د ۲۰۲۳ کال د هند کرېکټ غوره لیګ یا «ایپياېل» سیالیو لپاره د لوبغاړو بولۍ پرون جمعه د مرغومې دویمه ترسره شوه چې پهکې انګلستانی الرونډر «سام کرن» تر ټولو ګران بیه لوبغاړی شو.
سام کرن د پنجاب کنګز لوبډلې لهخوا په ۲.۷ میلیونه ډالرو وپېرل شو او ۲۰۲۳ کال «ایپياېل» سیالیو کې به د پنجاب کنګز لپاره ولوبېږي.
سام کرن وروسته له هغې چې د پنجاب لوبډلې له لوري واخیستل شو، پر خپله ټوېټرپاڼه لیکلي: «بېرته هغه ځای ته، له کومه ځایه چې پیل شوی، په تمه یم.»
د انګلستان د کرېکټ ملي لوبډلې دغه لوبغاړي د لومړي ځل لپاره په ۲۰۱۹ کال کې د پنجاب لوبډلې لهخوا په ایپېاېل لیګ کې ولوبېده او له هغه وروسته د چینايي سوپر کنګز لپاره لوبې وکړې.
له سام کرن سره دوه نور انګلستاني لوبغاړي هم د ۲۰۲۳ کال د «ایپياېل» سیالیو لپاره د لوبغاړو په بولۍ کې د لس ګران بیه لوبغاړو په نوملړ کې راغلي دي.
بېن سټوک د چینای سوپر کنګز او هاري برووک بیا د سنرایزر حیدراباد لوبډلې لهخوا اخیستل شوي دي.
سلاموطندار پر ټویټر هم وڅارئ
هاري برووک د سنرایزر لوبډلې لهخوا په ۱.۶ میلیونه ډالر پېرل شوی دی. بېن سټوک بیا چیناي سوپر کنګز په ۱.۹۸ میلیونه امریکايي ډالرو وپېره.
