هلمند کې د شته روانو اوبو سربېره، د دغه ولایت زرګونه هکتاره ځمکې، د کیندل شویو ژورو څاهګانو پرمټ اوبه کېږي. که څه هم تراوسه د دغو ژورو څاهګانو کره شمېر نه دی معلوم، خو د دغه ولایت کروندګر وايي، اړ دي چې پر هر لس جریبه ځمکه له ۴۵ متره څخه تر ۱۲۰مترو پورې ژورې څاهګانې وباسي، څو خپلې ځمکې پرې خړوبې کړي.
د لوګر د کرېکټ امریت مسوولان وايي چې په دغه ولایت کې د شپږو لوبډلو ترمنځ د «پل علم ټرافي» په نوم د کرېکټ شل اووره سیالۍ پيل شوې.
یوشمېر ښاریان او صرافان د هېواد په بازارونو کې د زړو افغاني بانکنوټونو له زیاتوالي څخه شکایت کوي.
د کابل ښار یوشمېر اوسېدونکي په دغه ښار او یوشمېر ولایتونو کې د برښنا پرچاوۍ څخه د اندېښنې په څرګندولو سره وايي چې د ا.ا سرپرست حکومت د برښنا پایو د امنیت خوندیتوب په برخه کې پاتې راغلی دی.
مالیې وزارت نن شنبه په یوې خبرپاڼه کې ویلي چې د ۱۴۰۱ مالي کال بودیجه یې د وزیرانو شورا د مصوبې پر بنسټ او د ا.ا د مشرتابه له تایید وروسته، ترتیب او اعلان کړې ده.
د دغه وزارت د خبرپاڼې له مخې، د سږ کال ملي بودیجه ۲۳۱ میلیارده افغانۍ ټاکل شوې ده. د یاد وزارت د خبرپاڼې پر بنسټ، له دې بودیجې څخه ۲۰۳ میلیارده افغانۍ یې عادي او ۲۷.۹ میلیارده افغانۍ یې پراختیايي بودیجه ده چې له کورنیو عوایدو څخه ترتیب شوې ده.
د بامیان ولایت محلي مسوولان وايي، پرون د شکیلا په نوم یوې پېغلې د دغه ولایت د ورس ولسوالي د «خاک بابه» په کلي کې د خپل کور په اشپزخانه کې ځان ځندۍ کړی دی. په ورته مهال د دایکندي محلي رسنیو راپور ورکړی چې دوه ورځې وړاندې د دغه ولایت د سنګتخت او بندر ولسوالي د «دهن غارک» کلي کې یوه ۲۰کلنه نجلۍ وژل شوې ده.
په لوګر ولایت کې ولسي سرچینې سلاموطندار ته وايي چې بېګاه شپه د دغه ولایت د مرکز پل علم ښار په دوو جلا سیمو کې ناپېژنده وسلهوالو دوه کسان په ډزو وژلي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
