د تورخم کمیسار مولوي عصمتالله یعقوب وایي، پاکستان بېګاه ناوخته یو ځل بیا د تورخم دروازه د ټرانزیټ پر مخ وتړله.
د نوموړي په وینا، د پاکستان نظامي مسوولانو بېګاه ناوخته غوښتل چې د تورخم دروازې ته څېرمه شل متره د افغانستان خوا ته د لوحې په پلمه بله دروازه جوړه کړي، خو دوی یې د جوړېدو مخه نیولې ده.
له سلاموطندار سره د هېواد په بېلابېلو ولایتونو کې «۳۰» نجونو د مرکو پرمهال ویلي چې د خپلو کورنیو لهخوا ورسره دوهګونی چلن شوی او د دوی په پرتله نارینهوو ته ډېر پام کېږي.
د مرکه شویو ۳۰ نجونو له ډلې ۲۲ یې سلاموطندار ته ویلي، د کورنیو د غړیو له لوري له بېلابېلو جنسیتي توپیرونو سره مخ دي چې د دوی پر روح او روان یې بده اغېزې کړې دي.
ایراني رسنیو راپور ورکړی چې په وروستیو دوو میاشتو کې له دغه هېواده د افغان کډوالو د اېستلو لړۍ چټکه شوې ده. دغو رسنیو د ایراني چارواکو له خولې لیکلي چې یوازې تېره پنجشنبه ۱۶زره افغانان له ایرانه اېستل شوي دي.
څو شېبې مخکې په چمن کې د پښتون ژغورنې غورځنګ پر مشر منظور پښتین وسلهوال برید شوی، خو هغه له دغه برید څخه روغ وتلی دی. په چمن کې سیمه يیزو سرچینو سلام وطندار ته ویلي، منظور پښتین په چمن کې د پاسپورټ او ویزو خلاف روان پرلت غونډه کې له وینا وروسته د تربت په لوري روان و چې پر موټر یې ډزې شوې دي.
په چین کې د افغانستان د سفیر په توګه د ا.ا د پخواني مرستیال ویاند بلال کریمي له منلو سره هممهاله، د سرپرست حکومت ویاند ذ.بېح.الله م.جاهد سلاموطندار ته ویلي چې د افغانستان او چین ترمنځ د سفیرانو تبادله د سرپرست حکومت د رسمیت پېژندلو په لور یو مهم ګام دی.
نړیوالو رسنیو د غزې تړانګې د روغتیايي چارواکو له قوله لیکلي چې اسراییلو په غزه کې د اوربند مودې له پای ته رسېدو راهیسې بریدونه پیل کړي او له کبله یې ۱۸۴ کسان وژل شوي او شاوخوا ۵۸۹ نور ټپیان دي. د غزې د روغتیا وزارت تر دې مخکې ویلي و چې ډېری وژل شوي کسان ښځې او ماشومان دي.
د پاکستان د کورنیو چارو وزارت مېشت افغان کډوالو ته خبرداری ورکړی چې د دغه هېواد په ټاکنیزو منډو ترړلو کې له ښکېلتیا ډډه وکړي.
یاد وزارت «دوشنبه، نومبر ۲۷مه» په یوې خبرپاڼه کې ویلي، که افغان کډوال د دغه هېواد ټاکنیزو فعالیتونو کې د کوم نوماند او ګوند مرسته وکړي، له هېواده به وشړل شي.
د هرات امنیتي غونډې یوولسم پړاو د دوشنبې په ورځ د تاجکستان په پلازمېنې «دوشنبې» ښار کې پرانېستل شو. دا غونډه چې ټاکل شوې د سهشنبې او چهارشنبې په ورځو هم دوام وکړي، «افغانستان ته د بیاکتنې او متفاوتو کړنلارو» په نوم جوړه شوې ده. په دې غونډه کې د ا.ا پر کړنلارې او د افغانستان په اړه د نړۍ پر چلن نیوکې وشوې.
