نورستان کې یوې محلي سرچینې سلاموطندار ته ویلي، د دغه ولایت د تیتن درې ځنګل کې لګېدلی اور په بشپړه توګه نه دی مهار شوی. تر دې وړاندې د نورستان د والي وياند سيفالدین لټون هم دغه پېښه تایید کړې وه او ويلي و چې د اور د مهار لپاره جدي هڅې روانې دي، خو تازه د اور د اوسني وضعیت په اړه د نورستان ولايتي چارواکو څه نه دي ویلي.
پکتیا ولایت کې ناپېژنده وسلهوالو بېګاه شپه یو ۲۵کلن ځوان په ډزو وژلی او یو بل کس یې ټپي کړی دی.
د جون ۱۵ پر افغانستان د اسلامي امارت د بیا ځلې واکمنېدو نېټې سره برابره ده. یوشمېر سیاسي شنونکي د ا.ا بهرنی سیاست ناکام بولي او وایي، ا.ا د خپل بهرني سیاست د بریالیتوب لپاره باید د نړیوالو غوښتنو ته غاړه کېږدي. د دوی په وینا، اوسني حکومت له نړۍ سره د افغانستان په اړیکو کې د پام وړ بریا نه ده ترلاسه کړې.
د ملګروملتونو د بشري حقونو نړیوالې شورا له تېرې دوشنبې راهیسې نړۍ کې د بشري حقونو او د کورونا ویروس د وضعیت په اړه خپله پنځوسمه غونډه پیل کړې چې څو اوونۍ به دوام وکړي.
د افغانستان لپاره د روسیې ځانګړي استازي ضمیر کابلوف تازه له یوه روسي ټلوېزیون سره مرکه کې ویلي، د دې احتمال شته چې مسکو د اسلامي امارت سرپرست حکومت په رسمیت وپېژني. په همدې حال کې د چارو یوشمېر شنونکي په دې باور دي چې ښايي روسیه سیمه کې د خپل نفوذ او ځانګړو موخو لپاره اسلامي امارت په رسمیت وپېژني.
د چارو ادارې په یوې خبرپاڼه کې ویلي چې پرون سهشنبه د غبرګولي په ۲۴ نېټه د ا.ا د رییس الوزرا محمدحسن اخندزاده په مشري د کابینې ناسته جوړه شوې وه.
د افغانستان لپاره د روسیې ځانګړي استازي ضمیر کابلوف ویلي، د دې احتمال شته چې دغه هېواد د ا.ا حکومت په رسمیت وپېژني او د دې اقدام لپاره افغانستان کې د یوه پراخبنسټه حکومت جوړېدو ته ړتیا ده. نوموړي پرون له یوه روسي ټلوېزیون سره په مرکه کې ویلي، د دې موضوع لپاره د روسیې د ولسمشر او د اسلامي امارت د بهرنیو چارو وزارت د سرپرست له لوري شرایط ټاکل شوي چې دې برخه کې به د جدي خبرو لپاره زمینه هم برابره شي.
وال سټریټ ژورنال ورځپاڼې په خپل تازه راپور کې ویلي چې یو شمېر پخواني افغان چارواکي په بهر کې د میلیونونه ډالرو په ارزښت کورونه جوړ کړي او له خپلو کورنیو سره یوځای ژوند کوي.
د سوداګرۍ او صنایعو خونې مسوولانو ویلي، پاکستان سره یې په داسې طرحه کار کړی چې پر بنسټ به یې د دواړو هېوادونو ترمنځ سوداګرۍ په بارتر سېسټم یا توکي په توکي ترسره کېږي.
خو د اقتصادي چارو یوشمېر کارپوهان بیا دا ډول سوداګري د افغانستان په زیان بولي.
د فارياب محلي مسوولان وايي چې دغه ولايت کې يوه کس خپله اومېندواره مېرمن د چړې په وسيله وژلې ده.
نن د جون ۱۲ د ماشومانو د کار پر وړاندې د مبارزې نړیوالې ورځې سره برابره ده؛ خو د بېوزلۍ په زیاتېدو سره په افغانستان کې کارګرو ماشومانو شمېر هم ډېر شوی دی.
باختر دولتي خبري اژانس د نيمروز د امنيې قومنداني د امنيت امر له قوله راپور ورکړی چې نن مازديګر دغه ولايت کې یوه کس د خپلې کورنۍ نهه غړي په مرموز ډول وژلي دي. په راپور کې راغلي چې دغه کس «ويس» نومېږي او د فراه ولايت د قلعه کاه ولسوالي اوسېدونکی دی.
د بېپولې خبریالانو نړیوال سازمان نن د یوې اعلامیې په خپرولو سره ویلي چې افغانستان کې د خبریالانو خپلسري نیول زیات شوي. د بېپولې خبریالانو سازمان خبرپاڼه کې ویل شوي، تراوسه د هېڅ خبریال دوسیه چې د بېلابېلو تورونو له امله نیول شوي، د رسنیو د سرغړونې کمېسیون له لورې نهده ارزول شوې چې دغه اقدام د رسنیو د قانون خلاف دی.
د کډوالو په چارو کې د ملګرو ملتونو د عالي کمېنشري مرستیاله کلي ټي کلمنټز نن له غرمې وروسته په یوه نااعلان شوي سفر کابل ته راغلې ده.نوموړې په دې سفر کې د هغو ټولنیزو ستونزو د هواري ډاډ ورکړی چې دا مهال افغانان ورسره مخ دي.
ځینو کورنیو او بهرنیو رسنیو راپور ورکړی چې د امریکا کانګرېس د بهرنیو چارو وزیر او ځینو نورو امریکایي چارواکو په ګډون نږدې راتلونکې کې غونډه جوړوي، څو په دې بحث وکړي چې افغانستان کې څه تېر شوي او راتلونکې کې باید څه وشي. د چارو کارپوه طارق فرهادي وايي، دا غونډه به د کانګرېس د ډیموکراټو غړیو په غوښتنه نږدې راتلونکې کې جوړه شي.
په فاریاب کې محلي سرچینو سلاموطندار ته ویلي چې د دغه ولایت په بلچراغ ولسوالي کې پرون د یوه ۱۱ کلن هلک جسد موندل شوی دی.
