د ملګرو ملتونو امنیت شورا د جمعې په ورځ د یوه پرېکړهلیک په تصویبولو سره د دغه سازمان له سرمنشي څخه غوښتي چې له امنیت شورا سره په مشوره د ا.ا له چارواکو، په افغانستان کې د بشري حقونو له فعالانو او د سیمې هېوادونو له مشرانو سره د لیدنو او خبرواترو په موخه یو ځانګړی استازی وټاکي.
له افغانستان څخه د نشهيي توکو قاچاق په اړه د اندېښنو په لړ کې د ایران یوه چارواکي له افغانستان څخه دغه هېواد ته د قاچاقېدونکو نشهيي توکو د کشف له ډېروالي اندېښنه ښودلې ده. د ایران د نشهيي توکو پر وړاندې د مبارزې پولیسو مشر زیاته کړې چې له افغانستان څخه د نشهيي توکو کشف کې ۲۱سلنه ډېروالی راغلی دی.
د لوګر مرکز پلعالم ښار یوشمېر اوسېدونکي سلاموطندار وايي، د دې ولایت په مرکز او ولسوالیو کې نظامیان ځانګړی یونېفورم نهلري او ډیر يې په شخصي جامو کې دنده کوي.
د دوی په وینا، په شخصي جامو کې د وسلو ګرځول د عام ولسونو اندېښنې ډېري کړي دي.
د غزني حوزوي روغتون مراجعهکوونکي په یاد روغتون کې له ناروغانو د فیسونو اخیستلو له کبله شکایت کوي او وايي چې د فیسونو د ورکړې توان نهلري.
د عامې روغتیا وزارت د پالېسۍ پر بنسټ هغه دولتي روغتونونه چې د یاد وزارت لهخوا تمویلېږي، ناروغ ته د روغتیايي خدمتونو د وړاندې کولو په بدل کې باید فیس ترې واخیستل شي.
له څه باندې دوه نیمو میاشتو راهیسې د حماس او اسراییلو ترمنځ خونړۍ جګړه روانه ده چې دې وروستیو کې یې زور اخیستی دی.
سره له دې چې د نړۍ په کچه ګڼشمېر هېوادونو کوښښ کړی، څو دغو نښتو کې له یوه لوري ملاتړ وکړي، خو شته ځینې هېوادونه چې بېطرفي یې غوره کړې ده.
د افغانستان د بهرنیو چارو وزارت وايي چې د یاد وزارت سرپرست امیرخان متقي د یوه پلاوي په مشري ایران ته تللی دی.
د بهرنیو چارو وزارت د ویاند مرستیال ضیااحمد تکل نن «جمعه، مرغومې لومړۍ» پر اېکس لیکلي چې امیرخان متقي د ایران په بلنه یاد هېواد ته تللی دی.
د ملګرو ملتونو امنیت شورا پرون (د لیندۍ ۲۹مه، د چهارشنبې ورځ) په یوه غونډه کې د افغانستان وضعیت وارزوه.
د کورنيو چارو وزارت د ټرافيکو عمومي رياست مسوولان وايي، د بېاسناده موټرسايکلونو د راټولولو لړۍ یې درې ورځې وړاندې پيل کړې او تراوسه یې کابل ښار څخه ۹۰۰ بېاسناده موټرسایکلونه راټول کړي او د پولیسو ښارګوټي ته یې لېږدولي دي.
د افغانستان لپاره د ملګرو ملتونو ځانګړې استازولۍ یا یوناما وايي چې د دغه سازمان د امنیت شورا نن (د لیندۍ ۲۹مه، د چهارشنبې ورځ) د افغانستان په اړه ځانګړې غونډه جوړوي. یوناما لیکلي چې ټاکل شوې دا غونډه د نیویارک پر وخت لس بجې او د افغانستان پر وخت د ماښام په اووهنیمو بجو جوړه شي.
د خبریالانو نړیوال فدراسیون وايي چې د روان میلادي کال پر مهال نړۍ کې تر دې مهاله ۹۴ خبریالانو او د رسنیو کارکوونکو وژل شوي دي.