د کابل یوشمېر اوسېدونکي سلاموطندار ته وايي چې د مخابراتي شبکو لهخوا د سیمکارټونو د وېش بهیر ځنډېدو دوی له ستونزو سره مخ کړې دي.
د پلازمېنې اوسېدونکي ګلاغا وايي، له تېرو درېوو راهیسې د نوي سیمکارټ د پېر هڅه کوي، خو په وینا یې، تراوسه نهدی بریالی شوی چې سیمکارټ ترلاسه کړي.
د بهرنیو چارو سرپرست امیرخان متقي کابل کې د روسیې سفیر ډیمیتري ژیرنوف سره لیدلي او پر یو لړ موضوعاتو یې ورسره خبرې کړې دي.
د بهرنیو چارو وزارت د ویاند مرستیال احمدضیا تکل رسنیو ته په لېږلي یوه غږیز پیغام کې ویلي چې د افغانستان او روسیې ترمنځ د سیاسي او اقتصادي اړیکو پیاوړتیا د یادې لیدنې د بحث وړ مهمه موضوع وه.
د بهرنیو چارو وزارت کې یوې سرچینې د نوم نه ښودلو په شرط سلاموطندار ته ویلي چې د سرپرست حکومت د ویاند مرستیال بلال کریمي چین کې د افغانستان د نوي سفیر په توګه ټاکل شوی دی.
سرچینې په دې اړه د نورو جزییاتو له ورکولو دډه کړې. چین تراوسه د افغانستان سرپرست حکومت په رسمیت نهدی پېژندلی، خو نږدې اړیکې ورسره لري.
د ټولییز امنیت تړون سازمان د غړیو هېوادونو مشرانو په یوې ګډه خبرپاڼه کې له افغانستان څخه د مرکزي اسیا هېوادونو ته د نشهيي توکو د قاچاق دوام په اړه اندېښنه ښودلې.
د یاد سازمان د غړیو هېوادونو مشرانو غونډه پرون «جمعه د لیندۍ درېیمه» د بلاروس پلازمېنې مېنسک ښار کې جوړه شوې وه.
د اسراییلو او فلسطین ترمنځ له نږدې اوو اوونیو نښتو وروسته، نن د دواړو ترمنځ څلورورځنی اوربند پیل شو.
د الجزیرې خبري شبکې خبر ورکړی چې دغه اوربند نن (د نومبر څلېرویشتمه، د جمعې ورځ) سهار اووه بجې پیل شوی دی.
د ا.ا د مشر هبت.الله اخوند.زاده په مشري د وزیرانو شورا دوهورځنۍ غونډه په کندهار کې جوړه شوه. دا غونډه د لړم په دېرشمه، د دوشنبې ورځ او د لېندۍ په لومړۍ یا د سهشنبې په ورځ د سرپرست حکومت د کابینې د غړیو په ګډون جوړه شوې وه چې د ا.ا پر کورنۍ پالیسي پهکې خبرې اترې شوې دي.
د کډوالو په چارو کې د ملګروملتونو عالي کمېشنري وايي چې د اکتوبر له درېیمې راپدېخوا له پاکستان څخه په اټکلیز ډول ۳۷۴۰۰۰ افغانان بېرته افغانستان ته راستانه کړل شوې دي.
د کډوالو عالي کمېشنري سهشنبه د نومبر ۲۱مه په یوې خبرپاڼه کې ویلي چې ډېری راستانه شوي وېرې سره مخ او له ستونزو سره لاس او ګرېوان دي.
د تورخم کمیسارۍ مسوولان وايي چې د افغان موټرچلوونکو پر وړاندې د پاکستان وروستۍ پرېکړې په غبرګون کې د تورخم له لارې افغانستان ته راتلونکو هغو پاکستاني موټرچلوونکو ته د تګ اجازه نهورکوي چې پاسپورټ او ویزه ونهلري.
