د بهرنیو چارو وزارت کې یوې سرچینې د نوم نه ښودلو په شرط سلاموطندار ته ویلي چې د سرپرست حکومت د ویاند مرستیال بلال کریمي چین کې د افغانستان د نوي سفیر په توګه ټاکل شوی دی.
سرچینې په دې اړه د نورو جزییاتو له ورکولو دډه کړې. چین تراوسه د افغانستان سرپرست حکومت په رسمیت نهدی پېژندلی، خو نږدې اړیکې ورسره لري.
د افغانستان سرپرست حکومت داسې مهال چین کې خپل نوی سفیر ټاکي چې څه موده وړاندې دغه هېواد د افغانستان لپاره خپل نوی سفیر رالېږلی و چې د ریاستالوزرا لهخوا یې باور لیک هم منل شوی دی.
د سیاسي چارو یوشمېر شنونکي بیا پر دې باور دي چې له چین سره د افغانستان سرپرست حکومت اړیکې به دغه هېواد کې د افغان سوداګرو ستونزې حل کړي.
د سیاسي چارو شنونکي اسدالله ندیم وویل: «افغانان اړتیا لري چې ستونزې یې د سفارت له لارې حل شي او غوره به وای چې سفیر اقتصادي کارپوه وای، ځکه چین افغانستان کې د اقتصادي مسایلو کې لومړیتوب لري.»
بلال کریمي چین کې د افغانستان لومړنی سرپرست سفیر دی چې دغه هېواد کې د نوي سفیر په توګه ټاکل کېږي.
سلاموطندار پر ټویټر هم وڅارئ
له دې وړاندې سیدمحيالدین سادات بېجنګ کې د افغانستان سفارت سرپرستي پر غاړه درلوده.