د بهرنیو چارو وزارت سرپرست امیرخان متقي وايي، ازبکستان باید د قرارداد له مخې افغانستان ته برښنا را خوشې کړي.
هغه چې نن د کرنیزې پراختیا د وجهي صندوق په پرانېستغونډه کې خبرې کولې، د ازبکستان له لوري د برښنا پر پرې کېدو نیوکه وکړه او زیاته یې کړه چې دغه هېواد باید د قرارداد له مخې، افغانستان ته برښنا را خوشې کړي.
د روان کال لومړیو کې ازبکستان څخه د وارداتي برښنا تړون د یوه کال لپاره تمدید شو، خو له شاوخوا یوې اوونۍ وروسته، د ازبکستان وارداتي برښنا پرې شوې ده. د کابل اوسېدونکي د برښنا پرچاوۍ زیاتېدو څخه شکایت لري او وايي، شاوخوا ۳ میاشتې کېږي چې د برښنا کمښت یې ورځنۍ چارې ور ټکنۍ کړي دي.
د هوا په سړېدو سره یوشمېر کابل ښاریان د برښنا پرچاوۍ او د سونتوکو د لوړې بیې په اړه شکایت کوي او وايي، له یوې خوا یې کورونه تیاره دي او بلهخوا یې د تودولو لپاره سونتوکي نه لري.
د بهرنیو چارو وزارت د ویاند مرستیال ضیااحمد تکل پر ټویټر لیکلي چې د دغه وزارت سیاسي مرستیال شېرمحمد عباس ستانکزي د افغانستان لپاره د اوزبکستان له ځانګړي استازي عصمتالله ارګاشف سره له دغه هېواد څخه افغانستان ته د وارداتي برښنا پر ستونزو ټیلیفوني خبرې کړې دي.
اوزبکستان له څو ورځو راهیسې په دغه هېواد کې د برښنا کموالي له کبله افغانستان ته خپله صادراتي برښنا ۶۶ سلنه کمه کړې چې له کبله یې د کابل په ګډون، د ۱۲ ولایتونو برښنا کمه شوې ده.
خو د افغانستان برښنا شرکت مسوولان وايي چې خلک دې د برښنا کمېدو ستونزې تر حل پورې د برښنا پرچاوي وزغمي.
په همدې حال کې یوشمېر کابل ښاریان وايي چې د برښنا پرچاوۍ یې کاروبار ته زیانمن کړی دی.
د کابل یوشمېر اوسېدونکي وايي چې هر کال هېواد کې د ژمي په رانږدې کېدو سره د برښنا نشتون له کبله له ګڼو ستونزو سره مخ وي.
د کابل اوسېدونکی معراجالدین وايي چې هره ورځ د مازدیګر له څلور د شپې تر لسو بجو برښنا نهلري او د برښنا نشتون دوی ته په یوې دي ستونزې بدله شوې ده.
د کابل یوشمېر ښاریان وايي چې له تېرې یوې اوونۍ راهیسې د برښنا پرچاوي زیاته شوې چې له امله یې له ګڼو ستونزو سره مخ کړي دي.
د جوزجان د مرکز شبرغان ښار د ښوونځیو یوشمېر زدهکوونکو پرون د ساینس په یوه جشنواره کې خپلې ۶۱ پروژې او علمي تجربې نندارې ته کېښودې.
یو زدهکوونکی احسانالله چې په دې جشنواره کې یې ګډون کړی وايي، یوه کوچنۍ دستګاه یې جوړه کړې چې له بخار نه برښنا تولیدوي.
که څه هم د هېواد په بېلابېلو برخو کې د خلکو له لوري پر خپل وخت د برښنا لګښتونو نه ورکړه یوه ستونزه ګڼل کېږي، خو غزني کې یې اوس د چارواکو د صبر کاسه نسکوره کړې ده.
د هلمند محلي مسوولان وايي، کجکي بند کې له څه باندې دوو اوونیو راهیسې د اوبو سطحې ټیټېدو له کبله د یاد بند توربینونه درول شوي چې ورسره هلمند او کندهار کې برښنا پرې شوې ده.
د پکتیا ولایتي چارواکي وايي چې د دغه ولایت د مرکز په ګډون یې په احمداباد او وزې ځدراڼ ولسوالیو کې یې ۹۵۰۰ کورنیو ته وارداتي برښنا چې کابو ۷۰۰ میلیونه افغانۍ لګښت پرې راغلی، رسولې ده.
نن په کابل کې د کورنیو تولیداتو او محصولاتو نندارتون چې څلور ورځې به دوام کوي، پرانېستل شو. په دغه نندارتون کې هغه صنعتي او ودانیز توکي چې په کور دننه جوړ شوي، نندارې ته اېښودل شوي دي. د سوداګرۍ او صنایعو وزارت مسوولان د دغه نندارتون د جوړولو موخه د کورنیو محصولاتو پېژندل او ورته بازارموندنه یادوي.
د ملګرو ملتونو د ماشومانو د ملاتړ صندوق یا یونیسف د «اډا» موسسې له لارې په غزني کې څلورو روغتونونو او ۹۶ کلینیکونو ته د لمریزې برښنا وسایل برابر کړي دي.
هلمند کې د کجکي برښنا بند له شتون سربېره، د مرکز لښکرګاه ښار او د ناوې او نادعلي ولسوالیو یوشمېر اوسېدونکي او د فابریکو مسوولان د برښنا کمښت او نهشتون څخه سر ټکوي.
د کندهار د صنعت کارانو د ټولنې مسوولان وايي، د دغه ولایت په صنعتي پارک کې زیاتره فابریکې د برېښنا نشتون له امله تړل شوي چې ورسره زرګونه کسان وزرګار شوي دي.
د ریاستالوزرا د لومړي مرستيال د دفتر له لوري په خپره شوې خبرپاڼه کې راغلي چې په دغه ناسته کې امنيتي ادارو ته دنده سپارل شوې چې له دولتي ادارو او زورواکو څخه د افغانستان برېښنا شرکت د پورونو راټولو په برخه کې همکاري وکړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
