د بهرنیو چارو وزارت د ویاند مرستیال ضیااحمد تکل پر خپلې اېکسپاڼې لیکلي چې د سره صلیب نړیوال فدراسیون د اسیا برخې رییس الکسانډر مټیو او ورسره مل پلاوي له امیرخان متقي سره لیدلي دي. هغه وايي، امیرخان متقي په دې لیدنه کې غوښتنه کړې چې له افغانانو سره هراړخیزې مرستې وکړي او د کورنیو روغتونونو تجهیز ته ځانګړی پام وکړي.
د بهرنیو چارو وزارت د ویاند مرستیال ضیااحمد تکل پر ټویټر لیکلي چې د دغه وزارت د سرپرست امیرخان متقي په مشري یو سیاسي-سوداګريز پلاوی نن «د غويي پنځلسمه، د جمعې ورځ» پاکستان ته تللی دی.
د بهرنیو چارو وزارت امیرخان متقي افغانستان کې د جاپان له سفیر تاکاشي اوکادا سره کتلي دي.
د بهرنیو چارو وزارت ویاند عبدالقهار بلخي پر خپله ټوېټرپاڼه لیکلي چې د بهرنیو چارو وزارت سرپرست امیرخان متقي پرون چهارشنبه د سلواغې ۱۹مه کابل کې د جاپان له سفیر تاکاشي اوکادا سره لیدلي دي.
د بهرنیو چارو وزارت د ویاند مرستیال ضیااحمد تکل پنجشنبه د سلواغې شپږمه پر خپله ټوېټرپاڼه لیکلي، د افغانستان لپاره د ایران ځانګړي استازي او سفیر حسنکاظمي قمي له امیرخان متقي سره لیدلي دي.
دغه لیدنه چې پرون شوې د ایران له ځانګړي استازي سربېره، پهکې د دغه هېواد د سفارت مرستیال او د څلور کونسلګریو مسوولانو ګډون درلود.
د بهرنیو چارو وزارت سرپرست امیرخان متقي وايي، ازبکستان باید د قرارداد له مخې افغانستان ته برښنا را خوشې کړي.
هغه چې نن د کرنیزې پراختیا د وجهي صندوق په پرانېستغونډه کې خبرې کولې، د ازبکستان له لوري د برښنا پر پرې کېدو نیوکه وکړه او زیاته یې کړه چې دغه هېواد باید د قرارداد له مخې، افغانستان ته برښنا را خوشې کړي.
د بهرنیو چارو کې د پاکستان د دولت وزیرې حنا رباني کهر چې نن د یوه پلاوي په مشري کابل ته راغلې، د بهرنیو چارو له سرپرست امیرخان متقي سره په لیدنه کې د کابل او اسلاماباد ترمنځ پر همکاریو ټينګار کړی دی. ضیااحمد تکل زیاته کړې چې امیرخان متقي د ټاپي، ټاپ، رېل پټلۍ او نورو پروژې د چارو پیلېدو په اړه چمتووالی ښودلی دی.
د بهرنیو چارو وزارت سرپرست امیرخان متقي ویلي چې نړۍ به یوه ورځ بالاخره د اسلامي امارت حکومت په رسمیت وپېژني او دې نظام سره به تعامل وکړي.
متقي پرون چهارشنبه د لیندۍ دویمه هرات کې د ا.ا د سرتېرو فراغتغونډه کې د وینا پر مهال د اسلامي امارت له سرتېرو غوښتنه کړې چې هېواد کې د امنیت ټينګښت په موخه خپلې لیکې منظمې کړي.
کندهار کې د دیني عالمانو، قومي مشرانو، د مخکیني حکومت د یوشمېر چارواکو او سلګونه نورو کسانو په ګډون د دیني عالمانو غونډه نن پیل شوه.
د افغانستان ملي راډیو ټلوېزیون پر خپله ټوېټرپاڼه لیکلي چې په دې ناسته کې شاوخوا ۳۰۰۰ کسانو ګډون کړی چې پر یو لړ ملي مسایلو به خبرې وکړي.
