د هېواد په ۲۷ ولایتونو کې د سلاموطندار د یوې سروې پایلې ښيي چې ۷۷سلنه ښځې د تاوتریخوالي له بېلابېلو ډولونو سره مخ شوي دي. په دغه سروې کې ۳۲۶ ښځو ګډون کړی چې پر بنسټ یې، له هرو څلورو ښځو، درې یې له تاوتریخوالي سره مخ دي.
طبیعي پېښو ته د رسېدو په چارو کې د دولت وزارت مسوولان وايي، سږ کال په افغانستان کې د ناچاودو ماینونو او چاودېدونکو توکو په چاودنو کې اوښتې مرګژوبله د تېر کال په پرتله زیاته شوې ده. د دوی په وینا، په تېرو ۸ میاشتو کې د دغو ماینونو د چاودنو له کبله ۲۱۳ افغان ماشومانو ته مرګژوبله اوښتې ده.
د بهرنیو چارو وزارت سیاسي مرستیال شېرمحمدعباس ستانکزی ګاونډیو هېوادونو ته ډاډ ورکوي چې د افغانستان خاوره یې پر وړاندې نه کارېږي، خو زیاتوي چې ګاونډیان دې هم له خپلې خاورې د افغانستان امنیت نه ګواښي. هغه له ا.ا څخه هم غوښتنه وکړه چې له افغانستان سره د ګډو پولو امنیت خوندي کړي.
د کابل د امنیې قومنداني د پلازمېنې په اتلسمه امنیتي حوزه کې د یوې افغان یوټیوبرې «حورا سادات» وژل تایید کړي دي.
د خوست امنیتي مسوولان وايي چې د دغه ولایت په مرکز او ولسوالیو کې یې ۳۰ میله بېلابېلې وسلې او مهمات نیولي دي.
د بهرنیو چارو وزارت سرپرست امیرخان متقي نن ملت ته د دولت حساب ورکولو په غونډه کې وویل، دوی په پاکستان کې د سولې راتلو په موخه څو ځله د دغه هېواد د چارواکو او ټيټيپي ترمنځ منګړتوب کړی، خو په خبره یې، دغو هڅو د پاکستان په کابینه کې د بدلون راتلو له کبله پایلې نهدي لرلي.
د میدانوردګ محلي مسوولان وایي چې د دغه ولایت په جلرېز او لومړۍ حصه بهسودو ولسوالیو کې د «کوچیانو او هزارو» ترمنځ د څارویو او څړ ځایونو پر سر رامنځته شوې شخړه هواره شوه.
د ملي دفاع وزارت چارواکي وايي چې لا هم د یاد وزارت اړوند ۶۰ چورلکې د افغانستان ګاونډيو هېوادونو کې دي او دوی ته نه دي سپارل شوي.
د ملي دفاع وزارت چارواکو دغه څرګندونې نن یکشنبه د زمري ۲۹مه «ملت ته د دولت حساب ورکولو پروګرام» کې د یاد وزارت د تېر کال کلني راپور وړاندې کولو پر مهال کړي دي.
سلاموطندار له ۲۴ ښځینه ارایشګرو «سینګار کوونکو» سره د مرکو په ترڅ کې موندلې چې د یادو ارایشګرو ۷۵سلنه یې د خپلې کورنۍ یوازینۍ سرپرستې وې.
د بهرنیو چارو وزارت سرپرست امیرخان متقي نن کابل کې یوې غونډې ته ویلي، هغه کسان چې هېواد کې د وضعیت خرابېدو او ګډوډۍ ته په تمه دي، دا ارمان به یې هېڅکله پوره نشي.
د میدانوردګ امنیه قومنداني چارواکي وایي چې په مرکزي بهسودو ولسوالي کې د یو لړ ځانګړو عملیاتو په ترڅ کې یوشمېر وسلې او مهمات نیول شوي دي.
د اطلاعاتو او فرهنګ وزارت سرپرست خیرالله خیرخواه وايي چې اوسنی حکومت د افغان ولس پر ملاتړ مخکې روان دی.
نوموړي نن سهشنبه کابل کې پر افغانستان د ا.ا د بیاواکمنېدو په اړه جوړې شوې غونډې پرمهال وویل چې ځینې کړۍ له هېواده بهر د نظام پر ضد تبلیغات کوي، خو په وینا یې، اوسنی حکومت د خلکو په ملاتړه سره وړاندې روانې دی.
د خوست د والي دفتر په یوه خبرپاڼه کې لیکلي چې نن له غرمې مخکې ۱۱ بجې د دغه ولایت د مرکز خوست ښار اړوند سپین جومات ته نږدې په یوه هوټل کې چاودنه شوې ده.
د خبرپاڼې پر بنسټ، په دې چاودنه کې څو وزیرستاني کډوالو او خوستیاتو ته مرګژوبله اوښتې ده.
د هېواد په بېلابېلو برخو کې د مرموزو وژنو په دوام، په وروستیو ورځو کې رسنیو داسې ډېر راپورونه خپاره کړي چې د جنايي جرمونو پېښې انعکاسوي او ناپېژنده وسلهوالو پهکې ملکیان او د تېر حکومت نظامیان موخه ګرځولي دي.
سلاموطندار په ۲۲ ولایتونو کې له ۷۴ کونډو مېرمنو سره د مرکو له لارې موندلې چې ۵۵سلنه مېرمنو د جګړو او ۴۵ نور یې د طبیعي پېښو له امله خپل خاوندان له لاسه ورکړي دي.
پاکستان کې د امنیتي پېښو زیاتېدو سره هممهاله د دغه هېواد لوی درستیز عاصم منیر وايي چې افغانان دغه هېواد کې په بریدونو کې ښکېل دي.
