د بدخشان محلي مسوولان وايي چې د دغه ولایت په راغستان ولسوالي کې واوره را ښویېدلې او د یوې کورنۍ پنځو غړیو ته یې مرګژوبله اړولې ده.
د بدخشان د اطلاعاتو او کلتور رییس معزالدین احمدي سلاموطندار ته ویلي چې دا پېښه نن سهار د راغستان ولسوالي په خونیلر سیمه کې شوې ده.
د سلاموطندار پښتو فېسبوکپاڼه وڅارئ
د نوموړي په وینا، په دې پېښه کې درې ماشومان مړه شوي او د هغو مور او پلار ټپیان دي.
محلي سرچینې هم د دغه خبر د تایید تر څنګ، وايي چې د یادې کورنۍ د واورې ښویېدنې له کبله خپل هر څه له لاسه ورکړي دي.
