هرات کې ولسي سرچینې وايي چې د ګازرګاه جومات خطیب مجیبالرحمن انصاري نن غرمه مهال په یوې چاودنه کې وژل شوی دی.
مجیبالرحمن انصاري ته نږدې کسان او ولسي سرچینې دې چاودنه کې د نوموړي وژنه تاییدوي. په همدې حال کې د هرات د رسنیو دفتر په یوې خبرپاڼه کې د مجیبالرحمن انصاري وژنه تایید کړې ده.
د خبرپاڼې له مخې، په دې چاودنه کې د مجیبالرحمن انصاري ترڅنګ ځینې نور کسان هم وژل شوي دي. په ورته مهال خبرپاڼه کې ویل شوي چې تراوسه د چاودنې څرنګوالی نه دی معلوم او په دې اړه څېړنې روانې دي.
د یادونې وړ ده چې یاده چاودنه د هرات د ګازرګاه جومات دروازې مخې ته هغه مهال شوې چې مجیبالرحمن انصاري له خپلو ځینو ملګرو او خپلوانو سره جومات ته د ننوتو په حال کې وو.
سلاموطندار پر ټویټر هم وڅارئ
تراوسه د دغه برید مسوولیت کوم چا یا ډلې پر غاړه نه دی اخیستی.
