د ولسمشر دویم مرستیال سرور دانش وایي، د هېواد اساسي قانون له یو لړ نیمګړتیاوو سره مخ دی او باید پرې بیا کتنه وشي.
د ولسمشر دویم مرستیال سرور دانش نن په کابل کې «د افغانستان د اساسي قانون د تصویب اوولسم کال» په نمانځغونډه کې وويل، اساسي قانون په هېواد کې د سیاسي نظام د ژوندي پاتې کېدو او ولسواکۍ عامل دی او د اساسي قانون له خوندي ساتلو پرته، د وروستیو څو کلونو لاسته راوړنې به د له منځه تلو له ګواښ سره مخ شي.
افغانستان کې د ملګروملتونو سیاسي استازولۍ یا یوناما په یوه اعلامیه کې دوحې ته د مذاکرهکوونکي پلاوي ستنېدو څخه هرکلی کړی او ویلي يې دي، په چټکه توګه د دوه افغان ټیمونو ترمنځ د خبرو پیل ته په تمه دي.
له يوناما په خپره شوې خبرپاڼه کې راغلي چې دغه خبرې د جګړې د پای او سولې ته د رسېدو لپاره ډېرې مهمې دي.
د ملي پخلاينې عالي شورا وايي، د يادې شورا رييس عبدالله عبدالله د امريکا د بهرنيو چارو وزارت له ځانګړي استازي زلمي خلیلزاد سره ليدلي او دواړو لوريو د افغان دولت او طالبانو ترمنځ د سولې د خبرو د دويم پړاو په اړه بحث کړی دی.
د ملي پخلاينې له عالي شورا په خپره شوې خبرپاڼه کې راغلي، دغه ليدنه چې نن سهار په سپېدار ماڼۍ کې شوې عبدالله عبدالله…
په غزني کې محلي او امنیتي سرچینې وايي، طالبانو د خپل نفوذي کس په وسیله بېګاه د دغه ولایت د مرکز اړوند په «توحیداباد» سیمه کې د ملي اردو د یوې پوستې ۷ سرتېري وژلي دي.
د دولت د سولې مرکچي پلاوي ویاند نادر نادري په یوه ټویټ کې لیکلي چې د دغه پلاوي غړي د دولت له مشرتابه، د ملي روغې جوړې شورا له غړیو، د ملي شورا له رییسانو او غړیو، سیاسي او مدني فعالانو، دیني عالمانو او د ټولنې له نورو وګړو سره تر سلا مشورې وروسته نن د سولې خبرو د دویم پړاو د پیل لپاره بېرته دوحې ته ولاړل.
د مرغومې ۱۴مه د اوزبکي او ترکمني ژبو د ملي ورځې په توګه په کابل کې د یو شمېر لوړپوړيو حکومتي چارواکيو په حضور کې ونمانځل شوه.
په دې اړه جوړه شوې غونډه کې د لوړو زدهکړو وزیر عباس بصیر وویل، افغانستان د هغو هېوادونو له ډلې دی چې د بېلابېلو قومونو او ژبو موجوديت پهکې ځانګړې ښکلا ورپه برخه کړې.
د ولسي جرګې غړو د ناامنیو او هدفي وژنو زیاتېدو په غبرګون کې نن د کورنیو چارو وزیر، د ملي امنیت عمومي رییس او د دفاع وزیر جرګې ته ورغوښتي وو، خو د دفاع وزیر دغې غونډې ته نه و ورغلی. د کورنیو چارو وزیر مسعود اندرابي چې نن د ولسي استازو پوښتنو ته د ځواب ویلو لپار ولسي جرګې ته ورغلی و وویل، طالبان د راتلونکي کال جګړې لپاره پر بشپړ چمتووالي لګیا دي.
که څه هم ټاکل شوې وه چې د دولت د سولې مرکچي پلاوی نن د سولې خبرو د دویم پړاو د پیل لپاره قطر ته ولاړ شي، خو د سولې په چارو کې د دولت وزارت وايي، ټاکل شوې یاد پلاوی په قوي احتمال سبا د قطر پلازمېنې دوحې ته ولاړ شي.
