هلمند کې د کور چت را لوېدلی او د یوې کورنۍ د څلورو غړیو ژوند یې اخیستی

د هلمند ځایي مسوولان وايي، تېره شپه د دغه ولایت د ناوې ولسوالي په خرابي سيمه کې د اورښتونو له امله د یوه کور چت را لوېدلی او له کبله یې څلورو کسانو خپل ژوند له لاسه ورکړی دی. په مړو شویو کسانو کې دوه ماشومان، یو نارینه او یوه ښځه شامل دي.

له ښځې سره د ښځې تاوتریخوالی؛ د ۴۱۲ ښځو ۸۴ سلنه د ښځینه‌وو تاوتریخوالی تجربه کړی

د سلام‌وطندار موندنې چې په ۲۶ ولایتونو کې له ۴۱۲ ښځو او نجونو سره د مرکو له لارې ترلاسه شوي، ښيي چې د ګډونوالو ۸۴ سلنه د ښځینه‌وو له تاوتریخوالي سره مخامخ شوي او پاتې ۱۶ سلنه بیا ویلي چې ښځینه‌وو ورسره تراوسه هېڅ تاوتریخوالی نه‌دی کړی. په دې ډله کې ۹۱ سلنه له اروايي، څلور سلنه له فزیکي او څلور سلنه نورې یې هم‌مهاله له اروايي او فزیکي تاوتریخوالي سره مخامخ شوې دي.

راستنې شوې کورنۍ: د پاکستاني پولیسو ناوړه چلن مو پر ماشومان منفي اغېز کړی

له پاکستانه یوشمېر راستنې شوې کورنۍ سلام‌وطندار ته وايي، د پاکستان حکومت له لوري په زور افغانستان ته د دوی ستنېدل لامل شوي چې د اولادونو زده‌کړې یې نیم‌ګړې پاتې شي.

راستنو شویو کورنیو زیاته کړه چې د زده‌کړو سربېره د راستنېدو پرمهال د پاکستاني پولیسو ناوړه چلن د دوی د ماشومانو پر ذهنونو منفي اغېزې کړي دي.

پر کاج ښوونیز مرکز د برید لومړی تلین؛ د قربانیانو کورنۍ لا هم ویرجنې دي

یوه ځانمرګي بریدګر له نن څخه پوره یو کال وړاندې په همدې ورځ، د تلې میاشتې په اتمه نېټه، سهار مهال د کابل ښار د دیارلسمې حوزې اړوند دشت‌برچي کې پر کاج ښوونیز مرکز داسې مهال برید وکړ چې هلته د کانکور ازمایښتي ازموینه روانه وه. په دغه برید کې لږترلږه ۲۰۰ کسانو ته مرګ‌ژوبله اوښتې وه.

د لادرکه شویو نړیواله ورځ؛ «هر ځل چې را یاد شي، ټوله نړۍ راباندې تیاره کېږي»

یوشمېر افغانې کورنۍ د ورکو شویو نړیوالې ورځې سره هم‌مهاله د مسوولانو د بې‌غورۍ په اړه ګیله کوي او وايي، کشفي او امنیتي ادارې یې باید د کورنۍ د غړیو او خپلوانو په موندلو کې ورسره مرسته وکړي. نازګل هغه مور ده چې اتلس کلن زوی یې له تېرو ۴۰ ورځو راهیسې ورک دی.

د نیول شویو خبریالانو کورنۍ له ا.ا څخه د هغوی د خوشې کولو غوښتنه کوي

په کندوز او بدخشان ولایتونو کې د سلام‌وطندار د خبریال حسیب حساس ورور حکیم حساس وايي، د ا.ا استخباراتو تېره اوونۍ په کندوز کې د هغه ورور نیولی او تر اوسه لادرکه دی.
حکیم حساس وايي، ورور یې له خبریالۍ پرته بل هېڅ کار نه درلود. هغه غوښتنه کوي چې ژرترژره دې حسیب حساس خوشې شي؛ ځکه په خبره یې، د کورنۍ یواځینی سرپرست دی.

بادغیس کې «بوټولېزم» ناروغي د یوې کورنۍ څلور غړي مړه کړي

د بادغیس روغتیايي مسوولان وايي چې د دغه ولایت په قادس ولسوالي کې د یوې کورنۍ څلور غړي پر «بوټولېزم» ناروغي د اخته کېدو له کبله مړه شوي دي.
د بادغیس د مرکزي روغتون سرطبیب اجمل عاطف وايي، یاد کسان د روانې اوونۍ په لومړیو ورځو کې داسې مهال چې روغتیايي وضعیت یې نازک و، دغه روغتون ته ور وړل شوي وو.