د خبريالانو نړيوال فدراسيون لهخوا تازه په یوه راپور کې ویل شوي چې سږکال د غزې نښتو کې د خبريالانو د وژنې څه باندې ۷۲ سلنه پېښې ثبت شوي چې له ۱۹۹۰ کال راهيسې په پوځي جګړو کې د وژل شويو خبريالانو تر ټولو لوړه شمېره ښيي.
د کار او ټولنیزو چارو وزارت وايي چې د تېرې یوې میاشتې پر مهال یې په بېلابېلو دولتي ادارو کې د ښځو په ګډون ۵۸۰ کسان پر دندو ګومارلې دي.
یاد وزارت نن «چهارشنبه، لیندۍ ۲۲مه» پر اېکس پاڼه لیکلي چې دې موده کې ۱۹ ښځو ته په دولتي ادارو کې د کار کولو زمینه هم برابره شوې.
د امریکا مالیې وزارت د یوه نوملړ په خپرولو سره ویلي چې دغه هېواد د بشري حقونو د نقض له کبله د افغانستان، چین، ایران او هایتي پر ۲۰ سیاسي او پوځي چارواکو بندیزونه لګولي دي.
د امریکا د نویو بندیزونو په نوملړ کې د ا.ا د امر بالمعروف او نهې عنالمنکر وزارت سرپرست خالد حنفي او د افغانستان د علومو اکاډمۍ د رییس فریدالدین محمود نومونه هم شامل دي.
د چین د بهرنیو چارو وزارت تازه ویلي چې د ا.ا سرپرست حکومت د رسمیت پېژندنې او نړیوالې ټولنې ته د لارې موندلو لپاره سیاسي اصلاحاتو، د امنیت ټینګښت او له ګاونډیانو سره د اړیکو جوړولو ته اړتیا لري او باید نړیوالو اندېښنو ته ځواب ووايي. د چین د بهرنیو چارو وزارت ویاند وانګ ونبین په یوه خبري غونډه کې ویلي: «هیله لرو چې طالبان د نړیوالې ټولنې تمو ته ځواب ووايي، یو پرانېستی او ټولشموله سیاسي جوړښت رامنځته او معتدل او محتاطانه کورنی او بهرنی سیاست وکړي.»
د ریاستالوزرا اداري مرستیال عبدالسلام حنفي نن په علومو اکاډمي کې د افغانستان د بهرني سیاست په اړه جوړې شوې غونډې ته وویل، په هېواد کې د سولې او ثبات د راتلو او د سیمهییزو شخړو د مخنیوي لپاره د افغانستان بېطرفي اړینه ده. د نوموړي په وینا، ا.ا غواړي چې افغانستان یو خپلواک او بېطرفه هېواد پاتې شي او د هېڅ پوځي اېتلاف غړیتوب به ونه مني.
د ویانا غونډې ګډونوالو له ملګرو ملتونو غوښتي چې له ا.ا سره دې تر هغه تعامل نه کوي چې سیاسي بدلون ته یې لاره نه وي هواره کړې. د ا.ا مخالفو سیاستوالو او د بشري حقونو فعالانو د روانې اوونۍ له یکشنبې تر سهشنبې پورې د اتریش په وین ښار کې د یوې غونډې له جوړولو وروسته له ملګرو ملتونو غوښتي چې په افغانستان کې د سیاسي بدلون رامنځته کولو لپاره عملي ګامونه اوچت کړي.
د تورخم کمیسار مولوي عصمتالله یعقوب وایي، پاکستان بېګاه ناوخته یو ځل بیا د تورخم دروازه د ټرانزیټ پر مخ وتړله.
د نوموړي په وینا، د پاکستان نظامي مسوولانو بېګاه ناوخته غوښتل چې د تورخم دروازې ته څېرمه شل متره د افغانستان خوا ته د لوحې په پلمه بله دروازه جوړه کړي، خو دوی یې د جوړېدو مخه نیولې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