د عامې روغتیا وزارت وايي، کورونا په تېرو ۲۴ ساعتونو کې ۱۰ کسان مړه کړي دي. دغه وزارت نن په خپل ورځني راپور کې ویلي، د ۱۵۷۵ شکمنو کسانو نمونې يې کتلي چې له ډلې یې د ۱۰۲ کسانو پایلې مثبتې ختلې دي.
د ياد وزارت په راپور کې راغلي، په همدې موده کې له کورونا ۱۲۵ کسان بېرته ښه شوي هم دي. د راپور پربسټ، تازه پېښې په ۱۴ ولايتونو کې ثبت شوې دي.
په کندهار کې یوې امنیتي سرچینې د نوم نه ښودلو په شرط سلاموطندار ته ویلي چې یوه نفوذي پولیس تېره شپه د دغه ولایت د ارغنداب ولسوالي په «سرکاري باغ» سیمه کې پر خپلو ملګرو ډزې کړي او ۹ سرتېري يې وژلي دي.
طالبانو په یوه خبرپاڼه کې ویلي چې امریکايي ځواکونو له څو ورځو راهیسې په ننګرهار او هلمند کې د دې ډلې پر وسلهوالو پرلهپسې هوايي بریدونه کړي او په کندهار کې هم د امریکايي ځواکونو په هوايي ملاتړ عملیات پیل شوي دي.
بهرنیو چارو وزارت وايي، د ترکیې په «اغري» ولایت کې په یوه ټرافیکي پېښه کې ۵ افغانان مړه شوي دي.
له ياد وزارته په خپره شوې خبرپاڼه کې راغلي چې دغه پېښه تېره ورځ د ترکیې د «اغري» ولایت په «دوغوبایزید» سیمه کې شوې.
د خبرپاڼې له مخې، په دې پېښه کې چې يوه موټر کې افغانکډوال سپاره وو، د ډېر بېړني تګ له کبله له سړکه انحراف کړی او ۵ افغانان پهکې وژل شوي دي.
غور ولايت کې د «غور غږ» راډيو د مسوول د بسم الله عادل له ترور وروسته نن « يکشنبه، د جدي ۱۴مه» د محلي رسنيو مسوولانو او خبريالانو د اعتراض په توګه دې ولايت کې درې ورځو لپاره خپل ټول نشرات وځنډول.
د غور غږ راډيو د نشراتو مدير عبدالقدوس ثاقب او عدالت غږ راډيو خبريال گل احمد خسرو نن په په دې ولايت کې يوه خبري ناسته کې وويل، تر څو چې د بسمالله عادل د ترور عاملان ونه نيول شي او سزا ور نه کړل شي، خپلو کارونو ته دوام نه ورکوي.
کندهار لپاره د نوي والي او د ملي امنیت رییس تر ټاکل کېدو وروسته، د افغانستان د ملي امنیت سلاکار حمدالله محب نن د یوه لوړپوړي پلاوي په مشرۍ دغه ولایت ته لاړ. حمدالله محب کندهار کې یوه غونډه کې وویل، نوی والي او د ملي امنیت رییس یې د کندهاریانو د غوښتنو پر بنسټ بدل کړي، ترڅو د دغه ولایت په وضعیت کې مثبت بدلون راشي.
د کاپيسا امنيتي مسوولان وايي، د ياد ولايت د علماوو شورا د رییس ميرويس کريمي پر موټر ماین چاودنه کې ۵ کسان وژل شوي او ۹ نور ټپيان دي.
د ياد ولايت د امنيې قومندانۍ د رسنيو د دفتر مسوول عبدالشایق شورش سلاموطندار ته وايي، دا پېښه نن وروسته له غرمې ۳ بجې د کاپیسا صياد سيمه کې شوې ده.
بغلان کې امنیتي سرچینې سلاموطندار ته وايي، طالبانو د یکشنبې په سهار د پلخمري ښار «پوزهایشان» سیمه کې د افغان ځواکونو د اډې په سل مټرۍ کې د چکپاینټ په جوړولو سره، ټول هغه موټر چې بغلان څخه شمالي ولایتونو ته روان وي، ډنډ شهاب الدین سیمه کې پلټي.
سرچینو وویل، طالب وسلهوالو تراوسه له۲۰ ډېر هغه کسان چې حکومت پورې…