کابل کې پرتو کتابتون ودونو کې د لګښتونو کمېدو په موخه ناسته وکړه

کابل کې د پرتو کتابتون له لوري نن چهارشنبه د چنګاښ ۲۸مه «وادونو کې د لوړ لګښت د پایلو او عواملو ارزونې او د اسانه واده د حل‌لارو وړاندې کولو» تر نوم لاندې علمي او تخصصي ناسته وکړه. د پوهنتون استاد محمدباقر حسیني دې ناسته کې له کورنیو غوښتنه وکړه چې وادونو کې د لوړ لګښت مخه ونیسي.

بامیان کې یوه ۱۳کلن هلک ځان‌وژنه کړې

د بامیان امنیتي مسوولان وايي، د دغه ولایت په مرکز «بامیان ښار» کې یوه ۱۳کلن هلک ځان‌وژنه کړې ده.

د بامیان د والي ویاند فرزان سیغاني سلام‌وطندار ته ویلي، پېښه شنبه د غبرګولي ۱۳مه د بامیانو ښار «زرګران» سیمه کې رامنځته شوې ده. هغه د یادې ځان‌وژنې د لاملونو او انګېزې په اړه څه نه دي ویلي، خو یوې سرچینې سلام‌وطندار ته ویلي، دغه هلک د خپلې کورنۍ غړیو سره تر لفظي شخړې وروسته ځان‌وژنه کړې.

ایران کې یو ۱۵کلن افغان کډوال په مرموز ډول وژل شوی

د تخار ینګي‌قلعه کې یوې کورنۍ سلام‌وطندار ته د تصویرونو په استولو سره ویلي، ۱۵کلن زوی یې له تېر یوه کال راهیسې د ایران فارس ولایت کې اوسېده چې په مرموز ډول وژل شوی دی.

دغه هلک رامین نومېده او د کورنۍ په وینا یې، د روانې غبرګولي میاشتې په اوومه د ایران د فارس ولایت مرودشت سیمه کې د ناپېژنده کسانو له لوري وژل شوی دی.

غور کې د دوو کورنیو ترمنځ د شخړې له کبله یو ماشوم وژل شوی

د غور امنیتي مسوولان وايي چې دغه ولایت کې د دوو کورنیو ترمنځ د رامنځته شوې شخړې په پایله کې یو ماشوم وژل شوی دی.

د غور امنیتي مسوولانو په وینا، پېښه د یاد ولایت د پسابند ولسوالي اړوند سیمه کې پرون جمعه د غبرګولي پنځمه رامنځته شوې چې له کبله یې یو ۱۲کلن ماشوم وژل شوی دی.

«ناچاره یوو چې د یوې مړۍ ډوډۍ لپاره ساعتونه د موټرو ډکولو لپاره نارې ووهو»

افغان ماشومان د هېواد په بېلابېلو برخو، په تېره کابل کې د یوې مړۍ ډوډۍ پیدا کولو په موخه د روزګار لپاره قرباني ورکوي. ګڼ‌شمېر ماشومان هر سهار د ښوونځي پر ځای، ښار ته راوځي او د یوې مړۍ ډوډۍ لپاره تر بېګاه پر سړکونو د سپرلۍ موټرو ډکولو په موخه نارې وهي.

د کورنۍ نړیواله ورځ؛ کډوالۍ د افغانانو کورنۍ سره پاشلي او ژوند یې ور تریخ کړی

یوه افغانه کډواله شریفه صفري چې له کورنۍ مسافره شوې، سلام‌وطندار ته ویلي، تمه یې لرله چې د کورنۍ په نړیواله ورځ د خپل مور او پلار تر څنګ واوسي، خو بخت ورسره یاري نه‌ده کړې او اوس ترې لرې یوه بل هېواد کې ژوند کوي. مرضیه په بلخ کې هغه مور ده چې هېواد کې له سیاسي بدلون وروسته یې درې ځامن نورو هېوادونو ته کډ‌وال شوي دي.

د ترور شویو پخوانیو نظامیانو کورنۍ د عدالت غوښتنه کوي

د تېر جمهوري نظام د یوه عسکر بوره مور په ژړغوني غږ وايي چې ناپېژنده‌ وسله‌والو یې څه موده مخکې زوی په ډزو وژلی دی.
د دغې مور په خبره، تر اوسه هېچا دا ورته روښانه نه کړه چې زوی یې چا او ولې وواژه؟ خو زیاتوي چې د اسلامي امارت ځواکونه یې څو ځله د هغه د وسلې او موټرسایکل ترلاسه کولو په موخه کور ته ورغلي دي.