Asset 1SWN

ولسمشر غني د ټاکنو د ترسره کولو طرحې پر وړاندیز غواړي امریکايان قانع کړي

Ghani-5-p4oqffjnuwr8cr0lw926edin9ubs93nesn71x65rbc

د رويټرز خبري اژانس  په تازهګۍ سره د افغانستان د دوو دولتي چارواکيو له قوله راپور ورکړی چې ولسمشر محمد اشراف غني د افغانستان سولې لپاره د امریکا وړاندیز شوې طرحه رد کړې او په بدل کې یې یوه طرحه وړاندې کړې چې پربنسټ به یې په راتلونکيو ۶ مېاشتو کې ولسشمریزې ټاکنې  ترسره شي.

رویټرز اژانس  د سرچینې له قوله ویلي دي، تمه ده ولسمشر محمد اشرف یاده طرحه د افغانستان سولې لپاره په ترکیه کې په ترسره کېدونکې ناسته کې وړاندې کړي.

خو له تېرو ترسره شویو ټاکنو د خلکو ترخو تجربو ته په کتو په هېواد کې د ناامنیو ډېروالی او په ۶ مياشتو کې د ټاکنو ترسره کول، څومره دغه  طرحه عملي ده او ولسمشر محمد اشرف غني د دغې طرحې پر وړاندې کولو سره د څه په لټه کې دی؟

د سیاسي چارو شنونکي وایي، ولسمشر غني د یادې طرحې پر وړاندې کولو سره د وخت سپما کول غواړي.

د دوی په وینا، ولسمشر غني په دې لوبو سره غواړي امریکایان قانع کړي ترڅو نوموړی له لنډمهالي حکومت څخه څنډې ته نه کړي.

د پوهنتون استاد او د سیاسي چارو شنونکی اکرم عارفي وایي، په شپږو مياشتو کې د ټاکنو ترسره کولو طرحې وړاندیز عملي او مسلکي بڼه نه لري.

د نوموړي په وینا، طالبان د مشارکت او قدرت د نیولو په هڅه کې دي او په هېڅ ډول به د یوه ټاکنیز ټکټ په پته رانه‌شي.

ومو غوښتل په دې اړه د ولسمشرۍ ماڼۍ نظر هم له ځان سره ولرو؛ خو  له اړیکو نیولو سره سره بیا هم بریالي نه شوو.

له دې وړاندې ولسمشر غني د ولسي جرګې د درېیم  کال پرانيستې غونډه کې ویلي و چې د ټاکنو له لارې د واک لېږد نوموړي ته یو اصل دی او د معاملې وړ نه دی.

مرتبط با این خبر:

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام