د بامیان ولایت محلي مسوولان وايي چې پرون د شکیلا په نوم یوې پېغلې د دغه ولایت د ورس ولسوالي د «خاک بابه» په کلي کې د خپل کور په اشپزخانه کې ځان ځندۍ کړی دی.
د بامیان د امنیې قومنداني ویاند محمدخواني رسا وايي چې د شکیلا مړی یې د څېړنو لپاره عدلي طب ته لېږدولی او د پېښې په تړاو د دغې نجلۍ میرنۍ مور د امنیتي ځواکونو تر څار لاندې ده.
د سلاموطندار پښتو فېسبوکپاڼه وڅارئ
په ورته مهال دایکندي کې محلي رسنیو راپور ورکړی چې دوه ورځې وړاندې د دغه ولایت د سنګتخت او بندر ولسوالي د «دهن غارک» کلي کې یوه ۲۰کلنه نجلۍ د کلاشینکوف په مرمۍ وژل شوې ده.
د دایکندي ولایت د محلي رسنیو د راپورونو له مخې، د دغې پېښې په اړه یو کس نیول شوی دی.
د دایکندي د محلي رسنیو په راپورونو کې همداراز راغلي چې په یوه بله پېښه کې د دغه ولایت د میرامور ولسوالي د «ګرد زمین میرغلام» کلي کې بېګاه شپه یو ۵۵ کلن کس د ناپېژنده کسانو له لوري وژل شوی دی.
د یادونې وړ ده چې د دغې پېښې په اړه هم دوه کسان نیول شوي دي.
دا په داسې حال کې ده چې د راپورونو پر بنسټ، د وروستیو میاشتو پرمهال په دایکندي او بامیان ولایت کې د جنايي جرمونو پېښې زیاتې شوې دي.