امیرخان متقي چې پر افغانستان د اسلامي امارت د بیاواکمنېدو د لومړۍ کلیزې په اړه جوړې شوې نمانځغونډې ته وینا کوله همداراز زیاته کړه چې افغانستان کې بېثباتۍ ته لمن وهل د چا په ګټه نه ده او په وینا یې، نړیوال باید د بندیزونو پرځای له افغانستان سره همکاري وکړي.
د افغانستان د بهرنیو چارو وزارت سرپرست امیرخان متقي په مشري پلاوي نن په تاشکند کې د ازبکستان د بهرنیو چارو له سرپرست وزیر ویلادیمیر نوروف سره کتلي دي. په دغه کتنه کې امیرخان متقي خپل ازبکستاني سیال ته افغانستان کې د ډاډمن امنیت او پانګونې لپاره د فرصتونو رامنځته کېدو په اړه ډاډ ورکړی او ویلي یې دي چې د افغانستان خاوره به د چا پر ضد ونه کارول شي.
ټاکل شوې سبا دوشنبه د ازبکستان په پلازمېنه تاشکند ښار کې د افغانستان د وضعیت څېړلو په موخه نړیواله غونډه جوړه شي چې دوه ورځې به دوام وکړي.
د اسلامي امارت د بهرنیو چارو سرپرست امیرخان متقي په مشري یو پلاوی هم دغه غونډه کې د ګډون لپاره نن ازبکستان ته تللی دی.
د بهرنیو چارو وزارت سرپرست امیرخان متقي ویلي چې له نړیوالې ټولنې سره د اسلامي امارت تعامل د پراختیا په حال کې دی او ټاکل شوې چې افغانستان کې د یوشمېر هېوادونو سفارتونه بېرته پرانستل شي. ملي راډیو ټلوېزیون لیکلي، متقي ټینګار کړی چې «نړۍ سره ښې اړیکې لرو او دغه اړیکې د پراختیا په حال کې دي. هیله کوو چې ډېرې لاستهراوړنې ولرو.»
د اسلامي امارت د بهرنیو چارو وزارت د ویاند مرستیال حافظ ضیا احمد نن په ټویټر کې لیکلي چې د افغانستان د بهرنیو چارو وزارت سرپرست امیرخان متقي د افغانستان د ګاونډیو هیوادونو د بهرنیو چارو د وزیرانو په درېمه غونډه کې د ګډون په موخه د چین پلازمېنې بیجینګ ته ورسېد.
افغانستان کې د ملګروملتونو سیاسي استازولۍ یا یوناما ویلي، د ملګروملتونو ځانګړې استازې دیبرا لاینز د اسلامي امارت د بهرنیو چارو سرپرست وزیر امیرخان متقي ته «د نادرکه شویو ښځینه افغان فعالانو برخلیک» په تړاو د نړیوالو غوسې په اړه ویلي.
یوناما ویلي چې د بهرنیو چارو سرپرست وزیر دیبرا لاینز ته د دغې مسلې د حل لپاره د هڅو ډاډ ورکړی دی.
کابل کې د پاکستان سفیر منصور احمد خان پر خپل ټویټرپاڼه لیکلي چې د پاکستان د ملي امنیت سلاکار معید یوسف نن غرمه کابل ته راغلی دی. منصور احمدخان پر خپل ټویټرپاڼه لیکلي، د پاکستان د ملي امنیت سلاکار د یوه پلاوي په مشري له اسلاماباد څخه کابل ته راغلی او د اسلامي امارت د بهرنیو چارو وزارت له سرپرست سره یې لیدلي دي.
د اسلامي امارت ویاند ذبیح الله مجاهد ویلي، چې دغه پلاوي د ایران په پلازمینه تهران کې د ملي مقاومت جبهې له مشر احمد مسعود او د دې جبهې له غړي محمداسماعیل خان سره کتلي دي. ذبیح الله مجاهد ویلي، اسلامي امارت هڅه کوي چې د هېواد راتلونکی د ټولو لپاره د ډاډ وړ وي او هیچا ته د مخالفت دلیل پاتې نه شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
