په بشردوستانه چارو کې د ملګرو ملتونو د سرمنشي مرستیال مارتین ګریفیټس ویلي چې دغه سازمان افغانستان کې له زلزله ځپلو سره د ۱۰ میلیونه ډالرو په ارزښت بېړنۍ مالي مرسته کوي.
نوموړي پرون پر خپله ټوېټرپاڼه لیکلي چې دغه ۱۰ میلیونه ډالري مرسته به د ملګرو ملتونو د اضطراري صندوق له لارې افغانستان کې زلزله ځپلو ته ورکړل شي.
د امریکا د ملي امنیت شورا د ستراتیژیکو اړیکو رییس جان کربي ویلي چې اوسني وضعیت کې دغه هېواد افغاستان کې د اسلامي امارت د سرپرست حکومت په رسمیت پېژندلو هوډ نه لري.
که څه هم سرپرست حکومت او یوشمېر هېوادونو په پکتیکا او خوست کې زلزله ځپلو ته د مرستولو رسولو لړۍ پیل کړې، خو د پکتیکا زلزله ځپلې وايي چې تراوسه یې مرستې نه دي ترلاسه کړي.
د ملګرو ملتونو د بشريحقونو شورا پرون ویلي چې افغانستان کې د ښځو او مېرمنو د وضعیت په اړه بېړنۍ ناسته جوړوي.
د سرپل بلخاب ولسوالي کې یوه ځايي سرچینه چې نه غواړي نوم یې خپور شي، سلاموطندار ته ویلي، ا.ا د مهدي مجاهد ځواکونو سره د مقابلې لپاره په دغه ولسوالي کې هوايي بریدونو کړې دي. سرچینه زیاتوي، د مهدي مجاهد پر کور پرون داسې مهال هوايي برید شوی چې نوموړی په کور کې نه وو.
که څه هم د کورونا ویروس د مخنیوي په پار خلکو ته د یادې ناروغۍ د عامه پوهاوي بهیر ډېر ګټور و او مثبتې پایلې هم لرلې، خو هېواد کې د وروستیو سیاسي بدلونونو راپدېخوا د کورونا په اړه خلکو ته د عامه پوهاوي بهیر اغېزمن شوی دی.
د سرپل په بلخاب ولسوالي کې یوې سرچینې سلاموطندار ته ویلي چې نن له غرمې مخکې شاوخوا ۱۰ بجې د دغه ولایت د سانچارک او بلخاب ولسوالیو ترمنځ «قُم کوتل» سیمه کې د اسلامي امارت ځواکونو او مهدي مجاهد کسانو ترمنځ نښته پیل شوې ده. د سرپل محلي او امنیتي مسوولانو تراوسه په دې اړه رسنیو ته څه نه دي ویلي.
پرون سهار یوې زورورې زلزلې د هېواد سوېل ختیځ ولایتونه ولړزول چې له امله یې له ۱۰۰۰ ډېر کسان مړه او ۱۵۰۰ نور ټپیان شوې دي. په دې زلزله کې سلګونه کورونه ویجاړ شوي او خلکو ته درانه مالي زیانونه اوښتي دي.
سرپل کې سرچینې سلاموطندار ته وايي چې نن غرمه د دغه ولایت د سانچارک او بلخاب ولسوالیو ترمنځ «قُمکوتل» سیمه کې د اسلامي امارت د هزاره قومندان مهدي مجاهد پورې تړلو کسانو او د اسلامي امارت د ځواکونو ترمنځ نښته شوې ده.
د اقتصادي چارو کارپوهان په دې باور دي چې افغانستان یو کرنیز هېواد دی او اقتصاد یې هم کرنې پورې تړلی چې د طبیعي پېښو رامنځته کېدل به د هېواد اقتصاد ته نه جبرانېدونکي زیانونه واړوي.
هېواد کې د وزګارتیا او بېوزلۍ د پراخېدو په لړ کې د هلمند درېوو اوسېدونکو په یوه کمسارې اقدام کې د سرپرست حکومت مسوولانو ته د دغه ولایت د وزګاره ځوانانو د غږ رسولو په موخه له هلمند څخه کابل ته پلی مزل پیل کړی دی.
په بامیان کې محلي سرچینو سلاموطندار ته ویلي، ۲۴کلنه رُقیه چې نږدې یوه میاشت وړاندې لادرکه شوې وه، جسد یې پرون د دغه ولایت د مرکز اړوند شهیدانو کلي په یوې څاه کې موندل شوی دی.
د ا.ا ویاند ذبېحالله مجاهد ویلي چې پاکستان، ایران او قطر هېوادونو پکتیکا کې زلزله ځپلو سره مرستې کړي او د مرستو دغه چوپې پکتیکا ولایت ته رسېدلې دي.
نوموړي پر خپله ټوېټرپاڼه لیکلي چې له خوراکي او نورو توکو بار ۸ عراده موټره د پاکستان له لارې پکتیکا ته لېږدول شوې دي.
نن سهار شاوخوا ۱:۳۰ دقیقې د افغانستان یوشمېر ولایتونه د یوې زورورې زلزلې شاهد وو. خوست او پکتیکا ولایتونه د دې زلزلې له امله سخت ځپل شوي او خلکو ته یې درانه مالي او ځاني زیانونه اړولي دي.
د پکتیکا ولایت د ګیان ولسوالي یوشمېر اوسېدونکو سلاموطندار ته ویلي چې یادې ولسوالي کې د زلزلې له امله ګڼشمېر کورونه ویجاړ شوي او خلک بېړنیو مرستو ته اړتیا لري.
د ا.ا رییسالوزرا محمدحسن اخُند د کابینې په فوقالعاده ناسته کې په پکتیکا او خوست کې د شوې زلزلې له امله د قربانیانو کورنیو او د ټپیانو وضعیت ته د رسېدنې په موخه یو میلیارد افغانۍ منظور کړې دي.
