له هغه وروسته چې له قطر څخه ترکیې ته د حماس سیاسي مشرانو د لېږد په اړه راپورونه خپاره شول، د امریکا متحده ایالاتو له ترکیې څخه غوښتي چې د حماس د مشرانو کوربهتوب ونه کړي. رویټرز خبري اژانس خبر ورکړی چې د امریکا د بهرنیو چارو وزارت پرون دا غوښتنه کړې او زیاته کړې یې ده چې د ترکیې په ګډون، ټول هېوادونه باید د حماس له ملاتړ او کوربهتوب څخه ډډه وکړي.
د امریکا د ولسمشریزو ټاکنو لپاره له نوماندۍ د جو بایډن له تېرېدو سره هممهاله، د هغه مرستیالې کامله هېرس لیکلي چې د ولسمشریزو ټاکنو لپاره نومانده شي.
هېرس نن (د زمري لومړۍ، د دوشنبې ورځ) پر اېکس لیکلي چې د امریکا د ۲۰۲۴ کال په ټاکنو کې به د بریا لپاره هڅه وکړي.
د امریکا د جمهوري غوښتونکو ګوند نوماندا او د دغه هېواد پخواني ولسمشر ډونالډ ټرمپ ادعا کړې چې له افغانستانه د دغه هېواد د ځواکونو له وتلو وروسته د ۸۵ میلیارډه ډالرو په ارزښت د امریکا پوځي تجهیزات پاتې شوي چې په خبره يې، افغانستان د امریکايي وسلو د خرڅلاو په تر ټولو لوی بازار بدل شوی دی.
چین په تېرو دوو ورځو کې د روسيې د ولسمشر ولاديمير پوتين کوربه و. چین ته د پوتین د سفر موخه د دواړو هېوادونو پر دوهاړخيزو اړيکو او ځينو سيمهييزو او نړيوالو مسايلو خبرې بلل شوې دي.
د روسیې ولسمشریزې ماڼې یا کرېملېن له دغه سفر وروسته د دواړو هېوادونو ګډه خبرپاڼه خپره کړې چې افغانستان هم د دواړو هېوادونو د مشرانو د بحث موضوع وه.
د امریکا یوه جمهوري غوښتونکي سناتور مارکو روبیو د روانې اوونۍ د چهارشنبې په ورځ د دغه هېواد کانګرېس ته یوه لایحه وړاندې کړه چې له مخې یې باید له افغانستان سره د امریکا د بشري مرستو لړۍ تر هغه وخته ودرول شي چې د روڼتیا په اړه یې ډاډ نه وي ترلاسه شوی.
سره له دې چې ا.ا په وار وار ډاډ ورکړی چې افغان خاوره به هېڅکله د بل هېواد پر ضد ونه کارول شي، خو بیا هم نړیوالو په تېرو دوو کلونو کې له افغانستان څخه د ترهګرۍ ګواښونو او امنیتي ستونزو په اړه اندېښنې ښودلې دي.
د امریکا د بهرنیو چارو وزارت پرون (د فبروري اووهویشتمه، د سهشنبې ورځ) د افغان ښځو د اقتصادي پیاوړتیا په اړه غونډه جوړه کړه. دا غونډه د «د افغان ښځو د اقتصادي مقاومت لپاره اېتلاف» په نوم جوړه شوې وه.
د امریکا د بهرنیو چارو وزیر انټوني بلېنکن ویلي چې یاده غونډه د افغان نجونو او ښځو لپاره د کارموندنې، بوختیا او زدهکړو لپاره د نوي مشارکت په اړه جوړه شوې ده.
د ا.ا ویاند ذ.بېحالله م.جاهد په کابل کې د امریکا سفارت د پرانېستلو په اړه له خپرو شویو راپورونو سره سم وايي، که د امریکا د بهرنیو چارو وزارت دا ډول پرېکړه وي، دوی یې هرکلی کوي.
