کابل کې د شپږیزې کرېکټ لیګ روانو سیالیو په لړ کې نن بُست ساتونکي لوبډله بریالۍ شوه چې کابل بازانو ته د څلور وېکټو په شتون کې ماته ورکړي.
یاده سیالي له دې امله په زړه پورې وه چې د افغانستان د کرېکټ ملي لوبډلې لوبډلمشر محمد نبي او د نوموړي زوی حسن عیسیخېل د یو بل پروړاندې لوبه وکړه چې زوی د خپل پلار لوبډله ماته کړه.
د سلاموطندار پښتو فېسبوکپاڼه وڅارئ
کابل بازان لوبډلې د خپلو نورو سیالیو خلاف په نننۍ سیالۍ کې ښه لوبه ونه کړه او ټوله لوبډله په ۹۸ منډو وسوځېدو او بُست ساتونکي ته یې د ۹۹ منډو هدف ورکړ.
بُست ساتونکي لوبډلې د حسن عیسیخېل د ناسېوځېدو ۵۲ منډو په توپیر وکولای شوای چې ورکړل شوی هدف ترلاسه او یاد لیګ کې خپله اوومه پرلهپسې بریا ثبت کړي.
د یادې سیالي غوره لوبغاړی حسن عیسیخېل ونومول شو چې د خپلې لوبډلې په ګټه یې ناسوځېدلې ۵۲ منډې جوړې کړې وې.
سلاموطندار پر ټویټر هم وڅارئ
د نن ورځې په دویمه سیالي کې د هندوکُش ستوري د میسعینک نایډز لوبډلې پروړاندې لوبېږي.
