلو حقونو ته لاسرسی لري.
سلاموطندار په کابل او ولایتونو کې له ۳۰ ښځو سره د مهر حق ترلاسه کولو یا نه ترلاسه کولو په اړه مرکې کړي او ۱۹ هغو یې ویلي چې مهر یې نهدی ورته رسېدلی، خو ۱۱ نورو بیا اخیستی دی. په دې ډله کې اته هغو یې د خاوند په خوښه او درې نورو له ډېرې سختۍ وروسته خپل دغه حق ترلاسه کړی دی.
د سلاموطندار موندنې چې له ۲۶ ښځینه مدافع وکیلانو سره د مرکو له لارې ترلاسه شوي، ښيي چې یادې وکیلانې د افغانستان اسلامي جمهوریت له سقوط وروسته له امنیتي او اقتصادي ستونزو سره مخامخ شوې دي. د دغو وکیلانو له ډلې ۱۹ هغو یې ویلي چې له امنیتي ګواښونو له کبله په یوه سیمه کې دوامدار ژوند نهشي کولای.
په افغانستان کې د ملګرو ملتونو ځانګړې استازولۍ یا یوناما د مارچ اتمې په مناسبت یوه پیغام کې له ا.ا څخه غوښتي چې ژرترژره پر افغان نجونو او ښځو لګېدلي محدودیتونه لرې کړي.
د ښځو حقونو فعالانې وايي چې د خپل حق غوښتلو په موخه به دا ځل د اسلامي امارت چارواکو ته ورشي او هغوی ته به په دودیز ډول خپل پلوونه وغوړوي.
دوی له نړیوالې ټولنې هم غواړي چې د افغان نجونو او ښځو د زدهکړو او کار حق ورکولو برخه کې د اسلامي امارت پر وړاندې خپله تګلاره بدله کړي؛ ځکه په وینا یې، اوسنۍ تګلارې یې کومه پایله نهده لرلې.
د غور یوشمېر معلولانو نن سهار د دغه ولایت په مرکز فېروزکوه ښار کې د دوی د حقونو نه ورکړې له کبله د اعتراض په توګه را ټول شول او له حکومت نه یې وغوښتل چې پام ورواړوي. امیرداد چې څلورکسیزه کورنۍ ور پر غاړه ده، له حکومت څخه غواړي چې د ده په ګډون، د ټولو معلولانو حقونه ورکړي.
د ریاستالوزرا سیاسي مرستیال عبدالکبیر د اروپايي ټولنې له شارژدافیرې رافایلا ایوبیا سره په لیدنه کې ویلي چې د اسلامي شریعت په چوکاټ کې د افغان ښځو حقونه تامین دي او بېلابېلو برخو کې کار کوي. د اسلامي امارت له واکمنېدو راهیسې په بېلابېلو برخو کې پر ښځو محدودیتونه لګېدلې دي.
افغانستان کې د ملګرو ملتونو سیاسي استازولۍ (یوناما) وايي چې افغان ښځې او نجونې د دوی او اسلامي امارت ترمنځ د خبرو غوښتونکي دي.
یوشمېر افغان متقاعدان شکایت کوي چې له څه باندې یوه کال راهیسې یې خپل کلني حقونه او امتیازونه نهدي اخیستي او له سختو اقتصادي ستونزو سره لاس او ګرېوان دي.
دوی ادعا کوي چې پر هېواد د اسلامي امارت له بیا ځل واکمنۍ راهیسې یې څو ځله د خپلو معاشونو د اخیستو لپاره غږ پورته کړی، خو چا مثبت ځواب نهدی ورکړی.
د ا.ا ویاند ذبېحالله مجاهد بېګاه ناوخته د یوې خبرپاڼې په خپرولو سره ویلي، د ا.ا مشر هبتالله اخندزاده د استخباراتو عمومي ریاست له مسوولانو او د ۳۴ ولایتونو د استخباراتو له رییسانو سره کتلي دي. نوموړي زیاته کړې چې د اسلامي امارت مسوولان به هغه ته حساب ورکوي چې د تېر یوه کال په موده کې یې څومره شریعت تطبیق کړی دی.
پروان کې یوشمېر معلولان او د شهیدانو د کورنۍ غړي شکایت کوي چې سږ کال یې خپل حقونه نهدي ورکړل شوي.
د دوی له ډلې یو معلول عبدالسلام چې د جبلسراج ولسوالي اوسېدونکی دی وايي، د شهیدانو او معالولانو ریاست لهخوا ورته ویل شوي چې دې اداره کې د معلولیت امتیازاتو پر شرایطو برابر نه دی.
د افغان ښځو لپاره د امریکا ځانګړې استازې رینا امیري ویلي چې افغانستان کې له اسلامي امارت سره د پرمختګ لپاره د ښځو او نجونو د حقونو راګرځول او دغه هېواد کې د زیانمنو وګړو خوندیتوب اړین دی. نوموړې د بهرنیو چارو وزارت له سرپرست امیرخان متقي سره په یوې ټیلیفوني اړیکه کې پر دې موضوع ټينګار کړی دی.
د افغان ښځو او بشر حقونو لپاره د امریکا ځانګړې استازې رینا امیري د یوشمېر اسلامي هېوادونو له سفیرانو سره لیدلي او ویلي یې دي چې په دې لیدنه کې هوکړه شوې، څو «اسلامي نړۍ د افغان ښځو او نجونو له حقونو دفاع وکړي.» امیري پر خپل ټویټرپاڼه لیکلي، د اسلامي امارت سیاستونه ښځې او نجونې له زدهکړو او کار څخه محروموي.
د افغانستان بشري وضعیت لپاره د ملګرو ملتونو ځانګړي رپورټر ریچارډ بنیټ، د هېواد په یوشمېر ولایتونو کې پر ښوونځیو او جوماتونو ترهګریزو بریدونو وروسته ویلي چې د افغانانو د بشري حقونو وضعیت باید خوندي شي.
نوموړي پر خپل ټویټرپاڼه لیکلي چې د تېرې اوونۍ د خونړیو بریدونو له امله د وژل شویو کسانو له کورنیو سره څنګ کې ولاړ دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
