د امریکا یوه جمهوري غوښتونکي سناتور مارکو روبیو د روانې اوونۍ د چهارشنبې په ورځ د دغه هېواد کانګرېس ته یوه لایحه وړاندې کړه چې له مخې یې باید له افغانستان سره د امریکا د بشري مرستو لړۍ تر هغه وخته ودرول شي چې د روڼتیا په اړه یې ډاډ نه وي ترلاسه شوی.
په کابل کې د جاپان سفارت نن (د لیندۍ دیارلسمه، د دوشنبې ورځ) پر خپلې اېکسپاڼې لیکلي چې هېواد یې له افغانستان سره ۵۸،۴ میلیونه ډالره مرسته کوي. د جاپان سفارت هیلهمندي ښودلې چې دا پیسې به د افغانانو د باعزته ژوند او پر ځان بسیاینې لپاره مرسته وکړي.
خانملا چې د کابل یوه څلورلارې کې یې د مزودورۍ پیدا کولو په موخه دېوال ته ډډه وهلې وايي، سهار وختي له کوره را وتلی چې کار ومومي، خو لا چا نهدی بیولی. هغه چې د کورنۍ سرپرستې یې پر غاړه ده وايي، تېرو دوو کلونو کې پنځه ځله ورسره مرسته شوې، خو اوس یې ورته اړتیا ډېره شوې ده.
له هغه وروسته چې د ملګرو ملتونو د بشري مرستو د همغږۍ ادارې یا اوچا په یوه تازه راپور کې له افغانستان سره د خپلو مرستو د کمېدو خبر ورکړ، د اقتصاد وزارت د دغه راپور په غبرګون کې ویلي چې ملګري ملتونه او مرستندویه بنسټونه باید په افغانستان کې د بنسټیزو پروژو په پلي کولو سره د هېواد له اقتصادي ودې سره مرسته وکړي.
له افغانستان سره د نړیوالې ټولنې د بشري مرستو په دوام، نن «د غويي ۲۴مه، د یکشنبې ورځ» د ۴۰ میلیونه نغدو ډالرو یوه کڅوړه کابل ته را رسېدلې ده.
د خوړو نړیوال پروګرام یا «WFP» تېره ورځ پر خپلې ټویټرپاڼه خبرداری ورکړی چې که تر راتلونکو څو ورځو پورې ورته په بیړنۍ توګه بودیجه ونه رسېږي، افغانستان کې به یې پر نهه میلیونه اړمنو افغانانو د مرستو وېش ودرېږي.
د ملګرو ملتونو د بشري مرستو د همغږۍ دفتر یا اوچا وايي، افغانستان په روان زېږدیز کال کې د څلور میلیارډه او ۶۰۰ میلیونه ډالرو بشري مرستو ته اړتیا لري. د اوچا په وینا، په لومړي سر کې یوازې ۲۸ میلیونه او ۳۰۰ زره افغانان بشري مرستو ته اړتیا لري.
یوشمېر کابل ښاریان ګیله کوي چې بشري مرستې ورته نه رسېږي او پهکار ده چې د دغو مرستو پر ځای، دوی ته د کار اسانتیاوې برابرې شي. د کابل اوسېدونکی نثاراحمد سلاموطندار ته ویلي چې له دوو کلونو راهیسې له وزګارتیا کړېږي او بشري مرستې هم ورته نهدي رسېدلي.
نن سهار شاوخوا ۱:۳۰ دقیقې د افغانستان یوشمېر ولایتونه د یوې زورورې زلزلې شاهد وو. خوست او پکتیکا ولایتونه د دې زلزلې له امله سخت ځپل شوي او خلکو ته یې درانه مالي او ځاني زیانونه اړولي دي.
په افغانستان کې د ملګرو ملتونو د کډوالو عالي کمېشنري رییس لیونارډ زورلو نن کابل کې د کډوالو نړیوالې ورځې په مناست جوړې شوې غونډه کې وویل چې له پاکستان او ایران څخه راستانه شویو ۳.۵ میلیونه افغان کډوالو سره بېلابېلې بشري مرستې شوې دي.
د هند د بهرنیو چارو وزارت یو پلاوی افغانستان ته د بشري مرستو د لېږد بهیر د څارنې په موخه کابل ته راغلی دی. د هند د بهرنیو چارو وزارت په یوه خپره کړې خبرپاڼه کې ویلي چې ټاکل شوې دغه پلاوی اسلامي امارت سره د نوي ډیلي د مرستو په اړه خبرې وکړي.
د اسلامي امارت د اقتصاد وزارت چارواکيو په شفافه توګه د بشري مرستو وېشلو په موخه د اته مادهایزې طرحې د جوړوېدو خبر ورکړ.
د ملګروملتونو سرمنشي انتونیو ګوټرېش وايي چې د افغانستان اقتصاد مخ په ځوړند او د سقوط په درشل کې دی. هغه پر ټویټرپاڼه لیکلي چې د اقتصادي پاشلتیا او د بحران مخنیوي لپاره باید هرڅه ژر دغه هېواد ته نغدې پیسې ورکړل شي.
د روغتیا نړیوال سازمان نن د افغانستان روغتیايي وضعیت په اړه په یوې انلاین ناسته کې وویل چې دغه هېواد د روغتیا په برخه کې د تجهیزاتو له کمښت سره مخ دی او همداراز بېړنیو بشري مرستو ته اړتیا لري.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