نوموړي په دې اړه سلاموطندار ته ویلي چې په افغانستان کې د امریکا سفارت بیا پرانېستل د دواړو هېوادونو د خلکو په ګټه دي او ا.ا چمتو دی چې په دې برخه کې د امریکا سفارت او ډیپلوماټانو امنیت وساتي.
د امریکا غږ انګلیسي څانګې د راپور پر بنسټ، امریکا غواړي په افغانستان کې د خپلو کونسلګریو د بېرته پرانېستل کېدو په اړه غور وکړي.
د دې رسنۍ په وینا، د امریکا د بهرنیو چارو وزارت په نوې تګلاره کې چې د ۲۰۲۳ کال په اکټوبر میاشت کې لاسلیک شوې، کونسلګري خدمتونو ته د خلکو پر لاسرسي او د دوهاړخیزو اړیکو پر اړتیا ټینګار شوی دی.
د امریکا د خزانې وزارت په یوه خبرپاڼه کې لیکلي چې د افغانستان د ولسي جرګې پر پخواني رییس میررحمان رحماني او د هغه پر زوی او د ولسي جرګې پخواني غړي اجمل رحماني یې د ډېر فساد له کبله بندیزونه لګولي دي.
د امریکا مالیې وزارت د یوه نوملړ په خپرولو سره ویلي چې دغه هېواد د بشري حقونو د نقض له کبله د افغانستان، چین، ایران او هایتي پر ۲۰ سیاسي او پوځي چارواکو بندیزونه لګولي دي.
د امریکا د نویو بندیزونو په نوملړ کې د ا.ا د امر بالمعروف او نهې عنالمنکر وزارت سرپرست خالد حنفي او د افغانستان د علومو اکاډمۍ د رییس فریدالدین محمود نومونه هم شامل دي.
د امریکا یوه جمهوري غوښتونکي سناتور رانډ پاول پر یوې داسې طرحې د کار کولو خبر ورکړی چې پر بنسټ به یې د ا.ا تر واک لاندې افغانستان ته د امریکا د مالي مرستو مخه ونیول شي.
پاول د دوشنبې په ورځ پر خپلې اېکسپاڼې ولیکل چې په راتلونکو څو ورځو کې به یاده طرحه د تصویب لپاره د امریکا مشرانو جرګې ته وړاندې کړي.
د امریکا د ملي امنیت شورا ویاند جان کربي د دوشنبې په ورځ په واشنګټن کې د یوې خبري غونډې پر مهال وویل چې له ا.ا سره د دغه هېواد د اړیکو عادي کېدل او په رسمیت پیژندل ګران کار دی او په وینا یې، ا.ا باید پر خپلو ژمنو ودرېږي. جان کربي وايي، امریکا هڅه کوي چې ا.ا د خپلو ژمنو عملي کولو ته اړ کړي.
د چک جمهوریت د خپل هوايي ځواک پیاوړتیا او دفاع لپاره د ۶،۵ میلیارډ ډالرو په ارزښت له امریکا څخه ۲۴«اف۳۵» ډوله جېټ الوتکې پېري.
القاعده شبکې دوهویشت کاله وړاندې د امریکا په نیویارک ښار کې پر سوداګریزو برجونو بریدونه وکړل چې د نړیوال امنیت او ترهګرۍ په اړه یې د نړۍ نظر بدل کړ. د القاعده شبکې له دغه برید وروسته، امریکا او د ناټو غړیو هېوادونو پر افغانستان برید وکړ .
د پاکستان د بهرنیو چارو وزارت ویاندې ممتاز زهرا بلوچ پرون په اسلاماباد کې د یوې خبري غونډې پر مهال ادعا وکړه چې په افغانستان کې له امریکايي ځواکونو څخه پاتې وسلې د ترهګرو ډلو لاس ته ورغلي او دغه کار د پاکستان په ګډون، د سیمې لپاره ګواښ دی. زهرا بلوچ ویلي چې اسلاماباد په دې اړه د ا.ا له چارواکو سره خپلې اندېښنې شریکې کړې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
